| قىزىمنىڭ <<قۇياشى >>
ئارزۇگۈل ھۈسەن خالەم
چېھرىدىن نۇر تېمىپ ،
تۇنجى كىتاۋىنى باغرىغا تېڭىپ ،
تاقلاپ –تاقلاپ كىردى قىزىم .
چۈچۈك تىلىدا دىدى :<< ئانا، ئېلىپبەنى تۈگەتتىم >>
ۋۇجۇدۇم كەلدى لەرزىگە ،
ئارمانلىرىم چېچەك ئاچقاندەك ،
قېنىم داۋالغۇدى ،
يۈرىكىمدە بىر دېڭىز دولقۇنلىنىپ تاشقاندەك.
چۈنكى قىزىم قەلبىگە سىزدى مەۋجۇتلۇق قۇياشىنى ،
روھى شۇتاپ بۇغراخاننىڭ روھىدەك پاكىز ،
قەلبى قاردىنمۇ كىرسىز .
قۇياش قىزىرىپ چىقىدۇ قىزىمغا ئۆتمۈشنى كۆرسەتكىلى ،
كەلگۈسىنى سۆزلەتكىلى .
ئىشىنىمەن !
قىزىممۇ چاپىدۇ كارۋانلارنى قوغلاپ يەتكىلى .
ئىزدەيدۇ تۆگىلەرنىڭ ئىزىنى ئورخۇن ۋادىسىدىن ،
چۈشنىدۇ بىر ھېكىمەتنى مەڭگۈ تاشلاردىن ،
بىلمىگەنلىرىنى سورايدۇ مەھمۇد بوۋىسىنىڭ قامۇسىدىن ،
ئەقىل قۇشى قانات قاقىدۇ يۈسۈپ بوۋىسىنىڭ ئۈگۈتىدىن .
روھ يىلتىزى چىلىشىدۇ ئانا تارىمغا ،
ئاندىن چىڭ چىرمىشىدۇ تەكلىماكانغا
پەقەت يىقىلىپ باقمىغان خىسلەتلىك توغراقتەك .
چۈنكى قىزىم ئېلىپبەدىن ئۈگەندى ،
ئەل قوينىغا سىڭىشنى ،
ئەلدىن ئېلىپ ئەلگە بېرىشنى ،
ئۆزلۈكنىڭ قورغانلىرىغا بۆسۈپ كىرشنى .
|
|
شۆھرەت
تۆھپە
تىللا
قىزغىنلىق
ۋاقتى: 2015-8-5 20:02:43
