قوش تىل 3-يىللىق 2-مەۋسۈم ئەدەبىيات سەۋەپ قىلساڭ سېۋەتتە سۇ توختايدۇ

xukran

«سەۋەپ قىلساڭ سېۋەتتە سۇ توختايدۇ»

ئوقۇتۇش نىشانى:
1.بىلىم ۋە ئىقتىدار: ئەسەرنى پىششىق ئوقۇش،ھىسسىياتلىق ئوقۇش جەريانىدا ئەسەرنىڭ ئاساسى مەزمۇنىنى ئىگەللىۋېلىش.
  2. جەريان ۋە ئۇسۇل: ئەسەرگە تېما قىلىپ قويۇلغان«سەۋەپ قىلساڭ سېۋەتتە سۇ توختايدۇ» دېگەن ماقالنىڭ مەنىسىنى چۈشۈنىۋېلىش.
3. ھىسسىيات پوزىتسىيە قىممەت قارشى: ھەر قانداق ئىشتا ئەقىل ئىشلىتىشنىڭ مۇھىملىقىنى چوڭقۇر چۈشۈنۈپ،ئىش قىلغاندا مىڭە ئىشلىتىشكە ماھىر بولۇپ،ئەتراپلىق ئويلىنىپ ئىش قىلىدىغان ئادەتنى يىتىلدۈرۈش.
مۇھىم قىيىن نوقتا:
ئەسەرنىڭ ئاساسى مەزمۇنىنى ئىگەللەشكە تەشكىللەپ،«سەۋەپ قىلساڭ سېۋەتتە سۇ توختايدۇ» دېگەن ماقالنىڭ مەنىسىنى چۈشۈنىش،شۇنىڭ بىلەن بىرگە ھەر قانداق ئىشتا ئەقىل ئىشلىتىشنىڭ مۇھىملىقىنى چوڭقۇر چۈشۈنۈپ،ئىش قىلغاندا مىڭە ئىشلىتىشكە ماھىر بولۇپ،ئەتراپلىق ئويلىنىپ ئىش قىلىدىغان ئادەتنى يىتىلدۈرۈشكە يىتەكلەش.
دەرس تىپى،دەرس سائىتى:
يېڭى دەرس،1-سائىتى
ئوقۇتۇش ئۇسۇلى:
ئوقۇشقا يىتەكلەش، چۈشەندۈرۈش، ئىلھاملاندۇرۇش،مۇلاھىزىگە يىتەكلەش ئۇسۇللىرى قوللۇنىلىدۇ.
ئوقۇتۇش ۋاستىسى:
دەرسلىكتە بېرىلگەن كۆرسەتمە رەسىم
ئوقۇتۇش جەريانى:
يېڭى دەرسكە باشلاپ كىرىش:
ئوقۇغۇچىلار،سىلەر ئىلگىرى «سەۋەپ قىلساڭ سېۋەتتە سۇ توختايدۇ»دېگەن گەپلەرنى ئاڭلىغانمۇ؟  بۇ گەپنىڭ مەنىسىنى بىلەمسىلەر؟ سېۋەتتە سۇ توختاتقىلى بولامدۇ؟
ئوقۇغۇچىلارنى بۇ سۇئالغا جاۋاپ بىرىشكە يىتەكلەش، خۇلاسىلاش ئارقىلىق ئارقىلىق يېڭى دەرسكە باشلاپ كىرىلىدۇ.
ساۋاقداشلار،ئۇنداق بولسا بىز «سەۋەپ قىلساڭ سېۋەتتە سۇ توختايدۇ» دېگەن بۇ چۆچەكنى ئوقۇش ئارقىلىق نىمە ئۈچۈن مۇشۇنداق ماۋزۇ قۇيۇلغانلىقىنى بىلىپ باقايلى.
يېڭى دەرس مەزمۇنىنى يەتكۈزۈش:
دەرس تېمىسى دوسكىغا يېزىلىدۇ.
1.ئوقۇغۇچىلار نۆۋەت بويىچە ئوقۇشقا تەشكىللىنىدۇ.(تەلەپ:توغرا،راۋان ئوقۇش،سۈرئەت مۇۋاپىق بولۇش،جانلىق ئوقۇش،تىنىش بەلگۈلىرىگە دىققەت قىلىش.)
2.ئوقۇغۇچىلار ئەسەرنى ئوقۇش جەريانىدا ئۇچرىغان چۈشەنمىگەن سۆزلەرنى ئوتتۇرغا قويۇپ بېقىشقا يىتەكلىنىدۇ ۋە ئوقۇتقۇچى-ئوقۇغۇچىلار بىرلىكتە خۇلاسىلاش ئېلىپ بېرىلىدۇ.
3. ئوقۇغۇچىلارنىڭ ئاغزاكى قابىليىتىنى يوقۇرى كۆتۈرۈش ئۈچۈن تۆۋەندىكى سۇئاللارغا جاۋاپ بىرىشكە تەشكىللىنىدۇ.
1) سىز ئەسەرنى ئوقۇۋېتىپ «بوۋاي چوڭ ئوغلىغا سېۋەتنى كۆرسىتىپ،ــــ بالام،چېلىكىمىز تېشىلىپ قاپتۇ،سېۋەتتە سۇ ئەكىرسەڭ.»دېگەن جۈملىلەرنى ئوقۇغاندا نىمىلەرنى ئويلىدىڭىز؟ بوۋاينىڭ چوڭ ئوغلى ئېرىق بويىغا بېرىپ كەلگۈچە نىمىلەرنى ئويلىغاندۇ؟
2) سىز چوڭ ئوغۇلنىڭ سېۋەتنى قۇرۇق ئەكىرگەنلىكىدىن چوڭ ئوغۇلنىڭ قانداق بالا ئىكەنلىكىنى ھىس قىلدىڭىز؟
3) بوۋاي ئىككىنچى ئوغلىنى چاقىرىپ سېۋەتكە سۇ ئەكىرىشنى بۇيرىغاندا بالا قانداق قىلدى؟ سىز بۇنىڭدىن نىمىنى ھىس قىلدىڭىز؟
4) بوۋاي ئىككىنچى ئوغلىغا نىمە ئۈچۈن ئاپىرىن ئوقۇدى؟
5) بوۋاي بالىلارغا نىمە دەپ ۋەسىيەت قىلدى؟
6) بوۋاي ئالەمدىن ئۆتكەندىن كىيىن بالىلار قانداق قىلدى؟
   4. ئوقۇغۇچىلار ئەسەرنى پېرسۇناژلار روھى ھالىتىنى ئىپادىلەپ،  ھىسسىياتلىق، ئاۋاز بىرىپ چۇشۇنۇشلۇك ئوقۇپ چىقىشقا يىتەكلىنىدۇ.
خۇلاسە:
بۇ بىر ئۇيغۇر خەلق چۆچىكى بولۇپ ،ئۇنىڭدا بىر بوۋاينىڭ ئوغۇللىرىنىڭ ئەقىل-پاراسىتىنى سىناش ئۈچۈن سېۋەتتە سۇ ئەكىلىشنى بۇيرىغانلىقى،كىچىك ئوغلىنىڭ ئەقىل ئىشلىتىپ سېۋەتتە سۇ ئەكىلىپ دادىسىنى خاتىرجەم قىلغانلىقى،ئۇلارنىڭ دادىسىدىن ئايرىلىپ  قالغاندىن كىيىنمۇ ھەر قانداق ئىشتا ئەقىل ئىشلىتىپ بەختلىك ياشىغانلىقىدىن ئىبارەت ۋەقەلىك بايان قىلىنىش ئارقىلىق ھەر قانداق ئادەمنىڭ بىر ئىش قىلغاندا ئەقىل ئىشلىتىشنىڭ مۇھىملىقى ئوتتۇرغا قويۇلغان.
دوسكا لاھىيەسى:
«سەۋەپ قىلساڭ سېۋەتتە سۇ توختايدۇ»
بۇ ئەسەرنى ئۆگۈنۈش ئارقىلىق بىز ھەر قانداق ئىش قىلغاندا ئەقىل ئىشلىتىشىمىز كېرەكلىكىنى بىلىۋالدۇق.
تاپشۇرۇق:
ئەقىل-پاراسەت توغرىسىدا ماقال-تەمسىلدىن بەشنى يېزىپ كىلىڭ.