كېرىمجان ئابدۇرېھىمنىڭ تەرجىمىھالى

دانكو

      

كېرىمجان ئابدۇرېھىمنىڭ تەرجىمىھالى

   


ياش　ئەدەبىيات　تەتقىقاتچىسى،　ئەدەبىي　تەنقىدچى　كېرىمجان　ئابدۇرېھىم　1965　-　يىل　10　-　ئايدا　قەشقەر　كونىشەھەر　ناھىيىسىنىڭ　تاشمىلىق　يېزىسىدا　ئوقۇتقۇچى　ئائىلىسىدە　تۇغۇلغان،　باشلانغۇچ　-　ئوتتۇرا　مەكتەپلەرنى　ئۆز　يۇرتىدا　ئوقۇپ　تاماملاپ،　1982　-　يىلى　قەشقەر　پېداگوگىكا　ئىنستىتۇتىنىڭ　ئەدەبىيات　فاكۇلتېتىغا　ئوقۇشقا　كىرگەن.　1986　-　يىلى　ئوقۇش　پۈتكۈزگەندىن　تارتىپ　ھازىرغىچە　ئۆزى　ئوقۇغان　فاكۇلتېتتا　　ئوقۇتقۇچى　بولۇپ　ئىشلەپ　كېلىۋاتىدۇ.

كېرىمجان　ئابدۇرېھىمنىڭ　ئەدەبىيات　تەتقىقات　پائالىيىتى　1985　-　يىلى　ئېلان　قىلىنغان «<تاھىر　-　زۆھرە>　داستانىنىڭ　تارىخىي　ئارقا　كۆرۈنۈشى　توغرىسىدا»　ناملىق　تەتقىقات　ماقالىسى　بىلەن　باشلانغان.　ئۇ،　شۇنىڭدىن　تارتىپ　ئىزچىل　ئەدەبىيات　تەتقىقاتى　بىلەن　شۇغۇللىنىپ،　«ئۇيغۇرلاردا　مۇھەببەت　قوشاقلىرىنىڭ　قەدىمىيلىكى　توغرىسىدا»،　«ھازىرقى　−　بۈگۈنكى　زامان　ئۇيغۇر　درامىچىلىقىنىڭ　ئومۇمىي　ئەھۋالى»،　«ئىزلەنمە　ھېكايىچىلىقىمىز　ھەققىدە»،　«ھېكايىلىرىمىزدە　سىمۋول»،　«بۈگۈنكى　زامان　ئەدەبىياتىمىزدا　پروزىچىلىقنىڭ　ئورنى»،　«ئەدەبىيات　رېئاللىقى　ۋە　ئەدەبىيات　تەتقىقاتى»　قاتارلىق　80　پارچىغا　يېقىن　ئىلمىي،　ئەدەبىي　ماقالىسىنى　ئېلان　قىلغان.

كېرىمجان　ئابدۇرېھىم　يەنە　«ئەدەبىيات　ۋە　تەسۋىر»　ناملىق　كىتابنى　تۈزۈشكە،　ئالىي　مەكتەپلەرنىڭ　«ئەدەبىيات　نەزەرىيىسى»　كىتابىنى　يېزىشقا　قاتناشقان.　«بۇرۇت　ماجىراسى»　ناملىق　ئىزلەنمە　ھېكايىلەر　توپلىمىنى　نەشرگە　تەييارلىغان،　«پروزچىلىقنىڭ　يېڭى　قوللانمىسى»،　«شېئىرىيەتنىڭ　يېڭى　قوللانمىسى»　قاتارلىق　كىتابلارنى　تۈزگەن.

كېرىمجان　ئابدۇرېھىمنىڭ　«يېڭىچە　ئەدەبىيات　چۈشەنچىلىرى»　(1993　-　يىلى،　قەشقەر　ئۇيغۇر　نەشرىياتى)،　«ئۇيغۇر　ئەدەبىياتىدا　تەنقىدچىلىك　مەسىلىلىرى»　(1996　-　يىلى،　شىنجاڭ　خەلق　نەشرىياتى)　قاتارلىق　كىتابلىرى　نەشر　قىلىنغان.

كېرىمجان　ئابدۇرېھىم　ھازىر　شىنجاڭ　يازغۇچىلار　جەمئىيىتىنىڭ　ھەيئەت　ئەزاسى،　قەشقەر　ۋىلايەتلىك　يازغۇچىلار　جەمئىيىتىنىڭ　مۇئاۋىن　رەئىسى.

(مەنبە:  تولۇق ئوتتۇرا مەكتەپ تىل-ئەدەبىيات زۆرۈر دەرسلىك 5- كىتەبنىڭ «ئوقۇتقۇچىلارنىڭ ئوقۇتۇش قوللانمىسى» ناملىق كىتابتىن ئېلىندى.  2012-6-22  )   

ئوغلان1

كېرىمجان　ئابدۇرېھىمنىڭ  تىنىگە سالامەتلىك  بۇندىن كىيىنكى ئىجادىيىتىگە تېخمۇ زور  شان-شەرەپ تىلەيمەن.