ئۇيغۇرنى كونكرېت سۆيۈشنىڭ 20 تۈرلۈك ئۇسۇلى

uyghurzade

	5 . ئۆزىمىزدە بار نۇقسانلارنى مىللەتكە ئارتىپ قويماسلىق ۋە شوئارۋاز مىللەتچى بولماسلىق       بۇ نۇقتىنىڭ ئىپادىسى ئەمەلىيەتتە ئۆزھالنىڭ "مەڭگۈتاش" نىڭ ئەينى ۋاقتتىكى باشلىقىنى چۆرىدەپ يازغان ئىنكاسىدا ۋە باشقىلارنىڭ ئىنكاسلىرىدا جانلىق ئەكىس ئېتىپتۇ. بىزدە ھەقىقەتەن شوئارغا تايىنىپ، قايناق خىتابلار بىلەن جان باقىدىغان ئادەملەر يوق ئەمەس. شۇنىڭدەك ئۆزىمىزدە بار ئىللەتلەرنى "ھەي بىر مانا مۇشۇنداق خەق، ئۇيغۇر مانا مۇشۇنداق مەرەز مىللەت" دەپ ئومۇمغا ئارتىپ قويىدىغان ئادەملەرمۇ يوق ئەمەس. ئۆزى ھاراق تاشلىماي تۇرۇپ ھاراق ئىچمەسلىك ھەققىدە ئەسەر يازىدىغان، بىر ئىللەت ئۆزىدە بار تۇرۇپ  شۇ ھەقتە ۋەز ئېيتىدىغان ساراڭقېتىش يازارمەنلەرمۇ يوق ئەمەس. مۇنبەرداشلار ئېيتقاندەك، "مىللەت بىزنى قوللىمىدى" دەپ تۇرۇپ، خەلقنىڭ ھېسسياتىدىن پايدىلىنىپ پۇل تېپىپ تۇرۇپ،  خەلقنى ئالدايدىغان كاززاپ كارخانىچىلارمۇ يوق ئەمەس. مۇشۇنداق ئادەملەرنىڭ يۈزىگە تۆكۈرۈپ قويغۇم كېلىدۇ.        ئومۇمەن، ئىشلىرىمىزنى ئىلگىرى باشتۇرۇشنىڭ نۇرغۇن ئامالى ۋە شەرتلىرى بار. مەسىلىلەرنى ھەل قىلشىنىڭ يولىرى يەنە بار.  ئاشۇلارنىڭ بىرى شوئارۋار مىللەتچىدىن ئەمەلىيەتچىگە؛ ھالقىلىق پەيتتە، مۇھىم ئىشلاردا  ھەرىكەت قىلىدىغان  ئىجراچىغا ئايلىنىش. دەيمىزكى، بىزگە ئۇيغۇرنى شوئار توۋلاپ تۇرۇپ سۆيىدىغان ئادەم كېرەك ئەمەس. ‎قېرىنداشلرىمىزنىڭ ئىنكاسلىرى بۇ نۇقتىنى چۆرىدىگەن بولغاچقا مۇھاكىمە قىسقارتىلدى.

uyghurzade

	گۈلەننىڭ ئۈچ يۈزلۈك زىيالى ۋە باسۇرۇپ قويۇلغان ئېتوت ھەققىدكى ئىنكاسى ماڭا بەك قاتتىق تەسىر قىلدى. ئولتۇرۇپ كەتتىم ئورنۇمدا، بەك ئازابلىنىپ كېتىۋاتىمەن. ئاشۇ ئادەملەر شۇنداق ھالەتتە، بىزنىڭ كۆرىدىغان كۈنىمىز بار  تېخى. مەن بىر مەشھۇر شائىرنىڭ مۇقامغا قىزىل  تېكىستىنى يېزىپ بەرگىنىنى كۆردۈم. مۇقام قىلىپ ئېيتىلىدىغان ئۇ تېكىستنى كۆرۈپ ئارقامغا ئۈچۇپ كەتمىدىم، ئۇنىڭ بېرىسى بولدۇم. ئۇ شائىرنى مىللەت خېلى چوڭ بىلەتتى. "ئىت ناخشىىسى" دېگەن شېئىردىكى كاللامغا ئورناپ كەتكەن مۇنۇ مىسرالارنى ئەسلىدىم: كەچكۈزىدىكى دەرەختۇر يۈرەك، ياپراقلىرى تۆكۈلۈۋاتقان. ...... ئىتمەن كوچىدىكى، سېىنىڭ تاشقا ئايلانغان سۆڭەكلىرىڭ ئۈچۈن، غاجىلاپ يۈرگەن تاشلاندۇق سۆڭەكلەرنى. شېئىر ئاپتورىغا ئامانىلىق يار بولسۇن! ئۇ ئابدۇخالىق ئۇيغۇرىنىڭ ميتىنىڭ ئۇستىخانلىرى قەبرە يول قۇرۇلۇشىغا ئۇدۇل كېلىپ كۆچۈرۈلدىغانلىقىنى نەچچە يىل بۇرۇن پەرەز قىلغاندەكلا يېزىپتىكەن (پاكىت ئۈچۈن يازغۇچىلار تورىدىكى ئەلايى يوللىغان"ئابدۇخالىق ئۇيغۇرى" دېگەن تېمىغا قارالسۇن). ئۇلىنشى: http://www.xjzjxh.com/bbs/Topic. ... amp;amp;TopicID=309 ئاكادېميىدىكى ئاشۇ پروفېسسور گۇيلار خەلقىگە يۈز كېلەلمەيدۇ.ئۇلار ساختىپەز مىللەتچى، شوئارۋاز.  بۇنداق لەتىپلەر ئېچىلىشى كېرەك. لېكىن، ئۈمىدسىزلەنمەيلى قېرىنداشلار. ئازبلىنىپ بولۇپ يەنە ئالدىمىزغا قارساق، بارا-بارا يۈرەكلىرىمىز ئازاپ ئىچىدە تاۋلانغان بەردەم يۈرەكلەرگە ئايلىنىدۇ. ئاشۇ ئازابلار ھاياتىمىزنىڭ مەنەلىرىدۇر. بىرلىكتە ئازابلىنايلى، ئازابلىنىشنى ئۆگىنەيلى. 20 يىللىق تەسەۋۋۇر پىلانىنى ئىقتىساد، مەدەنيەت ۋە ئۆزلۈكىدىن ئۆگىنىش مائارىپى نۇقتىسىدىن ئوتتۇرىغا قويۇشنى خالايدىغانلار مەرھەمەت. مەن ئەمدى ئۆزۈم ئەڭ مۇھىم دەپ دەپ قارىغان نۇقتامدا چوڭقۇرلاپ مۇھاكىمەگە كىرىمەن. قالغىنىنى مۇنبەرداشلار  بېيتىدۇ.

maxuh

	ئەگەر سىز دىگەندەك كىتابنى سۆيۈش ئىدىيىسى ئويغانغان بولسا،بەلكىم بىزمۇ يەھۇدىيلاردەك دۇنيا خەلقىنى قايىل قىلالىغۇدەك ئېسل سەھىپىلەرنى بارلىققا كەلتۈرگەن بولار ئىىدۇق،قەلىمىڭىز ھارمىغاي...

lukqak

	بۇ تېمىغا ئىزچىل دىققەت قىلىپ كىلىۋاتاتتىم  ھەم ئۆزەمنىڭمۇ ئازدۇر - كۆپتۈر ھەركىتىم بىلەن گىپىم بىردەك بولغان ئېيتقۇدەك سۆزلىرىم بار ئىدى،6-بەتكە بېرىپ قالدى،تېخىچە دەپ بۇلالمىدىم،مۇشۇ ئورۇننى مەن ئېلىۋالمىسام 16-بەتكە بېرىپ قالغاندا سەل كىيىن قالغۇدەكمەن،بۇ ئورۇن پېقىر تەرىپىدىن داۋاملىق تەھرىرلىنىۋاتىدۇ.

sahar123

	مۇنازىرگە ئەركىن قاتنىشىپ. پىكىرنى __كۆڭۇلدە نىمە بولسا شۇنى دىسەك بولامدۇ ياكى ئەگەشمىچىلىك قىلمىساق يەكلىنىپ تەنقىتكە ئۇچرامدۇق بۇنى بىلمىدىم .بىراق بۇ تىمىغا قىزىقىپ ئۆز پىكرىمنى ئوتتۇرغا قويۇش ئويۇم بار ئىدى ئەسلىدە .

uyghurzade

	6. چاكىنلار ئۆزىنىڭ مەدەنىيىتىنى يارىتۋاتقان يەردە ئۇيغۇرنىڭ ئۆزىنى ئالىجاناپ ۋە ياخشى ھېسابلايدىغانلىرى ياخشى مەدەنيەت مۇھىتى بەرپا قىلىش ۋە ئۇنى كېڭەيتىش؛ چاكىنا مەدەنيەتلەرنى ئىسلاھ قىلشقا تۆھپە قوشۇش          چاكىنىلار، چۈپرەندىلەر ھامان ئۇيغۇرنىڭ ياخشىلىرىدىن غالىپ كېلىۋاتىدۇ ھەم چاققان كېلىۋاتىدۇ. ئۆزىمىزنىڭ ئەنئەنىسىنى قەتئىي ساقلاشقا تېگىشلىك يەرلەردە بولسا ئالىجاناپلار ئاجىز قېلىۋاتىدۇ. چاكىنلار ئىتپاقلىىشپ چاكىنا سورۇن تۈرلىرىنى بەرپا قىلىۋاتىدۇ،  ئومۇمنىڭ مەنپەئەتىنى ئويلايدىغان ياخشى ئادەملەر  بولسا  ئىجابي، ئاكتىپ مەدەنيەت شەكىللىرىنى ۋۇجۇدقا چىقىرىالمايۋاتىدۇ. نېمە ئۈچۈن بىزدە ئەنئەنىۋي چايخانىلادەك سورۇنلار بارلىققا كەلمەيدۇ-يۇ، بۇزۇقچىقىل سورۇنلىرى بەك بازار تاپىدۇ؟ نېمە ئۈچۈن  قىز-ئوغۇل "گوركى" دەپ سۆيۈشسە قوبۇل قىلىنىدۇ-يۇ، ئەمما تويلاردا كىتاپ سوۋغا قىلىنسا ياكى شېئىر ئوقۇلسا خەق زاڭلىق قىلىدۇ؟ ياخشى ئادەملەر مەغلۇپ بولدى. تايىنى يوق سۈكۈتلىرى ئاخىرى ئۇلارنى چاكىنالارنىڭ ئالدىدا پاسسىپ ئورۇنغا چۈشۈرۈپ قويدى. ئۇنداقتا، ئۇيغۇرنىڭ ياخشىلىرى قاچانلاردا چاكىنىلارغا بۇ دەرىجىدە ئۇتتۇرۇپ قويدى؟ نېمشىقا بىزدە ئىجابىي، ساغلام مەدەنىيەت سورۇنلىرى بارلىققا كەلمىدى؟ بۇ-ئويلىنشىقا تېگىشلىك مەسىلە.        ئەلۋەتتە ھازىر بەزى ياخشى يۈزلىنشىلەرمۇ بولۇۋاتىدۇ. مەسىلەن، نەچچە يىل بۇرۇن، ياراملىق شائىرىمىز چىمەنگۈل ئاۋۇت ئوغلىنىڭ سۈننەت تويىنى ئۆتكۈزگەندە كىتابنى سوۋغا ئورنىدا تارقىتىپتۇ. تويدا شېئرلار ئوقۇلۇپ شۇنداق ياخشى بولغان بىر مەدەنيەت مۇھىتى بارلىققا كېلىپتۇ(مۇنبەرلەر ئارقىلىق خەۋەر تېپىپ شۇنداق خۇرسەن بولدۇم). يەنە يېقىندا قەشقەر ۋىلايەتلىك كىتاب شېركىتى تاھىر تالىپ، ياسىنجان سادىق  قاتارلىق ئەدبىلەرىنى تەكلىپ قىلىپ ئەسەرلىرىنى ئىمىزا قويۇپ سېتىش پائالىيتى ئۆتكۈزدى. بۇ ياخشى يۈزلىنىش. ئىزدەنسەك، بىز مانا مۇشۇنداق ساغلام سورۇن تۈرلىرى ۋە مەدەنيەت شەكىللرىنى يارىتالايمىز. مەدەنيەت سىياسىدىن بىر قەدەر مۇستەسنا بولغاچقا، بىزنىڭ بۇ ساھەدە بەزى ئىشلارنى قىلشىمىزغا ئىمكانىيەت بار. ھازىر بىز دۇچ كېلۋاتقان مۇھىم بىر ۋەزىپە—ئۇيغۇرنىڭ چاكىنا مەدەنيەتلىرىنى ئىسلاھ قىلشىنىڭ كويىغا كىرىش ۋە ھەرىكەتكە ئۆتۈش.        كىتاب ئالماشتۇرۇش، ھەر 15 كۈندە  ياخشى كىتابلارنى مۇھاكىمە قىلىش چېيى قىلىپ تۇرۇش، كەسپ ئىگىلىرىنى تەكىلىپ قىلىپ ئەكىلىپ مۇنبەلەردە مەخسۇس تېمىالاردا لېكسيە ئۆتكۈزۈش(سۆھبەتلا ئەمەس، يەنە دەرس دەۋاتىمەن. خەنزۇچە مەشھۇرلار مۇنبرى دېگەن پرگراممىلاردەك)، مۇنبەردە يەكمۇ-يەك (ئەركىن مۇنازىرەدىن باشقا) مۇنازىرە ئۆتكۈزۈش(قالغانلار پاساڭ قىستۇرماسلىق) قاتارلىق ئىجابىي سورۇن تۈرلىرىنى بەرپا قىلشقا تۆھپە قوشۇش ۋە چاكىنا سوۇنلاردىن ئۆزىنى تارتىش....مانا بۇلارنىڭ ھەممىسى خەلقنى ئاقىللارچە ۋە كونكرېت يوسۇندا سۆيگەنلىكنىڭ ئىپاىسى.        باشقىلارنىڭ مەدەنىيتىمىزنى ئىجابىي تەرەپكە سىلجىتىش، مەدەنىيتلەرنى ئسلاھ قىلىش ھەققىدىكى تەسەۋۋرۇلىرى ۋە ھەرىكەت پىلانى بولسا ئاڭلىساق.

uyghurzade

	سەھەر،  ھەممەيلەن پىكرىنى ئەركىن قويۇۋاتىدۇ. ئەلۋەتتە ئەمەلىيەتچىل بولۇشنىڭ ئۇسۇللىرى بۇنىڭلىق بىلەنلا چەكلەنمەيدۇ. قاراشلىرىڭىز بولسا ئەركىن قويۇڭ. تېمىغا مۇناسىۋەتلىك بولسا تېخى ياخشى.

ozhal

	ئادەمنىڭ تەپەككۇر نىرىپلىرىنى ئويغىتىدىغان ئەمەلى پىكىرگە باي بىر تىما بۇلىدىغان بولدى بۇ .

tutem

	ئۆزھال بىلەن گۈلەننىڭ تېمىغا يانداشقانلىقىدىن بەكمۇ سۈيۈندۇم.ھېسسىي سۈيۈشتىن ئەقلىي سۈيۈشكە ھالقىش ئۈچۈن ئۆزىمىزنى ۋە ئەتراپىمىزدىكى مۇھىتنى ئىنىق ھېس قىلىشنڭ نەقەدەر مۇھىملىقىنى تېخىمۇ چۈشۈنۈپ يەتمەكتىمەن...

qaxmazulal

	جانلىق ئىنكاسلارنى ھەزىم قىلاي ئەمىلىيىمىگە ئاساس بولغۇسى.