ئائىلە ئىناقلىقىنى بۇزىدىغان يامان قىلىقلار

ئامان

ئائىلە ئىناقلىقىنى بۇزىدىغان يامان قىلىقلار

  
★ئىچى تارلىق، ھەسەتخورلۇق، گۇمانخورلۇق قىلىش، دائىم دېگۈدەك تۇخۇمدىن تۈك ئۈندۈرۈش.
★سەپرا مىجەزلىك، قوپاللىق ھەم ئەدەپسىزلىك قىلىش، ئائىلە ئىشلىرىنىڭ ھەممىسىنى جورىسىغا تاشلاپ بېرىپ، ئۇنىڭ ھېرىپ ھالىدىن كەتكەنلىكىنى بىلسىمۇ كارى بولماسلىق.
★ماختانچاقلىق، يالغانچىلىق قىلىش، يۈرۈش-تۇرۇشىنى جورىسىدىن يوشۇرۇش.
★تەكەببۇرلۇك، ھاكاۋۇرلۇك قىلىش، جورىسىنىڭ ئەخلاقى ھەم ئەقىل–پاراسىتىنى كەمسىتىش.
★مالىيەنى مونۇپۇل قىلىۋېلىش، جورىسىنىڭ ھوقۇقىنى كۆزگە ئىلماسلىق .
★باشقىلارغا ئائىلىسى ھەم جورىسىنىڭ بەزى ئىشلىرى توغرىسىدا غەيۋەت قىلىش، ئائىلە ئىچى تۇغقانلار ئارا بولغان مۇناسىۋەتكە زىيان يېتىدىغان سۆز–ھەركەتتە بولۇش.
ئائىلە مەسىلىلىرنى بىر تەرەپ قىلغاندا، خالىغانچە ئىش قىلىش، نەسىھەت، تەربىيەنى قوبۇل قىلماسلىق.
★ھاراقنى ھەددىدىن زىيادە ئىچىش، قىمار ئويناش، زەھەر چېكىش، تالاغا قاراش، جورىسى ھەم پەرزەنتىنىڭ تۇرمۇش، ئوقۇش ئەھۋالى بىلەن كارى بولماسلىق. ئائىلە تۇرمۇشىدا زۇلۇم سېلىش، ھازازۇللۇق، جېدەلخورلۇق قىلىش.

مەنبە:«شىنجاڭ قانۇنچىلىق گېزىتى»

pari

جەمىيەت ۋە ئائىلىنىڭ ئىناق بولۇشى ، كىشىگە خاتىرجەملىكلا ئېلىپ كەلمەي بەلكى بەرىكەتلىك بولىدۇ دەپ ئويلايمەن . رەھمەت ياخشى تېمىكەن

بەختىيار(بايقاش

ئائىلىنىڭ ساغلام،ئىناق يۇسۇندا تەرەققىي قىلىشى ئۆز نۆۋىتىدە جەمئىيەتنىڭ ماس ھالدا تەرەققىي قىلىشىغا ئاكتىپ تەسىر كۆرسىتىدۇ.
مەنمۇ ئۆزۈم ھېس قىلغان يامان قىلىقلاردىن بىر،ئىككىنى دەپ باقاي:
1.باشقىلار بىلەن ئۆزىنى سېلىشتۇرۇش،ھەددىن زىيادە مودا قوغلىشىش.
2.باشقىلارنىڭ پاكىتسىز سۆزلىرىگە ئاسانلا ئىشىنىپ كېتىپ،ئورۇنسىز جىدەللەرنى قىلىش.

گۈلزار

ئۆز - ئارا چۈشىنىش  ، ئىشىنىش ۋە ھۆرمەتلەش ئائىلە ئىناقلىقىنى تېخىمۇ ئىلگىرى سۈرىدۇ ھەم مۇستەھكەملەيدۇ .  رەھمەت سىزگە
来自: Android客户端

دىلرۇس

ئائىلە جەمئىيەتنىڭ ھۈجەيرىسى، ۋەتەننىڭ كېچىكلىتىلگەن كۆرۈنىشى. بىر ئائىلىنىڭ ئىناق ياكى ئەمەسلىكى ئەر- ئايال مۇناسىۋىتىگە چېتىلىپ قالماستىن پەرزەنتلەرنىڭ كەلگۈسىگە چېتىلىدۇ. بىز بۇ دۇردانىلەرنى دىلىمىزدا چىڭ ساقلاپ، ھەركىتىمىزدە كۆرسەتسەك، ئائىلىلىرىمىز چەكسىز بەختكە چۆمىلىدۇ.  ئائىلىلىرىمىز ئۈچۈن قىممەتلىك دۇردانە ئېلىپ كەلگىنىڭىزگە تەشەككۈر!

سەييارە0

ئوز-ئارا ھورمەتلىمەسلىك،ئىشەنمەسلىك،ئاتا-ئانسىغا زىيادە ئىشنىش،قارشى تەرەپنىڭ ئاتا-ئانسىنى ھورمەتلىمەسلىك،

ئىلغار

ئائىلىنىڭ ئىناقلىقى بالا تەربىيەلەشكە كۆرسىتىدىغان مۇھىم ئامىل ،شۇڭا ئائىلىدە بالىلارغا ئۆلگە بولۇپ يۈرۈشىمىز بالىلارغا سەلبى تەسىرلەرنى بىرىدىغان گەپ سۆز ۋە قالايمىقان ھەركەت بىلەن بىلەن ئۇلارغا يامان تەسىر بەرمەسلىكىمىز لازىم.