ئۇستاز سەن بىر بۈيۈك ئىنسان
ئۆتتى يىللار مۈكچەيدى بەل دىلىڭدا يوق ھىچبىر پۇشمان،
نەزەر سالسام مۇساپەڭگە كۈلۈپ باقار ساڭا دەۋران،
ئېيتىپ ئالاي ھەمدى -سانا ، كۆڭلۈمدە قالمىغاي ئارمان،
مەئرىپەتتىن بېرىپ زەم-زەم ئاتاقىلدىڭ قۇۋۋەت ، دەرمان،
ساخاۋەتتە كامال تاپقان ئۇستاز سەن بىر بۈيۈك ئىنسان.
ئانامدىن بەك ئەجىر قىلدىڭ ، ئۈگەتتىڭ سىرۇ-ھېكمەتنى،
جۇلا بەردىڭ تىلىمغا ھەم نەقىش ئەتتىڭ پاساھەتنى،
سەبىي دىلىنى يورۇق ئەتتىڭ ، يىراق قىلدىڭ زالالەتنى،
بىلىم بىرلەن ئەزىز قىلدىڭ ئاتا قىلدىڭ سائادەتنى،
كارامەتتە كامال تاپقان ئۇستاز سەن بىر بۈيۈك ئىنسان.
ئۆتتى ئۆمرىڭ بۇ مەنزىلدە چىكىپ جەبرى-مۇشەققەتنى،
گۈدەكلەرگە ئەقىل بەردىڭ، يەڭدۇق خەيلى- ھالاقەتنى.
ئۆتۈپ كەتتى قىران پەسلىڭ، يوقاتتىڭ ھەم سالاپەتنى،
ئەزىز بىلدىڭ ئەۋلاد ئۈچۈن "جاپاكەش" سالاھىيەتنى،
كامالەتتە كامال تاپقان ئۇستاز سەن بىر بۈيۈك ئىنسان.
بور توزىڭى يەپ مۇنبەردە، ئۈگەتتىڭ ھەق، دىيانەتنى،
قىلمىغىن دەپ ئەلگە زورلۇق، مىللەتكە ھەم خىيانەتنى.
قېنى ئەشۇ سىنىپ، مەيدان،سېغىندىمغۇ شۇ مەكتەپنى،
ماراي دەيمەن ئىشىك ، زالدىن ئەدەپلىگىن شوخ تەنتەكنى.
دىيانەتتەكامال تاپقان ئۇستاز سەن بىر بۈيۈك ئىنسان.
دىگەچ يەتكۈز نەپ - مەنپەئەت ، تارات ئەلگە ھارارەتنى،
توسالماس ھىچ قېيىن ئۆتكەل ، ئۈگەتتىڭ كۆپ پاراسەتنى.
قالدۇردىڭ سەن مەڭگۈ ئۆلمەس ،مۇتلەق ئۇلۇغ ئامانەتنى،
زىممىمىزگە ئالدۇق يۈكنى تەرك ئېتەرگە جاھالەتنى.
سائادەتتە كامال تاپقان ئۇستاز سەن بىر بۈيۈك ئىنسان.
كەلگىن ئۇستاز تۈزۈپ قويدۇق شەنىڭ ئۈچۈن باراۋەتنى،
سالام قىلاي ئېگىپ باشىم قوبۇل قىل قەترە رەھمەتنى ،
كۆرۈپ كەتكىن ئەجر-تۆھپەم ياراتقان كۆپ كارامەتنى،
قىلاي خىزمەت جانىم بىلەن قېنى بەرگىن ئىجازەتنى،
ئىناۋەتتە كامال تاپقان ئۇستاز سەن بىر بۈيۈك ئىنسان.
شۆھرەت
تۆھپە
تىللا
قىزغىنلىق
ۋاقتى: 2016-9-9 13:42:03
ۋاقتى: 2016-9-9 17:23:13
ئىگىسى