ماتىماتىكىنى بىلمەيدىعان قىزلار

ئەزىزى

بۇ يەرنى چىكىپ كۆرىۋاتقان ئوغۇللار: ماتېماتىكىسى ياخشى ئەمەس قىزلارنى ھەرگىز قولدىن بېرىپ قويماڭلار، سەۋەبىنى ھازىر چۈشەندۈرۈپ قويىمەن.

قىزلار ئادەتتە كۆپىنچە تەبىئىي پەنلەرگە قارىغاندا ئىجتىمائىي پەنلەرگە ئۇستىراق بولىدۇ، شۇڭا ماتېماتكا دېگەندەك تەبىئىي پەنلەردە ھامان نەتىجىسى ئوغۇللاردىن تۆۋەن تۇرۇشى، ھەتتا ياخشى ئۆگىنەلمەسلىكى تەبىئىي ئەھۋال. بىراق ماتېماتكىنى ياخشى بىلمەسلىك، ھەرگىزمۇ بۇ قىزلارنىڭ لاياقەتسىز ئىكەنلىگىدىن دېرەك بەرمەيدۇ. ئىشەنمەمسىز؟ ئوقۇڭە ئەمسە:

1. ماتېماتكىسى ياخشى ئەمەس قىزلارنىڭ ئوڭۇشسىزلىققا تاقابىل تۇرۇش ئىقتىدارى بىر قەدەر كۈچلۈك بولىدۇ، كۆپ قىسىم تولۇق ئوتتۇرا ئوقۇتقۇچىلىرى ھەمىشە ماتېماتكىنى ياخشى بىلمەيدىغان قىز ئوقۇغۇچىلارنى ئانچە ياقتۇرۇپ كەتمەيدۇ، بۇ قىزلار ھەر قېتىم ئىمتىھان تۈگىگەندىن كېيىن قارا بوران كەبىي يوپۇرۇلۇپ كەلگەن ھەرخىل كەمسىتىش ۋە ھاقارەتلەرگە ئۇچراپ تۇرىدۇ، بۇ خىلدىكى ئەھۋال داۋاملىق تەكرارلىنىپ تۇرغاندىن كېيىن، بۇ قىزلاردا ئىنتايىن كۈچلۈك بولغان پىسخىكىلىك ساپا پەيدا بولىدۇ ۋە ئوڭۇشسىزلىققا ھەرگىزمۇ باش ئەگمەيدىغان بولىدۇ.

2. ماتېماتكىسى ياخشى ئەمەس قىزلار ئاساسەن دېگۈدەك كۈلگۈنچەك بولىدۇ، چۈنكى ماتېماتكا يوق تۇرمۇشتا كۆڭۈلسىزلىكمۇ بولمايدۇ، ھەر بىر تولۇق ئوتتۇرا ماتېماتكىسىنىڭ ئازابىنى باشتىن كەچۈرگەن قىزچاقنىڭ ھەممىسى قاناتسىز پەرىشتىلەر ئەمەسمۇ؟ ھېسابنى جىق ئىشلىۋەتسە تەبىئىيلا كۈلۈمسىرەشنى ئۇنتۇپ قالىدىغان گەپ، چىراي ئىپادىسىمۇ بارغانسىرى قېتىشىپ، كەيپىياتقا تەسىر كۆرسىتىدىغان ئىش چىقىدۇ.

3. ماتېماتكىسى ياخشى ئەمەس قىزلار ئاساسەن دېگۈدەك بىر ئاز ساددا ۋە رومانتىك كېلىدۇ، بىر ئىشلار ياكى ئادەملەرنى مۇنتىزىم فورمىلاغا چۈشۈرۈپ ئانالىز قىلمايدۇ، بىر ئاز ھېسسىياتچان ۋە زېرەك بولىدۇ. گەرچە ھېسابلاشقا ئانچە ماھىر بولمىسىمۇ، ئەمما كۆڭۈل قويۇپ مۇھەببەتلىشىدۇ، بىر ئىشلارغا ئىنچىكە ھەمدە جەلپكار بولىدۇ.

4. ماتېماتكىسى ياخشى ئەمەس قىزلار ئاساسەن دېگۈدەك بىر ئاز يۇمۇرىستىك كېلىدۇ، تۇرمۇشى لەززەتكە تولغان ھەمدە ھېسىيات جەھەتتىمۇ بىر قەدەر مول بولغان بولىدۇ. ھەر كۈنى نەچچە ۋاراق ماتېماتكىلىق سوئاللارغا قاراپ كىمنىڭمۇ چاقچاق قىلىشقا رايى بارسۇن دەيسىز؟ شۇڭا باش چۆكۈرۈپ ھېساب ئىشلەۋاتقان قىزلار ئاللىقاچان تۇرمۇشنىڭ لەززىتىدىن مەھرۇم بولغان بولىدۇ، ئۇلارنىڭ كاللىسىدا پەقەت فورمۇلا ۋە گرافىكلا بار.

5. ماتېماتكىسى ياخشى ئەمەس قىزلار ئاساسەن دېگۈدەك مىننەتسىز بەدەل تۆلەشنى ياخشى كۆرىدۇ. چۈنكى ئۇلار بۈگۈن تۆلىگەن بەدەلنىڭ ئەتە ئۆزىگە پايدا ئېلىپ كېلىدىغان كەلمەيدىغانلىقىنى ھېسابلاپ يۈرمەيدۇ، بىرسىدىن پايدىلىنىش ئۈچۈن ئۇنىڭغا ياخشىچاق بولمايدۇ، شۇڭا بۇ خىلدىكى قىزلار ھېسسىيات جەھەتتە بىر ئاز تۇراقلىق بولىدۇ.

6. ماتېماتكىسى ياخشى ئەمەس قىزلار ھەممىسى ئاساسەن كۆڭلى تۈز، ئەمەلىيەتچىل، گەپنى ئەگىتىپ ئولتۇرمايدىغان بولىدۇ. كۆپچىلىككە مەلۇم بولغىنىدەك، ماتېماتكىلىق ھېسابلار ھەمىشە ئاجايىپ مۇرەككەپ ۋە كاللىنى قايدۇرىدىغان بولىدۇ. بۇنداق سانلار ۋە گرافىكلار بىلەن تولا ئېتىشقان ئادەممۇ تولا كاللا ئوينىتىدىغان، ئەمەلىيەتچىل ئەمەس، ئابرويپەرەس بولۇپ قالىدۇ، ئىشەنمىسىڭىز ماتېماتكا ئوقۇتقۇچىڭىزنىڭ قانداق ئادەم ئىكەنلىگىنى ئەسلەپ بېقىڭ.

7. ماتېماتكىسى ياخشى ئەمەس قىزلار ھەممىسى دېگۈدەك تەسەۋۋۇر كۈچىگە تويۇنغان بولىدۇ. ماتېماتكا دېگەن ئادەمنىڭ تەسەۋۋۇرىنى بوغىدىغان نەرسە، چۈنكى جاۋاپ بىردىنبىر، مەڭگۈ مۇقىم بولىدۇ، سىز ئۆزىڭىزنىڭ تەسەۋۋۇرى ۋە تالانتىغا تايىنىپ يېڭىلىق يارىتالمايسىز، بۇ تالانتلىقلارنى ۋەيران قىلغانلىق بولماي نېمە؟! شۇڭا ماتېماتكىنى ئۇقمايدىغانلار ھەمىشە كۈچلۈك تەسەۋۋۇر كۈچىگە ئىگە بولىدۇ.

8. ماتېماتكىسى ياخشى ئەمەس قىزلار سانلارغا نىسبەتەن ئۇنچە سەزگۈر ئەمەس، خەلق پۇلىنىڭ قىممىتىگە نىسبەتەن ئۇنچە بەك ھېسابلىشىپ ئولتۇرمايدۇ، شۇنداقلا بىر تىيىننى ئارتۇق خەجلىۋەتكىنى ئۈچۈن ھەرگىزمۇ كۆڭلىدە ھېسابلىشىپ ئولتۇرمايدۇ!!!

9. ماتېماتكا ئەتراپلىق ۋە ئىنچىگە بولغان تەپەككۇرغا، قاتتىق كۈچلۈك تەپەككۇر جەريانىغا ئېھتىياجلىق بولۇپ، ئازغىنە خاتالىقنىمۇ سىغدۇرالمايدۇ، بۇ جەھەتتە ماھىر بولمىغان قىزچاقلار ھەممىسى ئاقكۆڭۈل، غەرەزسىز، تەكەللۇپسىز، ئوبدان كېلىشكىلى بولىدىغان قىزچاقلاردۇر، بۇنداق قىزلار باشقىلارنى ئوڭدا قويۇشنى ئۇقمايدۇ، پەقەت ئىزچىل سىزگە كۆيۈنىدۇ.

10. ماتېماتكىسى ياخشى ئەمەس قىزلار ئاساسەن بىر ئاز چىرايلىق بولىدۇ، ھەر كۈنى توختىماي ئۆزگىرىپ تۇرىدىغان قالايمىقان فۇنكسىيەلەرگە، ھېلى كۋادراد، ھېلى تىك تۆتبۇلۇڭ، ھېلى كۇنۇس، ھېلى سىنۇس… دېگەنلەرگە قاراپ ئولتۇرۇپ چىرايىمۇ تارتىپ كېتىدىغان ئىشلارنى يوق دېگىلى بولمايدۇ، بۇنىڭ كۈچلۈك تېخنىكىلىق ئاساسى بار. ھەر كۈنى ئەينەككە قاراپ تۇرۇپ ئۆزىگە مەن بەك چىرايلىق دېيىشنىڭ بارا-بارا كۈنلەرنىڭ ئۆتۈشىگە ئەگىشىپ كىشىنى تېخىمۇ چىرايلىق قىلىشى ۋە بۇنىڭ كۈچلۈك پىسخىلىك رولى بارلىقى ئاللىقاچان ئىسپاتلانغان، ئەكسىچە كۈندە غەلىتە گرافىكلارغا قاراپ ئولتۇرىدىغان قىزچاقلارنىڭ كاللىسىدا ئويلايدىغىنى ئاشۇ گرافىكلارنى ئەل قىلىش، ئۇلارنى ئەل قىلىش ئۈچۈن ئاۋال ئۇلار بىلەن ئوخشاش تۈرگە ئايلىنىشىڭىز، ئۇلارنىڭ تىلى ۋە مەدەنىيىتىنى چۈشىنىشىڭىز كېرەك، شۇڭا…

11. ماتېماتكىسى ياخشى قىزلار ئاساسەن ھەممىسى دېگۈدەك كەلگۈسىدە ياخشى ئانا بولالايدۇ، چۈنكى ئۇلار ماتېماتكىنىڭ ئازاۋىنى چوڭقۇر چۈشىنىدۇ، شۇڭا ھەرگىزمۇ پەرزەنتلەرنى ماتېماتكا ئۆگىنىشكە مەجبۇرلايدىغان ئىشنى قىلمايدۇ، شۇڭا ئائىلىنىڭ كەيپىياتىمۇ بىر قەدەر قايناق ۋە ئاۋات بولۇپ، نىكاھ مۇناسىۋىتىنىڭ تەرەققىياتىغا پايدىلىق بولىدۇ.

قانداقكەن؟ ئەڭ ياخشىسى ئويلىنىپ بېقىڭ ھە...



مەنبە(نۇر تورى)

دىلكەش

ياخشكەن .ئەمسە ماتىماتكىسى ياخشى قىزلارچۇ ؟

دىلرۇس

ماتېماتىكىسى ياخشى ئەمەس قىزلارغۇ شۇنداقكەن، ياخشىلىرىچۇ؟... مېڭەم قېتىپلا قالدى دېسە بۇنى ئوقۇپ. ئەڭ ياخشىسى قانداق بولۇشتىن قەتئىي نەزەر ماتېماتىكىسى ياخشى قىزلار ياخشى جۇمۇڭلا؟
نادىر تېنىڭىزغا رەھمەت ئۇستاز.

يۈسەن

بەكلا قىزىق تىما ئىكەن بۇ ...مەنمۇ بىر ماتىماتكا ئۇقۇتقۇچىسى ئويلاپ قالدىم راسلا شۇنداق بۇلىدىغان ئىش بولسا مىنىڭ ماتىماتكىسى ياخشى بىر قانچە ئۇقۇغۇچۇمنىڭ ھالى نىمە بۇلۇپ كىتەر...........ھەي....