سەنمىدىڭ
( غەزەل)
ۋاھاپ زۇنۇن
كىرىپ كۆڭۈل قەسرىمگە،چېراق ياققان سەنمىدىڭ؟
سېلىپ كونا كۆرپەڭنى،تۈنەپ ياتقان سەنمىدڭ؟
تاڭ ئۇيقۇسى لەززىتىن،سۈرۈپ ياتسام بىغۇبار ،
دېرىزەمدىن بوينۇڭنى سوزۇپ باققان سەنمىدىڭ؟
شەبنەممىسال قەلبىمنى،چۆللىرىڭدە قاق سېلىپ،
گۈللىگۈمدە باشقىنى ئىزدەپ تاپقان سەنمىدىڭ؟
شۆھرەت ،ئابرۇي بايلىقنى ،ئۈستۈن قويۇپ مېنىڭدىن،
كۆرۈپ جەندە جىسمىمنى يىراق قاچقان سەنمىدىڭ؟
يالۋۇرغاندا ياش تۆكۈپ،كۆز ئالايتىپ پەرۋاسىسز،
يارما تارتىپ كۆكسۈمدە،ياڭاق چاققان سەنمىدىڭ؟
ئۇيالماستىن باشقىغا،بولۇپ تەتۈر تەرجىمان،
قېنىمدا يوق نوقسانغا، مېنى چاتقان سەنمېدىڭ؟
ئاغرېىپ قالسام چۈشۈڭدە،ئۆلسىكەن دەپ ئىچىڭدە،
ئويغانغېچە خوش بۇلۇپ،ھازا ئاچقان سەنمېدىڭ؟
ئادېمىيلىك خىسلەتنى ھارام ئەيلەپ ،ئۆزۈڭگە،
ئابرۇي،شۆرەت پۇلنى دەپ ،ۋىجدان ساتقان سەن مىدىڭ؟
ئەمدى كېلىپ توۋا دەپ،چاپىنىڭغا يۆگە دەپ،
دىمىغىمغا بەتپۇراق، ئۈزمەي چاچقان سەنمىدىڭ؟
تۈكۈرگىچە يۈزۈڭگە،يوقال !دىسەم كۆزۈمدىن ،
جەسىدىڭگە نەپىرەتتىن يوپۇق ياپقان سەنمىدىڭ؟
مەنبە:ئۆز قەلەم
2015.5.21
| 
شۆھرەت
تۆھپە
تىللا
قىزغىنلىق
ۋاقتى: 2015-5-22 19:32:10
