ئۇيغۇرنى كونكرېت سۆيۈشنىڭ 20 تۈرلۈك ئۇسۇلى

uyghurzade

	ئىملا خاتالىقى كۆرۈلۈپتۇ. ھېلى كىرىپ ئوڭشاي. سەت بوپتۇ.

uyghurzade

	تەپىسلىي توختىلىدىغان ئۈچ نۇقتا قالدى.      14 . كىتاب ئوقۇش ئۇسۇلىمىزنى، كىتابقا تۇتقان پوزىتسيىمىزنى ئۈزۈل-كېسىل ئۆزگەرتىش؛ نەشرىيات ۋە مەتبۇئاتلرىمىزنى قوللاش ھەم ئۇلارغا تەلەپ قويۇش؛       بۇنىڭدا ئۈچ گەپ بار. بىرى ، كىتاب ۋە ئۇنى ئوقۇش ھەققىدە.  مەن ئۇزۇن مۇددەت كۆزىتىش ۋە بەزى  مۇتەپپەككۇرلارنىڭ كىتاب ئوقۇش ئۇسۇلىنى چۈشىنىش ئارقىلىق كىتاب ئوقۇش ئۇسۇلىمىز ۋە كىتابقا تۇتقان پوزىتىسىيىمىزدە ئېغىر مەسىلە باركەن دەپ ئويلىدىم. مەسىلەن،بۇنىڭ بىرىنىچىىسى،  كىتابنى ئېلىپ قويۇپ، كېيىن ئوقۇيمەن دەپ ئۆزىمىزنى گوللاپ ئوقۇماسلىق. جىق كىشلەردە بۇ خاھىش ئېغىر ئىكەن. بۇ ئەمەلىيەتتە بىرخىل شۆھرەتپەرەسىلكىنىڭ ئىپادىسى.  يەنى پىكىر قىلدىغانلارنى كۆرگىنىمىزدە ياكى بىر كىتابنىڭ داڭقىنى ئاڭلىغاندا ئۇنى ئېلىپ قويىدىكەنمىز. ئەمما ئۇنى ئوقۇش پىلانىمىزغا كىرگۈزمەيدىكەنمىز، كېيىن باشقا ئىشلار چىقىدىكەن-دە، ئوقۇشقا ۋاقىت چىقمايدىكەن. كونىلارنىڭ "قالغان ئىشقا قار ياغار" دېگەن گېپىدە ھېكمەت باركەن. راست شۇنداق بولىدىكەن.           ئىككىنىچى، كىتابنى ئوقۇپ پىكىر قىلماسلىق. مەسىلەن، نۇرغۇن ئادەم 'يۈز يىل غېرىبلىق"نى ئوقۇدى، كافكانى ئوقۇدى، ئەمما ئۇ ئەسەرلەر سىغدۇرغان، ئىنساننىڭ مەڭگۈلۈك تەقدىرى بولغان غېربلىق ھەققىدە چوڭقۇر ئويلىنىش قىلمىدى. ھازىرقى زامان ئادەملىرى دۇچ كېلىۋاتقان غېرىبلىق تۇيغۇسى ئەمەلىيەتتە ئىنسانىيەتكە ئورتاق. راست، بىز ئىنسانلارنىڭ  ئورتاق غايىسى ھەققىدكى ئەسەرلەرنى ئوقۇدۇق، ئەمما ئوقۇپلا قوپۈپ كەتتۇق. چۈشەنچىمىز ئۇ ئەسەر "داڭلىق ئەسەر"دېگەن بىر ئىپتىدائىي چۈشەنچىدىلا قالدى.  قالتىس ئەسەرلەرنى تولۇق ئوقۇماي، ھەزىم قىلماي تۇرۇپلا يېڭى ئەسەرلەرنى ئوقۇشقا كۆچتۇق. شۇنىڭ بىلەن  "شۆھرەتپەرەس ئوقۇرمەن"، "رىياكەش ئوقۇرمەن"، "چالا ئوقۇرمەن"لەرگە ئايلاندۇق.           ئۇيغۇرنىڭ خېلى جىق ئوقۇرمەنلىرى چالا ئوقۇرمەلەرگە ئايلىنىپ ۋاقىىتنى زايە قىلۋاتىدۇ. يەنى ئوقۇپ ھەزىم قىلمايۋاتىدۇ.  كىتاب ئوقۇيدىغانلار ئاز، ئەستايدىل ئوقۇيدىغانلار تېخىمۇ ئاز. بۇنداق بولسا، بىزنىڭ 60-، 70-يىللاردىن كېيىن تۇغۇلغان ئوقۇرمەنلىرىمىز مىللەتنىڭ ئەقىل غەزىنىسگە ئەخلەت ۋە ئەبجەق بىلىم تەقدىم قىلىشتىن باشقىغا يارىمايدۇ. بۇ بىر قەۋم ئۈچۈن پاجىئە.         ئۈچىنچى، كىتاب ئوقۇپ خاتىرە قالدۇرماسلىق ، پىكىر تەمەچلىرى خاتىرىسى تۇتۇپ ۋاقىتىدا ئىلھامنى پەرۋىش قىلماسىلىق. بۇنداق بولغاندا، ۋاقتىنىڭ ئۆتۈشىگە ئەگىشىپ ئوقۇغان نەرسىلەر خىرەلىشدۇ-دە، بىز نېمە ئوقۇپ،نېمە نەپ ئالغانلىىمىزنى ئەسىليەلمەيمىز.          تۆتىنچى، ئۆزىمىز ئوقۇغان كىتابقا پۈتۈنلەي ئەل بولۇپ كېتىش. رومان ئوقۇغان ئادەم روماندىن باشقىنى ئوقۇمىسا، دىنىي كىتاب ئوقۇغان ئادەم باشقا ئېسىل كىتابلارنىڭ بارلىقىنى نەزەردىن ساقىت قىلىپ تىللىسا، پەلسەپىۋىي كىتاب ئوقۇغانلار مۇقەددەس كتابلارغا دىماغ قاقسا،ھەم ئۆزىنىڭ ئۇقىغىنىنى دۇنيانى دونۇشنىڭ بىردىنبىر يولى دەپ قارىۋالسا، بۇ بىر ئەپسۇسلىنارلىق ئىش ئەمەسمۇ؟ بىر خىل تونۇش شەكلى پەقەت بىر خىللا رېئاللىقىنى ئەكس ئەتتۈرۈپ بېرەلەيدۇ، يەنە بىر ئوخشمايدىغان رېئاللىقنى ئەكس ئەتتۈرۈپ بېرلمەيدۇ. شۇڭا ھازىر مەلۇم بىر پەندىكى نەزەرييۋي سسېتىملارمۇ نەچچىگە  پارچىلىنىپ كەتتى. شۇڭا بىرخىل بىلىش شەكلىنى، مەلۇم بىر كىتابنى دۇنياغا ھۆكۈم قىلشىنىڭ بىردىنبىر  ۋاستىسى قىلىۋېلىشقا بولمايدۇ(ئەلۋەتتە مۇقەددەس ئەقىدىمىزنى يادرو قىلىپ تۇرۇپ). مەن بۇنى بىردەم تۇرۇپ، بىزنىڭ ئەڭ داڭلىق تەتقىقاتچىمىز ئابدۇشۈكۈر مەمتىمىننىڭ ماركىسىزمنى دۇنيانى تونۇشنىڭ بىردىنىر قورالى (ئەمەلىيەتتە نۇرغۇن قورال ئىچىدىكى بىر قورال) دەپ چۈشنىۋېلىپ،خاتا تونۇشىىنىڭ قۇربانى بولۇپ كەتكەن ، خاتا گەپ قىلغان يەرلىرىگە پاكىت كۆرسىتىپ تۇرۇپ تەھىلىل قىلىمەن(پاكىتنى كۈتۈڭ).         بەشىىنچى، پارتىزانلارچە كىتاب ئوقۇش ئۇسۇلى بولۇپ، ئالدىغا نېمە كەلسە ئوقۇش، ئۆزىنىڭ پىلانى ۋە سېستىمىسى بولماسلىق.          ئالتىنىچى، ئەدەبىي كىتابلارنىلا، تارىخي رومانلارنىلا  ئوقۇپ ئىلمىي ئەسەر ئوقۇماسلىق. ئەمەلىيەتتە يېقىىنقى ئون نەچچە يىل ئىچىدە ئىلمىي كىتابلار ئاز چىققان بولسىمۇ ئوقۇغۇدەك ئىلمىي ئەسەر ۋە ئىلمىي ماقالە يوق ئەمەس.       ئەمدى كىتابقا مۇناسىۋەتلىك يەنە بىر گەپ-- ئۆز مەتبۇئاتلىرىمىزنى قوللاش ۋە ئۇلارغا تەلەپ قويۇش مەسىلىسى. بۇنى دېيىشىمىزدىكى سەۋەب شۇكى، ھازىر  تورغا كۆنگەن نۇرغۇن بالىلار  بىر تەرەپلىمىلىكە يول قويۇپ كىتاب ئوقۇماس بولۇپ كەتتى ھەم ھەممە بىلىم توردا بار دەپ قارايدىغان بولۇپ قالدى. بۇ خاتا. ئەڭ چوڭقۇر بىلىم يەنىلا كلاسسىك كىتابلاردا. ئۇنىڭدىن باشقا، يېقىندىن بۇيان تۈزۈك كىتاب چىقمايۋاتقانلىقى ۋە مەتبۇئاتلارغىمۇ بېسىم چۈشۈپ تازا ياخشى چىقمايۋاتقانلىقى بىر پاكىت. ئاز ساندىكى مۇھەررىر ۋە نەپسانىيەتچى مۇھەررىرلەرنى دېسە ئادەمنىڭ كىتابچلىق، نەشىرىياتچىلىق سەھەسىدىن رايى يېنىپ قالىدۇ. ئەمما، بۇنىڭلىق بىلەنلا مەتبۇئاتلىرىمزنى، نەشرىياتچىلىقىمزنى يوققا چىقارغىلى بولمايدۇ. نېمىلا بولسۇن، ئۇلارنى قوللىشىمىز، كىتابلارنى چامىمىمىز يەتكەن دائىرىدە سېتىۋېلشىمىز، مەتبۇئاتلارغا مۇشتەرى بولۇشىمىز لازىم. چۈنكى، ئۇنىڭدا چىقىۋاتقىنى بىزنىڭ ئانا يېزىقىمىز. مىللتىمگە ساداقىتىم بار دەپ قارايدىغان ھەر بىر ئۇيغۇرنىڭ كىتاب سېىۋېلىش، مۇشتەرى بولۇش مەجبۇرىيىتى بار. تازا چوڭقۇر يېرىدىن سۈرۈشتۈرۈپ كەلسەك، بۇ-- ئانا تىل يېزىقىىزنىڭ تەقدىرىگە مۇناسىۋەتلىك بىر ئىش.          بۇ دېگەنلىك نەشىرىيات ۋە مەتبۇئات نېمىلا باسسا سۈكۈت قىلىش دېگەنلىك ئەمەس. ئۇلارنى قوللاپ كىتابلىرىنى، ژۇرناللىرىنى ئالغانىكەنمىز، يەنە ئۆز نۆۋىتىدە تېلفون، خەت ئارقىلىق خاتا كەتكەن يەرلەرگە، ياخشى بولمىغان يەرلەرگە پىكىر بېرىشىمىز لازىم. يەنى ئاۋۋال قوللايلى، ئاندىن تەلەپ قويايلى. تەھرىرلەر ۋە نەشرىياتچىلارمۇ خەلقىنىڭ ھېسسياتىدىن ئايرىلىپ قېلىپ تۇرۇپ، جان باققىلى بولمايدىغانلىقىنى چۈشەنسۇن!      شۇنداق قىلالىساق ئوخاشلا مىللەتنى كونكرت يوسۇندا سۆيگەن بولىمىز.

Mehrinaz

	ئەسسالامۇ ئەلەيكۇم ئۇيغۇرزادە ئاكىمىزنىڭ مۇبارەك قەدىمىگە مەرھابا ! ئازراق ئىشلار تۈپەيلى بىرە ھەپتىدەك ياتاقتا يىتىپ ، بۈگۈن مۇنبەرنى ئىچىشىم . خەت يىزىشىممۇ بەك قىيىنغا توختاۋاتىدۇ ، مەن پۈتۈن ساقىيىپ ئاندىن مۇنازىرەڭلارغا قاتنىشاي . قارىسام شۇنداق ئالتۇنغا تىگۈشكۈسىز پىكىرلەر ئوتتۇرغا قويۇلۇپتۇ . شۇنداق سىلەرگە يانداش بولغۇم بولسىمۇ ، لىكىن ئامالسىزمەن .   خەيىر ئامان بولغايسىلەر !

babursalam

	بىرىنجى خىل ئىپادىسى ماڭا شۇنداق بىر سەۋەب بىلەن خېلى چىڭ ئۆزلەشكەن ئىدى:      تولۇق ئوتتۇرىدا ئەدەبىيات ئوقۇتقۇچىمىزنىڭ<لىبىرىيە زۇڭتۇڭى كازافىنىڭ كىچىك ۋاختىدا دادىسىغا تاماكا ئەكىلىش ئۈچۈن ئۆيىنىڭ يېنىدىكى يەھۇدىنىڭ دۇككىنىدىن ئالماي،ئاپتۇبۇسقا ئولتۇرۇپ يېراق بىر  جايدىكى  مىللەتدېشىدىن ئالىدىكەن...>    ئۇنىڭغا قارىغاندا بىزدە شارائىت كۆپ ياخشى...شۇندىن بېرى مەنمۇ كۆپ دىققەت قىلىدىغان بولدۇم.ئەمەلىيەتتىمۇ <قولمۇ ئىچىگە ئېگىلىدۇ >غۇ!

kokasman

	مۇنازىرەڭلاردىن كوپ نەرسىلەرنى بىلىۋالدىغان بولدۇق،ئاللاھ قەلىمىڭلارغا كۇچ ئاتا قىلغاي!

uyghurzade

	2011-يىللىق كىتاب ئوقۇش پىلانى      كىتاب ئوقۇش مەسىلىسى ھەققىدە يېزىۋېتىپ بىردىنلا قىزققۇچىلارنىڭ پايدىلىنىشى ئۈچۈن 2011-يىللىق كىتاب ئوقۇش پىلانى يوللاپ قويۇش ئېسىمگە كەلدى. بۇ كىىتابلار ئەتراپىمزدىن تېپىلىدىغان، ئۇيغۇر تىلىدا چىققان قانۇنلۇق كىتابلاردۇر. بەزىلىرى شىنىخۇا  كىتابخانسىدا بولمىسا، خۇسۇسىي كىتابخانىلاردا ياكى  كۇتۈپخانىلاردا تېپىلىدۇ.          كىتاب ئوقۇشتىمۇ پىلان بولۇشى كېرەك. ئەمما، ھەر كىمنىڭ قىزىقىشى ئوخشىمايدۇ. مېنىڭ بۇ يەردە كۆزدە تۇتقىنىم ھەممە ئادەم ئوقۇشقا تېگىشلىك ،بىزگە ئەقىل ئۆگىتىدىغان، ئادىمىيلىك تەربىيىسى ياكى ئېستېتىك زوق ئاتا قىلىدىغان كىتابلاردۇر.بەزى كىتابلار ئەڭ مۇھىم بولغان ئۆزىمىزنى تونۇش مەىسلىسىدە بىزگە ياردەم بېرىدۇ.     كىتابلارنى تاللاشىتىكى مېتودىم مۇنداق1) قانۇنلۇق چىققان بولۇش؛ (2) كۆپنىچە ئاكتىپ ئوقۇرمەن داڭلىق رومانلىرىمزىنى ۋە باشقا  ئەدەبىي ئەسەرلەرنى ئوقۇيدىغىنى ئۈچۈن، ھەم ئەدبىلرىمىز ئارىسىدا مېنىڭكىنى تىزماپتۇ دەپ كۆڭۈلسىزلىك پەيدا بولۇپ قالماسلىق ئۈچۈن ئۆزىمىزنىڭ يېزىقىدا چىققان ، ھايات ئۇيغۇر ئاپتور يازغان ئەسەرلىرىنى تىزماسلىق(ئەمما دۇنياۋىي كلاسسىك رومانلارنى تىزىش)؛ئەمما، بىر قىسىم تارىخي شەخسلەرنى ئەسلەپ تۇرۇش ئۈچۈن ئاپتورى ئۆلۈپ كەتكەن بىر قىسىم ئەسەرلەرنى تىزىش؛ (3) تەپەككۇر قوزىتالايدىغان، ئەقىل ئاتا قىلىدىغان، كونا بىلىملەرنى يېڭىلايدىغان، بەختلىك ياشىشمىزغا ياردەم بېرلەيدىغان بولۇش؛(4)  مۇقەددەس كىتابلارنى ئوقۇش ئۆمۈرلۈك ھەم زۆرۈر ئىش بولغاچقا، ئۇ كىتابلارنى بۇ يەردە باشقا كىتاب بىلەن تىزىپ يۈرمەسلىك؛ (5) ئالىي مەكتەپنى پۈتتۈرگەن  ياكى ئۆزلۈكىدىن ئۆگنىپ  شۇنىڭغا  باراۋەر سەۋىيىگە يەتكەن  قېرىنداشلارنى كۆزدە تۇتۇش؛) 6) تەلەپنى يۇقىرىراق قويۇپ، ئايدا تۆت پارچىدىن (ھەپتىدە بىر   كىتاب ) كىتاب توغرا كېلىش؛ (7) 2011-يىلنى 2015يىلغىچە بولغان تۇنجى تۆت يىللىق ئىلمىي تەرەققىيات پىلانى ئۈچۈن كىتاب ئوقۇپ ئېنېرگىيە تولۇقلاش يىلى قىلىش؛ (8) زېركىپ قالماسلىق ئۈچۈن ئايدا ئۆزىمىزنى تونۇتىدىغان بىر كىتاب، تەپەككۇر كۈچايتىدىغان بىر كىتاب، ئېستېتىك بەدىئىي زوق ئاتا قىلىدىغان بىر كىتاب ۋە پايدىلىنىش ئۈچۈن يەنە بىر كىتابنى گۇرۇپپلاپ ئوقۇش؛        بەزىلەر جىقكەن دەپ قالسا ئۆزى ئازايتىپ ئېيىغا ئىككىدىن ئوقۇسىمۇ بولىدۇ. ھازىرقى ئوقۇرمەن كىرزىسى بىزدە بەك ئېغىر بولغاچقا، ئايدا كەم دېگەندە ئىككى پارچە كىتاب ئوقۇمىساق بولمايدۇ.  شۇنىمۇ دەپ ئۆتۈشۈم كېرەككى، بۇ پەقەت مېنڭ تەكىلىپ لايھەرىم. باشقىلارنىڭ 12 ئايلىق كىتاپ پىلانى باشقىچە بولسا تۈزۈپ باقسا بولىدۇ. بەك سەۋىيەلىك كىتاب ئوقۇيدىغانلار بولسا ۋە ياكى بۇ كىتابلارنى ئوقۇپ بولغانلار بولسا باشقا كىتابلارغا مۇراجىئەت قلىپ ئۆز ئالدىغا تىزىملىك تۈزسە بولىدۇ. لېكىن، كىتابنى 2011-يىلدىن باشلاپ پىلانلىق ئوقۇش ئادىتىنى يېتىلدۈەيلى. يەنەدەيمەنكى، پىلانلىق ئادەم پلانسىز ئادەمدىن بەكرەك يىراققا ئۇزايدۇ.     كىتابخانلارنىڭ ئوقۇشىقا  ئاسان كىرىشۋېلىشى ئۈچۈن تەسراق كىتابلار ئاخرقى ئايغا تىزىلدى، ئوقۇش ئادىتىگە ماسلاشتۇرۇپ ئېيىغا بىردىن چەت ئەلنىڭ داڭلىق كىتابى تەۋسىيە قىلىندى.          گۇرۇپپلاپ چېتىپ ئوقۇش لايېھەسى: 2011-يىللىق كىتاب ئوقۇش پىلانى(قانۇنلۇق   چىققان كىتابلار) يانۋاردا        1. ياخشلار باغچىسى؛ 2 .مەمەت ئاۋاق(قايتا ئوقۇيلى)؛ 3. ئىنىسانىيەت جەمئيىتىدىكى يۈز مەشھۇر ئەسەر؛ 4.  قەلب خەرىتىسى. فېۋرالدا         1. شەرق يۇلتۇزلىرىنى ئىزدەپ؛ (2) ئۆكسۈش(كەرىمە نادىر)؛ 3. غەربنىڭ تەپەككۇرى؛ 4. مەن ھەقىقەتنى قانداق چۈشەندىم؟ مارتتا        1. مۇھەممەت ئەلەيھسالامنىڭ تەرجىمھالى؛2 مېنىڭ ئېتىم قىزىل ؛3.  ئوشو پەلسەپىسى؛ 4.  تەپەكۇرغا تايىنىپ ئىگىلىك تىكلەش؛       ئاپرېلدا       1. ئۇيغۇر پەلسەپە تارىخى؛ 2. يۈز يىل غېربلىق؛ 3. مۇتەپپەككۇرلار ساداسى؛ 4. قايغۇرماڭ، باتۇرلارچە ياشاڭ؛      مايدا      1. ھىدايەت گۈلزارى(بىرىنچى قىسىم)؛ 2. ئاننا كارېنا؛ .3. مەدەنيەتلەر توقۇنۇشى؛ 4. ئەڭ ئۇلۇغ مال ساتقۇچى؛      ئيۇندا 1. ھىدايەت گۈلزارى(2-قىسىم) 2. تىرىلىش؛ 3. سىياسىنىڭ رەزىللىكى؛ 4. سىزنىڭ سەۋەنلىكلىرىڭىز؛

uyghurzade

	ئيۇلدا   1. ئىسلام دىنىنىڭ تارىخى(ئىككى قىسىم)؛ 2. لەۋدىن قەلبكە؛ 3. زوروئاستېر شۇنداق دەيدۇ؛ 4مەن كەچكەن كېچىكلەر؛ ئاۋغۇستتا   1. ھەدىس شەرفتىن ئۈنچە-مارجانلار؛ 2.ئاتىلار ۋە بالىلار (تۇرگېنېف) 3.  نىتزى ھېكمەتلىرى(ئابلەت بەرقى تەرجىمىسى)؛ 4. تارىخي رەشىدىي سېنتەبىردە   1. ئىسلامنىڭ سۈبھى ۋە ياشلىق دەۋرى؛ 2.جىنايەت ۋە جازا؛ 3. سوفىيەنىڭ دۇنياسى؛ 4. قاراخانىلار تارىخى(ھاجى نۇر ھاجى) ئۆكتەبىردە    1. ئەرەب تىلىدا يېزىلغان پەلسەپە؛ 2. ئوۋچى خاتىرىلىرى؛ 3. ھاياتقا  تەمسل، قىسمەتكە ئاچقۇچ؛ 4. بالدۇر ئويغانغان ئادەم(شائىر تۇغۇلغانلىقىنىڭ 110يىلى) نويابىردا 1. مۇسۇلمانلارنىڭ ھۆكۈمدارلىق يولى؛ 2. ھالاكەت(تاگور)؛ 3. ئەپلاتون پاراڭلىرى؛ 4. ئۇيغۇر ئېتنوگرافيىسى. دېكابىردا 1. ئسلام پەلسەپە تارىخى؛ 2. ئەسىردىن ھالقىغان بىر كۈن؛ 3. ئۇيغۇر ئۆرپ-ئادەتلرىدىن ئۆرنەكلەر؛  4. قىيادىكى ئوۋچىنىڭ زارى   بۇ يەردە ھېچكىم ھېكچكىمگە قېلىىپ بېكىتىپ بېرىۋاتقىنى يوق. باشقىلار ئۆزىنىڭ ئايرىم مېتودى بويىچە باشقا لايېھەنى ئوتتۇرىغا قويسا (ئۇنىۋېرساللىقنى كۆزدە تۇتقان ئاساستا)مۇ بولىدۇ.   كىتاب ئوقۇشتا ئىكى-ئۈچ دوست گۇرۇپپا بولۇپ ھەپتىدە بىر يىغىلىىپ مۇھاكىمە قىلىش، خاتىرە قالدۇرۇش، كۆكلەپ ئوقۇش بىلەن ئىنچىكە ئوقۇشنى بىرلەشتۈرۈش، كۆرسەتكۈچ كارتا تۇتۇش، مۇئەييەن تېمىنى بويلاپ ئوقۇش قاتارلىق ئۇسۇللاردىن ئۆزىمىز خالىغاننى تاللساق بولىدۇ. كىتاب ئوقۇماي تۇرۇپ ئۆزىمىزنىڭ رودىپايلىقىنى سەزمەيمىز.       كىتابنى يالغاندىن  ئوقۇغان قىياپەتكە كرىۋالمايلى. رەسمىي ئوقۇيلى.زىندان كاللىلارغا ھۇجۇم قىلايلى. بولمىسا يەنە شوئارۋازغا ئايلىنىمىز. بۇ كىتابلارنى ئوقۇغانلار باشقا كىتابلارنى ئورنىغا سەپلىسە بولىدۇ. بۇ بىر تەكلىپ، خالاس. 18. پىكىر ئسلاھاتى

nijad

	<ئاننا كارېنا؛ > بىلەن  <لەۋدىن قەلبكە>  نى  ئوقۇغاننىڭ  ئانچە  ئەھمىيىتى  يوق  دەپ  قارايمەن  .(شەخسى قارىشىم) بۇنىڭ  ئورنىغا  بىرقانچە  كىتاپ  تەۋسىيە  قىلاي  ،  دالى  كارنىگنىڭ  <ئىنسان  تەبىئىتىدىكى ئاجىزلىقلار ><گۈزەل ھايات > تولىستوينىڭ  <كۈنىگە بىر ئەقىل >....

erki

	ياخشى پىكىرلەر بولۇۋىتىپتۇ، داۋامى ؟

lukqak

	بىر قىسىم مەن كۆپرەك ئارلىشىپ قويىدىغان بالىلار بار،ئۆزى تولىراق توردا يۈرۈيدۇ،بەزىدە سوراپ قويىمەن پالانى تور بېكەتتە مۇنداق نەرسە باركەن جۇمۇ،كۆردۈڭمۇ دەپ؟  جاۋابىنى تەھلىل قىلىپ باقايلى....تولىمۇ ئەپسۇس كۆردۈم ياكى ياق دېيىش ئورنىغا ئۇيغۇرچە تور بېكەتكە چىقمايمەن،ئەرزىگۈدەك ھېچنىمە يوق،كىرسەم ئۇلىنىشقا كىرىپ ناخشا ئاڭلاپ قويىمەن،يەنىلا خەنزۇلارنىڭ چەتئەللىكلەرنىڭ تور بېكەتلىرى نوچى جۇمۇ،نېمە ئىزدىسەڭ شۇ بار،ئۇيغۇرچە تور بەتلەر تۈزۈك تايىنى يوق...ئىشقىلىپ ۋايىغا يەتكۈدەك قاقشاش،مۇشۇ ئىنكاسىمنىمۇ شۇ دوستلىرىمىز كۆرىشى مۇمكىن،ئەمما كۆرسىمۇ يەنە شۇنداق دەيدۇ،دېمىسىمۇ راست تۇرسا دەپ ، ئۇنداق بولسا ئۇيغۇرنى قانداق سۆيۈش توغرىلىق ماۋۇ تېمىنى بارلىق ئىنكاسلار بىلەن چوقۇم ئوقۇپ چىقسۇن ئاندىن بىر سۆزلىشىپ باقايلى. بۇ تېمىغا دىگۈدەك گەپلىرىم ھەقىقەتەنمۇ جىق،ئىنكاسلارنى كۆرىۋېتىپ قىستۇرۇپ قويۇشنى لايىق كۆرۈپ بۇ ئىنكاسنى قوشۇپ قويدۇم.قالغان گەپلەرنى باشتىكى ئىنكاسىمنى تەھرىرلەپ  شۇ يەردە تەپسىلىيراق سۆزلەيمەن.ئۇيغۇرزادىگە رەھمەت،باشتىلا سىزنىڭ بىلىمگە تويۇنغان قەلبىڭىزنى كۆرگەندەك بولغان ئىدىم،ئۆزىڭىز دېگەندەك ھارماسلىقىڭىزنى سورايمەن.