باشلىقىم(مۇخەممەس) ۋاھاپ زۇنۇن

ZAMRAN

باشلىقىم
(مۇخەممەس)
ۋاھاپ زۇنۇن
ئىناۋەتنى دوست تۇتقان،ئىناۋەتلىك باشلىقىم،
يېزىمىزدا شان قۇچقان،شىجائەتلىك باشلىقىم.
ئاۋام قەلب تۆرىدە، قاباھەتلىك باشلىقىم،
مەجبۇر چالغان چاۋاكقا، دارامەتلىك باشلىقىم.
ئۆزى قويغان ئاتاقتا،ساداقەتلىك باشلىقىم.

ئۈچ ئاساس پەن غەلبىمىز،قوشۇمچىسى پەن ئەمەس،
تەكرار قىلىپ ھارماستىن،لەۋلىرىمىز نەم ئەمەس.
بىر نومۇرنىڭ غېمى غەم،باشقا غەملەر غەم ئەمەس،
شۇ سەۋەپتىن تۇققانلار،ئۆيدە بىر كۇن جەم ئەمەس.
خۇلاسىدە جۆندەشكە،ماھارەتلىك باشلىقىم.

ئايمۇ-ئايدا تەكشۈرۈپ،مەكتەپلەرنى چارلىماق،
ئۆستۈرەي دەپ سۈپەتنى،سىنىپلارنى ئارلىماق.
تۇرسا نەچچە ساۋاتسىز،بانى يوق دەپ يوللۇماق،
چاپان يېپىپ ھەمىشە،مائارىپنى گوللۇماق.
سۈپەت شۇنداق ئۆسەمدۇ؟پاراسەتلىك باشلىقىم.

يىغىن ئاچساڭ ئاڭلىدۇق،سۆزلۈرۈڭدە تېتىم يوق،
دېگەن گىپىڭ يەنە شۇ،سىلەردە ھېچ بېسىم يوق.
كونا گەپتىن جاق تويدۇق،يېڭىچە بىر ئېقىم يوق،
يازاي دىسەم سۆزۈڭنى، توشتى باشقا بېتىم يوق.
تەسەللىدىن مۇستەسنا،سىياسەتلىك باشلىقىم.

قاچان بولدى قاپاق خار،قىممىتى پۇل باراڭنىڭ،
ئىشلەۋەردۇق يىل بوئى،خىيالى بولۇپ ساراڭنىڭ.
قانالمىدىڭ مىھرىگە،زاكىدىكى بالاڭنىڭ،
تىپىلمىغاچ شىپاھسى،يۈرەكتىكې ياراڭنىڭ.
خەپلىرىمنىڭ نەزىردە،گۆرگە تالىق باشلىقىم.

زورلىغاندا تاماققا،ياق دەپ شەكلىن نازى بار،
بۇيرۇغاندا كاۋاپنى،جاۋغىيىدا يازى بار.
چۈشۈپ قالساڭ ئۇسسۇلغا،قولدا دىپى سازى بار،
دۇئاسىدا چىرايلىق،كۆپ تەشەككۈر رازى بار.
تىپىۋالغان يۆلەنچۈك،پاراغەتلىك باشلىقىم.

تامالىقىڭ ئوچۇقتۇر، سوۋغا-سالام ئاش كەلسە،
خۇشامەتتە تازىمدا،مەيلى قېرى-ياش كەلسە.
كۈلۈپ تۆرگە باشلىدىڭ،سومكا ئېغىر شاش كەلسە،
باش بارمىقىڭ ئۇچلاندى،دوپپا دېسەڭباش كەلسە.
تۈگىمەس بايلىق كان ئاچقان،تاپاۋەتلىك باشلىقىم.

يول كۆرسەتسە بەزىلەر،ئويلانماستىن ماقۇل دەپ،
خىللاشتۇرۇپ قوشۇننى،ئەتراپىڭدا تۈزدىڭ سەپ.
ئەتراپىڭدا كوتۇلداپ،سەن توغۇرلۇق بولسا گەپ،
پەرۋا قىلماي قىلچېلىك،ئۆتۇپ كەتتىڭ خەپلا دەپ.
ئۇنى بۇنى يۆتكەشتە،جاسارەتلىك باشلىقىم.

قاقشاتمىساق بولاتتى،بور تۇزاندا يۈرگەننى،
يول كۆرسىتۈپ نادانغا،خاتاسنى تۈزگەننى.
سىنىپتىكى چاۋاكىتن،دىلى يورۇپ كۈلگەننى،
دېڭىزىدا بىلىمنىڭ،ئەۋلاتنى دەپ ئۈزگەننى.
ھەق-ناھەقنى پەرىق ئەتمەس،ئادالەتلىك باشلىقىم.

يېزىپ قويدۇم كوپتۈرۈپ،قارنىمۇ-ئاقنىمۇ،
ئوخشاش دەرتنى تەڭ تارتقان،ئاغرىقنىمۇ-ساقنىمۇ.
گالدىن ئۆتكەن غەنىمەت...بىر تال گۈلە قاقنىمۇ،
سىز بىجىرگەن ئىشتىكى،ماقۇلنىمۇ- ياقنىمۇ.
بولۇپ قىلىڭ باشقىدىن،دىنايەتلىك باشلىقىم.

مەرىپەت

شئېرنى ياخشى يېزىپسىز، بەزى مەكتەپلەردە ھەقىقەتەن مۇشۇنداق ئەھۋاللار مەۋجۈت.

كەۋسەر

مەكتەپلەردە بار ئەمەلىي ئىشلارنى يېزىپسىز ، بۇ شېئىرنى نادىرلاشقا بىر بېلەت كەتتى .

غادىراڭ

ھەقىقەتەن ياخشى يېزىپسىز ، مەكتەپلەردە مۇشۇنداق ئەھۋاللار ھەقىقەتەن مەۋجۇت
مىنىڭ ئاتۇشلۇق ۋاھاپ زۇنۇن دەپ بىر ساۋاقدېشىم بۇلىدىغان، سىز شۇ ئەمەستۇ؟

جانباز

ئىنتايىن مۇل-مەزمۇنلۇق شېئر يىزىپىسز، ئەجىرىڭىزگە كۆپ تەشەككۇر، چوڭقۇر مەزمۇنلۇق شېئرلىرىڭىز ئۇزۇلۇپ قالمىسۇن.

ئايرال

ياخشى يېزىلىپتۇ، ئاپرىن…… مۇشۇنداق ئەسەرلىرىڭىزنى پات-پات كۆرۈپ تۇرساق بولاتتى……

pari

بۇ شېئىرىڭىز بەك ياخشى يېزىلىپتۇ ، مەكتەپلەردە ئەمىلىي بولۋاتقان ئىشلار يېزىلىپتۇ ، داۋاملىق يېزىپ تۇرۇڭ ،رەھمەت بىر بېلەت تىللاسى بىلەن بىللە كەتتى .

قۇم

ئايمۇ-ئايدا تەكشۈرۈپ،مەكتەپلەرنى چارلىماق،
ئۆستۈرەي دەپ سۈپەتنى،سىنىپلارنى ئارلىماق.
تۇرسا نەچچە ساۋاتسىز،بانى يوق دەپ يوللۇماق،
چاپان يېپىپ ھەمىشە،مائارىپنى گوللۇماق.
سۈپەت شۇنداق ئۆسەمدۇ؟پاراسەتلىك باشلىقىم.

يىغىن ئاچساڭ ئاڭلىدۇق،سۆزلۈرۈڭدە تېتىم يوق،
دېگەن گىپىڭ يەنە شۇ،سىلەردە ھېچ بېسىم يوق.
كونا گەپتىن جاق تويدۇق،يېڭىچە بىر ئېقىم يوق،
يازاي دىسەم سۆزۈڭنى، توشتى باشقا بېتىم يوق.
تەسەللىدىن مۇستەسنا،سىياسەتلىك باشلىقىم.

بەك ياخشى شىئىر ئىكەن..  بەزى جايلاردا مۇشۇنداق ئىشلار بار.....................

火山

بەك ياخشى يېزىپسىز ! بەلەن يېزىپسىز !قايىل بولدۇم سىزگە

كەشپى

ياخشى يېزىلىپتۇ،  ھارمىغايسىز.