يېڭى روبائىيلار(مۇھەممەد ئەھمىدى ئوغلان)

ئوغلان1

يىڭى روبائىيلار

مۇھەممەد ئەخمىدى ئوغلان

-1-
ھاياتتا قىسمەت كۆپ قۇتۇلغان كىم بار؟،
نە ئامال قاچسىمۇ تۇتۇلغان كىم بار؟.
قىممىتى ئوخشايدۇ بىر باش قىمارغا،
تەلىيى كاج كېلىپ ئۇتۇلغان كىم بار؟.
-2-
سەركىلەر پادىنى باشلاپ ماڭىدۇ،
ئارقىدا قالغاننى تاشلاپ ماڭىدۇ.
بۇ ھايات بەئەينى بىر ئۇزۇن سەپەر،
بەزىلەر كۆزىنى ياشلاپ ماڭىدۇ.
-3-
قەدەمنى ھەر ھالدا دەڭسەپ ماڭىمەن،
خاتامۇ ،توغرىمۇ ئەسلەپ ماڭىمەن.
مەن دەيمەن بۇ جاھان تەڭشەكلىك جاھان،
يەنىلا بىر ئۆزۈم تەڭشەپ ماڭىمەن.
-4-
سۇغا سۇ قوشۇلسا ئاقار ئۇلغۇيۇپ،
دەرتكە دەرت قوشۇلسا كەتتىم تولغۇنۇپ.
دەرت –ھەسرەت ئۈستىگە تۇغۇلمىغانمەن،
دەرىيخا ئۇيقىدىن كەتتىم ئويغۇنۇپ.
-5-
بەزىلەر بەك خوشال ياشايدۇ كۈلۈپ،
كېتىدۇ بەزىلەر ھەسرەتتە ئۆلۈپ.
كىرپىنىڭ شۇ خۇيى يارايدۇ ماڭا،
جۇدۇندا ئامالسىز ياتار تۈگۈلۈپ.
-6-
تاپىدۇ پۇل-ۋەجنىغۇ قىلسا مېھنەت،
ئۇ بىلەن ئۆلچەنمەيدۇ قەدىر-قىممەت.
شۆھرىتىڭ بۇ دۇنياغا پۇر كەتسىمۇ،
دوقمۇشتا كۈتەر سىنى تالاي قىسمەت.
-7-
ساقىيار چىرايدا بولسا داغ-قورۇق،
ئىزدەنسە شىپاسى تىپىلىپ تولۇق.
ساقايماس يۈرەككە چۈشكەن داغ-سەپكۈن،
بۇ ھىكمەت-ھەقىقەت ئەزەلدىن ئۇلۇق.
-8-
ئىشەكتىن بەزىلەرنىڭ ئەقلى كالتا،
ئۆتەمدۇ شۇ كۆۋرۈكتىن قايتا-قايتا.
بۇرنىدىن ئىلىنمىسا ھىساپ ئەمەس،
ھەقىقەت چىراي ئېچىپ كۈلگەن ۋاقتا.
-9-
ئادەم دىگەن دەرت تارتقىلى تۇغۇلغانمۇ؟
تۇغۇلۇپلا قىسمەتلەرگە بوغۇلغانمۇ؟
شۇ تۈتۈننىڭ ئاچچىقىنى مورا بىلەر،
نۆۋىتىدە بىلىپ يىتەر گاداي-خانمۇ.
-10-
دان بىلەن ساماننى ئايرىيدۇ شامال،
تىپىلار ھەر ئىشقا چارە ۋە ئامال.
نۇرانە ئىقبالدا چاقنار گۈزەللىك،
ھەقىقەت ھەممىنى قىلىدۇ قامال.
-11-
قاغىمۇ بالىسىنى دەيدۇ ئاپئاق،
ئادەملەر شۆھبىسىزكى ئەسلى شۇنداق.
ئىۋەنسىز ئادەم بولماس بۇ جاھاندا،
زەن سىلىپ تازا ئوبدان ئويلاپ باقساق.
-12-
توخۇغا كۆرپە سىلىپ بەرسەڭ تاماق،
يەنىلا ياتار جايى ئەسكى قونداق.
تۇغمايدۇ ھەر كۈنلىكى بىردىن ئارتۇق،
ئەجرىڭنى،كۆيۈنگەننى بىلسە قانداق؟.
-13-
ھەتتا مۇزنى ئېرىتىدۇ ياخشى گەپ،
كۆڭۈللەرنى يايرىتىدۇ ياخشى گەپ.
زىمىستان قىش بىغىڭدىكى بۇلبۇلنى،
خۇش ناۋالىق سايرىتىدۇ ياخشى گەپ.
-14-
چاقنايدۇ ئارزۇ دىگەن بۇ ھاياتتا،
پارلايدۇ قوياش كەبى ھەر مىنۇتتا.
ئالتۇننىڭ رەڭگى ئۆڭۈپ تۇرغان بىلەن،
تاۋلىنار چىداملىقى كۆيۈپ ئوتتا .

ئامان

ياخشىمۇسەن ساۋاقدىشىم مۇھەممەت؟
شېئىرنى ياخشى يېزىپسەن، داۋاملىق يېزىپتۇر. ئىشلىتىپ تۇرغان پىچاقنى دات باسمايدۇ.
كومپىيوتېرىڭغا ئەلكاتىپ يېزىق كىرگۈزۈش دىتالىنى قاچىلىۋال. تور ئادەتتە ئەلپىدا خەت نۇسخىسىنى نورمال تونۇمايدۇ. شېئىرىڭنىڭ خەت نۇسخىسىنى ئەلكاتىپ خەت نۇسخىسىغا ئۆزگەرتىپ قويدۇم. بۇرۇن ئەلپىدا خەت نۇسخىسىدا ئۇرۇلغان ماتىرىياللارنى تۆۋەندىكى تېمىدا كۆرسىتىلگەن تەرتىپ بويىچە ئەلكاتىپ خەت نۇسخىسىغا ئايلاندۇرۇۋەتكەندىن كېيىن يوللىغايسەن. ئامان بول، ئىجادىيىتىڭگە يەنىمۇ زور ئۇتۇق تىلەيمەن!
http://baykax.com/bbs/forum.php? ... 7754&highlight=ئەلكاتىپ

ئەزىزى

مۇھەممەت ئەھمىدى مۇئەللىمنىڭ ئىجادىيتىگە قۇت بولسۇن. يۇقارقى روبائىيلاردىن ئالەمچە سويۇندۇم.

ئوغلان1

ئامانجان: ئەلپىدانى  ئەلكاتىپقا ئايلاندۇردىغان دىتالنى ئايرىم ھۆججەت    شەكلىدە  يوللاپ بەرسەڭ بوپتىكەن ،چۇشۇرەلمىدىم ،رەھمەت

ئوغلان1

قېنى؟ئامانجان ئايرىم يوللاپ بەر دىسەم