| كەپسىز سېغىنىش
ئارزۇگۈل ھۈسەن خالەم
قانات قېقىپ خىيال قۇشلىرىم ،
ئۇچۇپ كەتتى يەنە سەن تامان .
سەندە بولغاچ ئۇنىڭ تىزگىنى ،
ھالىم بولدى شۇڭا بەك يامان .
چاقىرماقچى بولۇپ بىرىنى ،
يەنە ئىسمىڭ چاقىردىم بۈگۈن .
ئېزىپ گاھى قىلغان سۆزۈمدىن،
ھەر كۆڭۈلگە سالدىم بىر تۈگۈن .
سۆيۈشمىدى نەملەنگەن كىرپىك ،
يۇلتۇز بولدى تۈنلەردە سىرداش .
ئاھلىرىمدىن تولغاشتى ياستۇق ،
كۆز يېشىمغا سۈكۈتتە مۇڭداش .
سەۋدا بىلەن قاپتۇ رەڭلىنىپ ،
ئاھ، قەلبىمنىڭ پىنھان دالاسى .
سېغىنمايمەن دېگىنىم يالغان ،
قاناپ كەتتى يۈرەك ياراسى .
سەن قەلبىمگە تىكىلگەن كەشتە ،
سېغىنىشتا ئۆتەر ھەر كۈنۈم .
سەن پەرۋاسىز ياشىغان بىلەن ،
مۇشتەك گۆشتە كۈندە بىر ئۆلۈم .
ئىجادىيەت |
باھالاشباھا خاتىرىسى
|
شۆھرەت
تۆھپە
تىللا
قىزغىنلىق
ۋاقتى: 2015-1-5 10:17:35
