| خۇلاسە
(مۇخەممەس)
ۋاھاپ زۇنۇن
سان –سىفىرلار باغلاشقان ،ھەر ئايدا بار خۇلاسە.
ئېزىز بولساق بەزىمىز،بەزىمىز خار خۇلاسە،
خوشامەتكە بېقىندا ،ئاقىلغا دار خۇلاسە.
ئۆلچەم قىلغان نۇمۇرنى ،يوللىرى تارخۇلاسە،
جەرئىمانەنىشانى ،تەڭگىگەزار خۇلاسە.
ئىشلىسەكمۇ ئايدا ساق ،بىر پۇڭغا مىڭ نەرقىمىز.
ئوخشاش تۈزۈم ئاستىدا،ئاسمان-زىمىن پەرقىمىز،
شەرەپ قۇچاي دىسەكمۇ،ئاسارەتتە بەختىمىز .
ساپا يۇقرى بولسىمۇ،لېكىن ھۆل خىش تەختىمىز ،
رىئاللىقتىن چەتنىگەن ،كۆرنىشى جار خۇلاسە.
بولسا يىغىن تەۋرىشى ،كىردۇق مىنوت كېچىكمەي.
سەۋەنلىكتىن ساقلىنىپ،خاتىرلىدۇق زېرىكمەي،
تەنقىت -تەنبىھ بولسىمۇ ،سۈكۈت قىلدۇق تېرىكمەي.
سوغۇق سۇنى سەپسىمۇ،ئامال يوقكىن بېركمەي،
بىچارىلەر كۆڭلىگە،ئاچچىق ئازار خۇلاسە.
ئادىل بولۇش پاك بولۇش،تام -تاملارغا يېزىقلىق.
ئۇلار تاپقان سەۋەنلىك،ئىسمىمىزغا قېتىغلىق،
شامال تەگمەس تۆگىگە،بىراق تۈگمە چېقىغلىق.
ئەلگە تالىق باھار –ياز ،زىمىستانغا سېتىغلىق،
قەلبىلەرگە ئۇچقۇنداپ ،ئۈششۈتكەن قارخۇلاسە.
قىزىق ئويۇن ئوينايدۇ،ئالماشتۇرۇپ دوپپىنى.
يۈزلىرىنى ئاقارتىپ دەسمى قىلىپ ئۇپپنى،
قارا بېسىپ ئىت چۈشەپ ،ئىچىپ سېسىق يۇندىنى .
بۇلغاندىمۇ ئىمانى ،تەتۇر قىلدى قۇببىنى،
سەجدىگاھ قىپ باشلىقىنى،جاننى باقار جۇلاسە.
سەۋەنلىگىم شۇ مىنىڭ،كۈندە يۆلەپ قويمۇدۇم.
كىيىمىنى كەيدۈرۈپ،يولدا تۈزەپ قويمۇدۇم،
بۆشۈك قىلىپ پۇتۇمنى ،ئوڭدا بۆلەپ قويمۇدۇم.
يىگەن ئۈچ ۋاخ تاماقنىڭ پۇلنى تۆلەپ قويمۇدۇم،
خوشامەتتىن يىراقمەن ،قىلما بىزار خۇلاسە !
قالدى ئەمدى بىرلا ئىش بۇ كەمگىچە كۆرمىگەن.
پەرۋانىدەك ئۆرتىنىپ ،ئۆزنى ئېتىپ كۆيمىگەن،
ياق دىسىمۇ قۇلاقتىن ،يېقىن تارتىپ سۆيمىگەن.
قېنى بىر كۈن كۆرەرمىز،چىداپ تۇرۇپ ئۆلمىگەن،
ھەقتە بوغۇپ گېلىڭنى،قىيناپ زىنھار خۇلاسە.
ئېغىز- بۇرۇن يالاشسا، تەخسىكەشلەردالدىدا.
مەن ماڭىمەن پەرۋاسىز،مۇشاقەتلەر ئالدىدا،
قېنىمدىكى مائارىپ، بولسا ھەربىر كاللىدا .
ئەجرىم ئۈچۈن مىۋىلەر،مەي باغلىسا باغلىدا،
شەرىپىم شۇ مېنىڭكى ،ئەمدى قىزار خۇلاسە.
قېتىق ئىچكەن قۇتۇلسا ،تاۋاق يالاپ تۇتۇلغان.
بىر قېتىممۇ ئۇتالماي ،ھەر قېتىمدا ئۇتۇلغان،
ئاق نېنىمنى تەڭلىسەم،زاغرا بولۇپ يۇتۇلغان.
بۇنداق تەتۈر قىسمەتتىن، بىزقاچانمۇ قۇتۇلغان،
ھەقدارسىدا سوراقنىڭ،ئەيىب دىدار خۇلاسە.
يالغان دىگىن مەيلى راس،مەن ئۆزۈم ھەقنى دىدىم.
بۈگۈن نىسى بولسىمۇ،ئەتىكى نەپنى دىدىم،
تارتىپ باققان ھەممىمىز،ئەلەملىك دەرتنى دىدىم .
ئەجرىمىزگە مۇخالىپ،بىر تالاي رەتنى دىدىم،
كۆڭلىمىزگە قاچەنمۇ؟ياغدەك ياقار خۇلاسە....
مەنبە :ئۆز قەلەم
2016-يىلى 3-ئاي
|
باھالاشباھا خاتىرىسى
|
شۆھرەت
تۆھپە
تىللا
قىزغىنلىق
ۋاقتى: 2016-3-15 20:30:35
ۋاقتى: 2016-3-16 23:02:18
