تۈن لېرىكىسى ۋاھاپ زۇنۇن(زەمران)

ZAMRAN

                                                                        تۈن لېرىكىسى

                                                                    ۋاھاپ زۇنۇن(زەمران)

                                                                 چىغىر يولدا يىگانە قەدەم،
                                                                ئېز-ئېزلارغا تامچىلايدۇ ياش.
                                                                ئۆتمۈشتىكى تەبەسسۇمۇڭغا،
                                                                خىياللىرىم كەتمەكتە تۇتاش
.
                                                              ئاي مارايدۇ تۇمان قېتىدىن،
                                                             ۋىسالىڭغا قىلىپ ئېنتىزار.
                                                             ئىزلەپ كەلسەم قاپتۇ سولۇشۇپ،
                                                            بىز كۆرۈشكەن گۈزەل چىمەنزار
.
                                                           يىراقلارغا كېتىپتۇ ھۈركۈپ،
                                                           بۇلبۇللارنىڭ مۇڭلۇق ساداسى.
                                                           قايسى كۆڭۈل تارتىپ مەيلىگە،
                                                           قىلىۋالدى دەرىتنىڭ شىپاسى.

                                                         دېرىزەڭدىن تارايدۇ تال-تال،
                                                        مەن مىنگىشىپ كەلگەن ئاي نۇرى.
                                                        چۈشلىرىڭگە تاشلىسام نىگاھ،
                                                        ئورىۋاپتۇ تەنھالىق تۇرى.

                                                       تېپىرلىدىم يىغلاڭغۇ ئۈندە،
                                                       سىنى ئىزلەپ يۈرگەن شۇ كېچە.
                                                       ئۈمۈتلىرىم كۆكسۈڭگە يوپۇق،
                                                       باخاش ئىتەر سىنى ئۆزگىچە.
.
                                                     بوغۇق ئۈنگە سالماقتا قۇلاق،
                                                     ساھىللاردا غەمكىن خىتالىم.
                                                     دەريالارغا قېتىلماقتا ياش،
                                                    بۇژغۇنلارنى يېرىپ نىدايىم
.
                                                     كۆمۈش شولا ئۈستۈمگە يوپۇق،
                                                    جان تىلەيدۇ ئۈنسىز كۆلەڭگە.
                                                    باش چايقىلىش قىلماقتا داۋام،
                                                    تىنەپ يۈرگەن ھەر بىر قەدەمگە
.
                                                   ئىشگىڭگە يۈلەندىم ھالسىز،
                                                   چاقىرايمۇ سىنى پىچىرلاپ؟
                                                   تىرىكلىگىم بولارمۇ جانسىز،
                                                   ئىشىكلىرىڭ قالسا غىچىرلاپ.

                                         2012 -يىلى 11-ئاينىڭ 8-كۈنى بوزۇغۇن.

                                             مەنبە:ئۆز قەلەم

سىرداش

قوللىرىڭىزغا دەرت  بەرمىسۇن. رەھمەت سىزگە.

ئامان

بايقاش مۇنبىرىنى ئېسىل لىرىكىلىرىڭىز بىلەن ئاۋاتلاشتۇرۇپ كېلىۋاتىسىز بۇرادەر، قولىڭىزغا دەرت كەلمىسۇن. يازمىلىرىڭىز ئۈزۈلۈپ قالمىغاي!

نونى

شېئىرىڭىز ياخشى چىقىۋاتىدۇ. سىزدىكى ئىلگىرىلەش ناھايىتى زور .لېكىن ئىملاغا تازا دىققەت قىلىپ كېتەلمەيۋاتىسىز .بۇنىڭدىن كېيىن ئەسەر يوللىغاندا ئىملا  ۋە تىنىش بەلگىلىرىنى  تەكشۈرۈپ بولۇپ ،ئاندىن يوللىغان بولسىڭىز .

سىرداش

سىرداش

  كۆمۈش شولا ئۈستۈمگە يوپۇق،
                                                    جان تىلەيدۇ ئۈنسىز كۆلەڭگە.
                                                    باش چايقىلىش قىلماقتا داۋام،
                                                    تىنەپ يۈرگەن ھەر بىر قەدەمگە
قەدەملىرىڭىزنىڭ ھەممىسى  شۇنداقمۇ  ئەمەستۇ؟