ئەنەيتۇللا قۇرباننىڭقىسقىچە تەرجىمىھالى

دانكو

  

. ئەنەيتۇللا قۇرباننىڭقىسقىچە تەرجىمىھالى   

ئەنەيتۇللا قۇربان 1958 - يىل 1 - ئايدا توقسۇن ناھىيىسىنىڭ ئىلانلىق يېزىسىدا تۇغۇلغان. باشلانغۇچ ۋە ئوتتۇرا مەكتەپلەرنىتوقسۇندا ئوقۇغان. 1978 - يىلى شىنجاڭ ئۇنىۋېرسىتېتىنىڭ ئەدەبىيات فاكۇلتېتىغائوقۇشقا كىرگەن. 1983 - يىل 2 - ئايدا ئوقۇشنى پۈتكۈزگەندىن كېيىن ئەدەبىيات فاكۇلتېتىغا خىزمەتكە تەقسىم قىلىنغان.  ئۇھازىرغا قەدەر بۇ ئۇنىۋېرسىتېتنىڭ فىلولوگىيە ئىنستىتۇتى ئەدەبىيات فاكۇلتېتىدا ئوقۇتقۇچى بولۇپ ئىشلەپ كېلىۋاتىدۇ، دوتسېنت.

ئۇنىڭ ئەدەبىي ئىجادىيىتى 1979 - يىل 10 - ئايدا، «شىنجاڭ ئۇنىۋېرسىتېتى گېزىتى» دە ئېلان قىلىنغان «ۋەتەنگە مەدھىيە» ناملىق نەسرى بىلەن باشلانغان. شۇنىڭدىن كېيىن «تارىم»، «شىنجاڭ سەنئىتى»، «شىنجاڭ مەدەنىيىتى»، «شىنجاڭ گېزىتى»، «جۇڭگو مىللەتلىرى»، «تەڭرىتاغ»، «تۇرپان»، «ئىلى دەرياسى»، «قۇمۇل ئەدەبىياتى»، «قەشقەر ئەدەبىياتى»، «مەركىزىي خەلق رادىئو ئىستانسىسى»، «شىنجاڭ خەلق رادىئوئىستانسىسى»، «شىنجاڭ تېلېۋىزىيە ئىستانسىسى»، «ئۈرۈمچى كەچلىك گېزىتى»، «مايبۇلاق» قاتارلىق گېزىت - ژۇرناللار ۋە ئاخبارات ۋاسىتىلىرىدا ئۇنىڭ 350 پارچىدىن ئارتۇق نەسر، شېئىر، ھېكايە، بالىلار ئەسەرلىرى، تېپىشماق، چۆچەكلىرى، شۇنداقلا بىر قىسىمتەرجىمە ئەسەرلىرى ئېلان قىلىنغان. بۇنىڭ ئىچىدە «كېپىنەك» ناملىق ناخشا تېكىستى 1987 - يىل 7 - ئايدا شىنجاڭ تېلېۋىزىيە ئىستانسىسى تەرىپىدىن 3 - دەرىجىلىك ئىجادىيەت مۇكاپاتىغا، «قېنىمىز ئوخشاشلا قىزىل، ئوخشاشلا قىزىق» ناملىق نەسرى 1990 - يىل 10 - ئايدا ئۈرۈمچى خەلق رادىئو ئىستانسىسى قاتارلىق ئۈچ ئورۇن تەرىپىدىن «مۇنەۋۋەر ئەسەر مۇكاپاتى» غا، «نۆل» ناملىق نەسرى 1995 - يىل 4 - ئايدا ئاپتونوم رايون بويىچە 1 - دەرىجىلىك مۇكاپاتقا، «قۇياشقا تۇتاشقان ئويلار» ناملىق نەسرى 2003 - يىل 8 - ئايدا 12 - نۆۋەتلىك «خانتەڭرى ئەدەبىيات مۇكاپاتى» غا ئېرىشتى. ئۇ ئوقۇش پۈتكۈزۈپ مەكتىپىدە قالغاندىن كېيىن باشتىن - ئاخىر ئوقۇتۇشتىن ئايرىلمىدى، ئوقۇتۇشنى ئاساس، تەتقىقاتنى قوشۇمچە قىلىش بىلەن بىللە، ئەدەبىي ئىجادىيەتنىئۆزىنىڭ قىزىقىشى بويىچە تاشلاپ قويمىدى. نۇرغۇن دەرسلەرنى يېڭىدىن ئاچتى. بۇجەرياندا «جۇڭگو ھازىرقى زامان ئەدەبىيات تارىخى»، «ھازىرقى زامان ئۇيغۇر ئەدەبىياتى»، «يېزىقچىلىق ئاساسلىرى»، «يېزىقچىلىق ئىلمى»، «ئەمەلىي يېزىقچىلىق»، «ئىقتىساد يېزىقچىلىقى»، «ئەدەبىي يېزىقچىلىق»، «مەمۇرىي خەت - ئالاقە يېزىقچىلىقى»، «كاتىپلىقئىلمى»، «كاتىبات يېزىقچىلىقى»، «ئۇيغۇر نەسرچىلىكى تەتقىقاتى»، «سۆز قابىلىيىتى ۋە ناتىقلىق»، «پىلانلاش ئىلمى»، «ئۇيغۇر ئەدەبىياتى يېزىقچىلىقى»، «كىنو - تېلېۋىزىيە سېنارىيىسى ئىجادىيىتى»، «داڭلىق كىنولاردىن زوقلىنىش» قاتارلىق دەرسلەرنى ئاچتى ۋە ئۆتۈپ كەلدى. ئۇ يەنە «جۇڭگو ھازىرقى زامان ئەدەبىيات تارىخى»، «ئالىي مەكتەپ تىل - ئەدەبىياتى» قاتارلىق دەرسلىكلەرنى تۈزۈشكە قاتناشتى. «يېزىقچىلىقنىڭكونسۇلتاتسىيە كىتابى» نى تۈزۈپ نەشر قىلدۇردى.

ئۇ ئوقۇتۇش خىزمىتىنى چىڭ تۇتۇپ ئىشلەش بىلەن بىللە، ئىلمىي تەتقىقات ئىشلىرى بىلەنمۇ ئىزچىل شۇغۇللىنىپ، «<يىللارغا جاۋاب> نىڭئىلمىي ۋە بەدىئىي قىممىتى»، «ئۇيغۇر ھېكايىچىلىقىنىڭ دەسلەپكى ناماياندىسى»، «تارىخىيچىنلىقنىڭ بەدىئىي ئىنكاسى»، «ئەقلىيە سۆزلىرى ھەققىدە دەسلەپكى ئىزدىنىش» قاتارلىق 50 پارچىگە يېقىن ئىلمىي ماقالىسىنى ئېلان قىلدى. بۇنىڭ ئىچىدىكى بىرقىسىم ماقالىلىرى مۇكاپاتلاندى. «تارىخىي چىنلىقنىڭ بەدىئىي ئىنكاسى» ناملىقماقالىسى 1992 - يىلى مەملىكەت بويىچە 2 - دەرىجىلىك مۇكاپاتقا ئېرىشكەن؛ «لىرىكسۇژىت ھەققىدە» ناملىق ماقالىسى جۇڭگو يېزىقچىلىق ئىلمىي جەمئىيىتى تەرىپىدىن 1997 - يىل 8 - ئايدا 3 - دەرىجىلىك مۇكاپاتقا ئېرىشتى. ئۇنىڭ بىر قىسىم ئىلمىيماقالىلىرى شىنجاڭ خەلق نەشرىياتى 1987 - يىل 12 - ئايدا نەشر قىلغان «ئابدۇخالىقئۇيغۇرنىڭ ئەدەبىياتىمىزدا تۇتقان ئورنى ۋە رولى»، شىنجاڭ ئۇنىۋېرسىتېتى نەشرىياتى 1995 - يىل 7 - ئايدا نەشر قىلغان «ئىلمىي ماقالىلەر توپلىمى»، 2001 - يىل 6 - ئايدا نەشر قىلغان «شىنجاڭدىكى ئاز سانلىق مىللەتلەر تىل - ئەدەبىياتى ھەققىدە تەتقىقات» قاتارلىق ئىلمىي ماقالىلەر توپلاملىرىغا كىرگۈزۈلدى.

ئەنەيتۇللا قۇربان ھازىر جۇڭگو تۇرپانشۇناسلىق ئىلمىيجەمئىيىتى، جۇڭگو يېزىقچىلىق ئىلمىي جەمئىيىتى، شىنجاڭ ئۇيغۇر ئاپتونوم رايونلۇق يازغۇچىلار جەمئىيىتى ۋە ئۈرۈمچى شەھەرلىك يازغۇچىلار جەمئىيىتىنىڭ ئەزاسى.

(مەنبە:  تولۇق ئوتتۇرا مەكتەپ تىل-ئەدەبىيات زۆرۈر دەرسلىك 1-كىتابنىڭ «ئوقۇتقۇچىلارنىڭ ئوقۇتۇتۇش قوللانمىسى» دىن ئېلىندى. )   

( مىڭ ئەپسۇس، بۇ تونۇلغان نەسىرچى، مائارىپچى ئەنەيتۇللا قۇربان  2011- يىلى ئىيۇلدا دەرسخانا مۇنبىرىدە يىقىلىپ،  داۋالاش ئۈنۈم بەرمەي، 53 يېشىدا بىز بىلەن مەڭگۈلۈك ۋىدالاشتى. ئۇنىڭ ياتقان يېرى جەننەتتە بولغاي!!! )   

دانكو

ماتېرىيال يوللىغۇچىنىڭ شۇ ماتېرىيال بېتىگە قايتا ئېچىپ كىرىپ تەھرىرلەش (بايقىغان خاتالىقىنى تۈزىتىش) ئىمكانىيىتى (ھوقۇقى) بېرىلسە بولاتتىكەن.