نورۇز جىلۋىسى
ئەسسالامۇئەلەيكۇم ، قېرىنداشلار، جاپاكەش ئۇستازلار، ھەممىڭلارنىڭ نورۇز بايرىمىنى قىزغىن تەبرىكلەيمەن!، سالامەتلىك، خاتىرجەملىك، بەخت سىلەرگە يا بولسۇن!
پەسىلنىڭ كۆركىدۇر،نورۇز- باشباھار،
قىر-ئېتىز،ئالما ، تەك... ئارتقاچ لىباسى.
جەننەتتەك باغلار ھەم تاغلار، سەيلىگاھ،
جېنىڭغا جان قوشار خۇشبۇي ھاۋاسى.
جانلانغاچ تەبىئەت ئېقىپ ئەگىزلەر ،
نەۋ باھارقۇشلىرى تىنماي شوخ سايرار.
بالىلار لەگلەكنى ھارماي ئۇچارسا ،
ئاپتاپقا قاقلىنىپ موماي ئولتۇرار....
جۈر بولار بىخ سۈرگەن سىدە، مەجنۇنتال ،
شېخىدا قۇشلارنىڭ سايراشلىرىغا.
كۆكەرگەن مايسىلارزەپمۇ چىرايلىق،
زوقلىنار دېھقىنىم ئېتىزلىرىغا.
دەرەخلەر يامغۇردا تاراپ چېچىنى ،
چوكانتال بولماققاراسلاندى شۇ دەم.
قۇشلارمۇ ئالدىراش چاڭگا تىزىشقا،
نورۇزنى چىللىشىپ كۈتكەچكەھەردەم.
ئالدىراش بارچە جان ئۆز ئىشى بىلەن،
دېھقانمۇ ئېپ ماڭدى سوقا-سۆرەمنى.
يىگىتلەر بىلىگە باغلاپ بەلباغنى،
تۈزۈشەر باغدىكى ئۈزۈم -جۈجەمنى.
قىز-كىلىن شادلىنىپ ئەينەك ئالدىدا ،
نورۇزغا تۈزۈشەر چاچ ۋە قېشىنى.
نەۋرە ھەم چەۋرىلەرئۇندىن ئالدىراش ،
ئىچىشىپ ئانىنىڭ نورۇز ئېشىنى....
نورۇز ئۇ يىل بېشى ، ئىشىڭنىڭ بېشى،
قۇت ئاتسۇن دېھقاننىڭ ئەجرى،مىۋىسى.
بارچىگە ئەپ كەلگەي شادلىق كۈلكىسى،
چېھرىدىن كەتمىسۇن نورۇز جىلۋىسى.
مەنبە:قارغاي
| 
شۆھرەت
تۆھپە
تىللا
قىزغىنلىق
ۋاقتى: 2016-3-20 21:43:45
ۋاقتى: 2016-3-20 23:06:11
