| ياندا ئېرىڭ بولمىسا
ئارزۇگۈل ھۈسەن خالەم
چەشلىرىڭ بوراندا خار ياندا ئېرىڭ بولمىسا ،
رەيھانىڭ قاردا قالار ياندا ئېرىڭ بولمىسا .
ئوچاقتا كۆيمەس ئوتۇن ، كۆيسىمۇ يالقۇنى يوق ،
تۈتۈنى تەتۈر ئۇچار ياندا ئېرىڭ بولمىسا .
مۇڭ تۆكۈپ ئىللىق ھوجرا ، قان يۇتار ياستۇقمۇ ھەم ،
سۇلىدۇ تەكچىدە گۈل ، بەرگىدىن سىرغىيدۇ غەم .
ئاھ ئۇرۇپ ، پىغان يۇتۇپ ھاياتتىن يوقايدۇ تەم ،
چېھرىڭدىن كۈلكە يۈتەر ياندا ئېرىڭ بولمىسا .
مۇساپەڭ ئەگرى -توقاي يانار كۆپ قىزىل چىراق ،
مۇھتاجىلىق يالمايدۇ مىڭ ، پاراغەت شۇنچە يىراق .
تۇل بولغاچ يالغۇز بېشىىڭ تۆھمەتكە يېقىن بىراق ،
خانەڭدىن راھەت يۈتەر ياندا ئېرىڭ بولمىسا .
بىر جۈپلەر ئاراسىدا تاقلايدۇ باغرى ، جېنى ،
يېتلىسەڭ يالغۇز بالاڭنى ، سورايدۇ دادام قېنى ؟
ئاھ ، ھېجىران قوقاسلىرى ئۈتلەيدۇ ھەرۋاق سېنى .
تەختىڭدىن بەخت يۈتەر ياندا ئېرىڭ بولمىسا .
ئۇ تۇتقان ئاپئاق قولۇڭدا يارىسەن كۈندە ئوتۇن ،
تۈز يولدا ماڭساڭمۇ گەر بولىسەن ‹‹ يامان خوتۇن ››.
بۇ قانداق تەتۈر پەلەك سېنىلا سوقار جۇدۇن ،
بېغىڭدىن باھار يۈتەر ياندا ئېرىڭ بولمىسا ،
توزۇيدۇ زىبالىغىڭ ،پۈكلىگەچ تۇرمۇش غېمى ،
بىر ئۆمۈر تولمايدىكەن ھەمراھسىز ئۆينىڭ كېمى .
تەنھالىق قىينايدىكەن ئىگىزلەپ ھەسىرەت تېمى ،
تۈنىڭدىن ئايمۇ يۈتەر ياندا ئېرىڭ بولمىسا .
ئەر دىگەن قانات ئىكەن پەرۋازىڭ قىلغان راۋان ،
ئەر دىگەن سولتان ئىكەن تەختىڭنى قىلغان ئامان .
ئەر دىگەن قالقان ئىكەن جاناننى قوغدار ھامان ،
جاھاندىن بارىڭ يۈتەر ياندا ئېرىڭ بولمىسا .
مەنبە ----- ئۆز قەلىمىم |
باھالاشباھا خاتىرىسى
|
[ئۇلانما كۆچۈرۈش]
شۆھرەت
تۆھپە
تىللا
قىزغىنلىق
ۋاقتى: 2015-8-5 19:57:01
ۋاقتى: 2015-8-5 23:44:00
ۋاقتى: 2015-8-7 13:56:18
ۋاقتى: 2015-8-7 20:20:21