مائارىپ ئادىللىقى قاچان ئەمەلگە ئاشىدۇ !

ئەزىزى

   ھازىر مائارىپتا نۇرغۇن ئادىلسىزلىق ئەھۋالى مەۋجۇت بۇلىۋاتىدۇ ،
     مەسىلەن : مائارىپتىكى ئوقۇتقۇچىلارنى قالايمىقان يېزا خىزمىتىگە ئاجىرتىش ، مەسچىتلەرنى تەكشۈرۈشكە نۇقتا قىلىپ بەلگىلەپ قۇيۇش ، ئەمەلى ئوقۇتۇش بىلەن شۇغۇللىنىش كەم بولۇپ قۇرۇق قەغەز بوياش ۋە يالغانچىلىق ئارقىلىپ يۇقىرى مائارىپ ئورۇنلىرىنى ئالداپ ئۆزىنى ياخشى كۆرسىتىش ، ئوقۇتۇشتا ئۈنۈم ھاسىل قىلماي قۇرۇق يالغان جەدۋەللەرنى ئىشلەشنى ئاساس قىلىش ،
      تەتىل جەرياندا ئوقۇتقۇچىلارنىڭ نورمال دەم ئېلىشىغا كاپالەتلىك قىلماي كۆپ قىسىم ۋاقىتلاردا دىجۈرنى تۇرغۇزۇش ۋە ياكى باشقا ئاماللار بىلەن ھەر خىل ئارخىپلارنى ئىشلەشكە ئورۇنلاشتۇرۇش ، دەم ئېلىش كۈنلىرىگە تولوق كاپالەتلىك قىلماسلىق ، دەم ئېلىش كۈنلىرى ئىشلىگەن ۋاقتىغا تولۇقلىما  ياردەم پۇلى بەرمەسلىك ، ئاساسى خىزمەتلەرنى تۆۋەنگە بۇيرۇق شەكىلدە چۈشۈرۈپ قويۇپ ئاساسى قاتلامدىكى ئوقۇتقۇچىلارنىڭ ھالىغا يەتمەسلىك ، مائارىپ خىزمىتىنى ئىلگىرى سۈرۈشتە پىشقەدەم ئوقۇتقۇچىلارنىڭ ئىلغار ئوقۇتۇش ئۇسۇلىدىن پايدىلانماي ئۇلارنى ھازىر يولغا قويىلىۋاتقان قوش تىل مائارىپىدا " ساپاسىز " دەپ بىر تاياق بىلەن چەتكە ئىتتىرىش ، مىللى مائارىپنىڭ تەرەققىياتىغا توسقۇنلۇق قىلىپ قارىغۇلارچە ھالدا قوش تىل مائارىپىنى يولغا قويۇپ يىزا- قىشلاقلاردىكى سەبى بالىلارنى ساۋاتسىز قالدۇرۇش ، بالىلارنىڭ ئۆگىنىش قىلىشىغا ئاتا-ئانىلارنىڭ ھېچقانداق ياردەم قىلالماسلىق ، نورمال ئوقۇ-ئوقۇتۇش پائالىيىتىگە كاپالەتلىك قىلماي قەغەز بوياپ قۇرۇق جەدۋەل ئىشلەپ يۇقىرىغا ياخشى كۆرۈنۈپ  ئوقۇتۇش ئىشلىرىنى ياخشى ئېلىپ بارماسلىق ، يەنە بىر قىسىم يېزا بازارلاردا " مائارىپ ئىشخانىسى " دىگەن نام بىلەن غوللۇق ئوقۇتقۇچىلارنى يىغىۋېلىپ ئۇلارنىڭ كىيىنكى ئەۋلاتلارنى ياخشى تەربىيلەش ئىشلىرىغا توسقۇنلۇق قىلىپ مەكتەپلەردە ئوقۇتقۇچىلار كەمچىل بولۇش ئەھۋاللىرى كىلىپ چىقىۋاتىدۇ.................................................................
      يوقىرىقى  ئەھۋاللار يەنە نۇرغۇن ناھىيە، يېزا بازارلاردا مەۋجۇت !
       مۇشۇنداق ئەھۋاللارنى ھەرقايسى مائارىپ ئىدارىلىرى بىلىپ تۇرسىمۇ يۇقىرىغا ھەقىقى ئەھۋاللارنى مەلۇم قىلمايدىغان ئەھۋاللار مەۋجۇت . شۇڭا مائارىپ نازارىتىنىڭ مائارىپتىكى مۇشۇنداق قالايمىقانچىلىقلارغا قارىتا تەدبىر قوللۇنۇپ ، ئەمەلى تەكشۈرۈپ مائارىپ ئادىللىقىنى ئەمەلگە ئاشۇرۇش ئۈچۈن ھەقىقى بولغان بىر تۈزۈم قوللانسا ھەم مائارىپ قىزىق نوقتا لىنيىسى ئېچىپ كەڭ ئاممىغا ئاشكارلاش ئېلىپ بېرىلىپ مائارىپىمىزنىڭ تەرەققىياتىنى ھەقىقى ئىلگىرى سۈرۈشكە يۇقىرى دەرىجىلىك ئورۇنلارنىڭ كۈچ چىقىرىشىنى ، مائارىپ سېستىمىسدا جاپالىق خىزمەت قىلىۋاتقان ئوقۇتقۇچىلارنىڭ ھالىغا يىتىشىنى ئۈمۈت قىلىمىز !

مائارىپ نازارىتىنىڭ قىزىق لىنيىلىك تېلفۇن نومۇرى
ھەر كۇنى خىزمەت ۋاقتىدا 8سائەت 09912572757( 8دىن 9 گىچە ئۇلانمايدۇ، چۈشلۈك دەم ئېلىشتا ئۇلانمايدۇ، كۆپىنچە ئالدىراش ھالەتتە، قايتا-قايتا ئۇرىشىڭىز كىرەك)

دۇشەنبىدىن جۈمەگىچە ئەتىگەن سائەت 8دىن 9 گىچە 09912507355، 09912507255( قايتا- قايتا ئۇرسىڭىز ئۇلىنىپ قىلىشى مۈمكىن، تېلىفون ئۇرىدىغانلارنىڭ كۆپلىكىدىن ئاساسەن ئۇلانمايدۇ)
ئۇچۇر يوللاش نۇمۇرى : 1062888957
(بەزى ئۇچۇرلىرىڭىز ئاڭلىتىلمايدۇ ۋە سۈرۈشتۈرۈلمەيدۇ)



ئالاھىدە ئەسكەرتىش: بۇ تىما سەخىسنىڭ پىكىرىگە ۋەكىللىك قىلىدۇ، كەڭ بايقاش مۇنبىرىنىڭ ئەقىللىق ئەزالىرنىڭ تىمىغا ئىنكاس يازغاندا بىر تەرەپلىمىلكتىن خالى بۇلۇپ،قانۇننىڭ ئادىللىقغا ھۆرمەت قىلىپ،سەخسى ھېسىياتنى زىيادە تەكىتلەپ كەتمەي ،بۇندىن كىيىنكى خىزمەتلەرگە پايدىسى بولغان ئاساستا پىكىر بايان قىلىشىنى ئۇمىد قىلىمىز. ئەگەر ناتوغرا پىكىر بايان قىلدىغان ئەھۋاللار بولسا تىما ئۆچۇرۇپ تاشلىنىدۇ. توغرا چۇشەنگەيسىلەر.

سەييارە0

كۇڭۇلدىكى گەپ بولدى-دە،لىكىن مائارىپ ئادىللىقى قاچان ئەمەلگە ئاشىدۇ،بۇ ئىش نۇرغۇن جايلارغا چېتىلىدۇ،مىنىڭچە ھۆججەت،ئارخىپلاردا ئەملىلىشىپ،ئەملىيەتتە ئەملىلەشمەسلىگى مۇمكىن.

گۈلزار

يوقۇردا ئېيتىلغان ئەھاللار ھەر قايسى رايونلاردا ئوموميۈزلۈك مەۋجۇت بولىۋاتماقتا . بولۇپمۇ ئەڭ ئېغىر بولىۋاتقىنى ھەم ئادەمنى ئېچىندۇرىدىغىنى تېما ئېيتىلغان  « مائارىپ خىزمىتىنى ئىلگىرى سۈرۈشتە پىشقەدەم ئوقۇتقۇچىلارنىڭ ئىلغار ئوقۇتۇش ئۇسۇلىدىن پايدىلانماي ئۇلارنى ھازىر يولغا قويىلىۋاتقان قوش تىل مائارىپىدا " ساپاسىز " دەپ بىر تاياق بىلەن چەتكە ئىتتىرىش ، مىللى مائارىپنىڭ تەرەققىياتىغا توسقۇنلۇق قىلىپ قارىغۇلارچە ھالدا قوش تىل مائارىپىنى يولغا قويۇپ يىزا- قىشلاقلاردىكى سەبى بالىلارنى ساۋاتسىز قالدۇرۇش» بولماقتا ، بۇ مەسىلىنى ھەر قايسى مەكتەپ مەسئۇللىرى ئۆزلىرى ئەمىلى ئەھۋالغا قاراپ ھەل قىلسا ياخشى بولاتتى . ئەگەر مائارىپىمىز مۇشۇ قائىدە بويىچە ماڭغاندا كەلگۈسىدە بىر تۈركۈم داۋاتسىزلار مەيدانغا كېلىدۇ . ئۇ ۋاقىتتا مىلىتىمىزنىڭ كەلگۈسىدىن سۆز ئېچىش مۈمكىن ئەمەس .

سىرداش

مائارىپتا  ئەسلىدە  ئادىللىق بولىشى كېرەك ئىدى،  بۇنى  ئاساسى قاتلامدىكى  مائارىپ ئاپىراتلىرى  ئويلاشقا تىگىشلىك مەسىلە.   مەركەزنىڭ سىياسەتلىرى شۇنچە روشەن، شۇنچە ئەمىلى، مائارىپنى گۈللەندۈرۈش ۋە تەرەققى قىلدۇرۇشقا  سالغان مەبلەغ ئادەمنى  ھاياجانغا سالىدۇ. بىراق   .........  ئارمانغا چۇشلۇق دەرمان بولماسلىق  ئومۇمى يۈزلۈك مەسىلە بولماقتا.

نونى

مەنمۇ مۇشۇ توغرىسىدا بىر ساتىرا يازاي دەپ تۇرغان. ئەمدى يازمىسام بولمىغىدەك .

alimjan

[يۇقىرىدا دىيىلگەن مەسىلىلەر ھەقىقەتەن مەۋجۇت. بۇنى ھەل قىلىشنىڭ ئۇسۇلى ۋىلايەت .ئاپتۇنۇم رايۇن دەرىجىلىك مائارىپ مەمۇرى تارماقلىرىغا يوللىغاندا ئاندىن ھەل بۇلۇپ قالارمىكىن .تۈۋەندە ھەل بۇلۇشى ناتايىن.]

aynak

...ھەممىسى ‹‹ھاللىق جەمىيەت›› قۇرۇپ چىقىش ئۇچۇن....شۇنداق ئەمەسمۇ!...!

ئوغلانبەگ

بۇ خىل ئەھۋاللارنى قاچان،كىمنىڭ ئۆزگەرتەلەيدىغانلىقىغا بىر نېمە دېمەك تەس جۇمۇ.

ئەپسۇس

باشلىق بولغانلارنىڭ بۇنداق ئىشلارنى ئويلاشقا ئەلۋەتتە چولىسى تەگمەيدۇ،ئولار مەكتەپكە خىزمەت تەكشۈرگىلى كەلسە خۇددى بىزدىن قانچىلىك خەت كۆچۈرۈپ يازدىڭ ،قانچىلىك قەغەزنى بويدىڭ ......دەپ شۇنلا تەكشۈرگىلى كەلگەندەك ،يازغان خەتلىرىمىزدىن قۇسۇر چىقىرشقا كەلگەندەك ،بىزنىڭ يېغىرىمىزنى تاتلىغىلى كەلگەندەك بىر قىلىقلارنى قىلىپ كېتىدۇ،يۇقىردىكى باشلىقلار ھەرگىزمۇ تۆۋەندىكىلەرنىڭ ھالىغا يەيمەيدۇ

ak@#

مللى مائارىپتىن ئاساسە ن ئۇمىد كۇتۇشكە بولمايدۇ ،ئوقۇتقۇچىلار باش ئايغى يوق ئارخىپ ئشلەش،قلىپلاشقان دەرس تەييارلىقنى تولدۇرۇش باھالاش كۇتۇش بىلەن ئالدىراش،مائارىپ ئادىلىقىنى ئشققا ئاشۇرغىلى بولمايدۇ؟ئاتالمىش قائىدە تۇزۇملەر ئاقمايدۇ........