سامسۇڭنىڭ تۇنجى نۇسخىدىكى Tizen ئەقلىي ئىقتىدارلىق يانفۇنى

بۆجەن

سامسۇڭنىڭ تۇنجى نۇسخىدىكى Tizen ئەقلىي ئىقتىدارلىق يانفۇنى 11- ئايدا ھىندىستاندا بازارغا سېلىنىدۇ
تېڭشۈن پەن-تېخنىكىسى 21- سېنتەبر خەۋىرى: سامسۇڭ ئېلېكتىرونى يەنە بىر قېتىم مۇستەقىل تەتقىق قىلىپ چىققان Tizen كۆچمە مەشغۇلات سېستىمىسىنىڭ تۇنجى نۇسخىسىدىكى ئەقلىي ئىقتىدارلىق يانفۇنىنى بازارغا سالىدىغانلىقىنى جاكارلىدى، بۇ قېتىمقىسى سامسۇڭ ئېلېكتىرونىنىڭ مۇشۇ بىر يىل ئىچىدە 3- قېتىم Tizen ئەقلىي ئىقتىدارلىق يانفۇنىنىڭ بازارغا سېلىنىش ۋاقتىنى ئاشكارىلىشى بولۇپ ھېسابلىنىدۇ.
نۆۋەتتە، سامسۇڭنىڭ كۆپلىگەن كۆچمە ئەسلىھەلىرىنىڭ ھەممىسىگە google(مىكروبىلوگ)نىڭ Android مەشغۇلات سېستىمىسى ئىشلىتىلگەن بولۇپ، Tizen نىڭ مەشغۇلات سېستىمىسىنى زور كۈچ بىلەن «گوگىللاشتۇرۇش» قەدىمىنى تېزلىتىش ئۈچۈن تىرىشماقتا ئىكەن، بۇ تىرىشچانلىقلىرى  سامسۇڭنى كۆچمە يۇمشاق دېتال ۋە مۇلازىمەتتە يېڭىلىق يارىتىش تەرەققىيات پۇرسىتىگە ئېرىشتۈرەلەيدۇ. گەرچە سامسۇڭ زور مىقداردىكى ئەقلىي ئىقتىدارلىق يانفۇنلارنى سېتىپ چىقارغان بولسىمۇ، ئەمما google يەنىلا Android دېتالى ئارقىلىق زور مىقداردىكى ئابونتلارنى كونتىرول قىلىپ تۇرىدۇ. دېمەككى google سامسۇڭ يانفۇن ئابونتلىرىنىڭ ئەڭ چوڭ مەنپەئەتلەنگۈچىسىدۇر.
ھالبۇكى، سامسۇڭ تۇنجى نۇسخىدىكى Tizen ئەقلىي ئىقتىدارلىق يانفۇنىنىڭ بازارغا سېلىنىش ۋاقتىنى ئىزچىل ئارقىغا سۈرۈپ، ئىستىمالچىلارنى ئالداپ كېلىۋاتىدۇ.
21- سېنتەبر، سامسۇڭنىڭ يۇقىرى دەرىجىلىك باشقۇرغۇچىلىرى ھىندىستاندا قايتا ئىپادە بىلدۈرۈپ، 11- ئايدا Tizen نى ھىندىستاندا بازارغا سالىدىغانلىقىنى ئېيتقان. كۆچمە ئالاقە ساھەسىدىكىلەر ئىزچىل Tizen ئەقلىي ئىقتىدارلىق يانفۇنىنىڭ بازار يۇشۇرۇن كۈچى ھىندىستاندا دەپ قارايدۇ. ھىندىستان ئوتتۇرا بۇرژۇئازىيىسىنىڭ تېز سۈرئەتتە تەرەققىي قىلىشىغا ئەگىشىپ، بۇ دۆلەتتىكىلەرنىڭ يانفۇن ئىشلىتىش مىقدارى كىشىنى ھەيران قالدۇرغۇدەك دەرىجىدە ئاشقان. ناھايىتى ئەۋزەل بازار ئەۋزەللىكىگە ئىگە، ئەمما ھىندىستاننىڭمۇ ئەقلىي ئىقتىدارلىق يانفۇن بازىرىنىڭمۇ رىقابەت كۈچى كۈنسېرى كۈچەيگەن. ئالدىنقى ھەپتە google ھىندىستاننىڭ يانفۇن ئىشلەپچىقىرىش شىركىتى Micromax Informatics بىلەن باھاسى 105 ئامېرىكا دوللىرىلىق Android ئەقلىي ئىقتىدارلىق يانفۇن ئىشلەپچىقىرىش توختامى ئىمزالىغان.
سامسۇڭ ئېلېكتىرونى لاھىيە مەركىزىنىڭ غەربىي جەنۇبىي ئاسىيا ئىشلىرى مەركىزىنىڭ مەسئۇلى مالىك «دۇنيا ئىقتىسادى» ژۇرنىلىنىڭ زىيارىتىنى قوبۇل قىلغاندا، گەرچە google نىڭ Android ى ۋە ئالمىنىڭ iOS سى ئەقلىي ئىقتىدارلىق يانفۇن بازىرىدا يېتەكچى ئورۇندا تۇرۇۋاتقان بولسىمۇ، ئەمما سامسۇڭنىڭ يەنە تېخىمۇ كۆپ تەرەققىيات پۇرسىتى بارلىقىنى بىلدۈرگەن. زىيارەت جەريانىدا مالىك Tizen نىڭ باھاسى ۋە سەپلىمىلىرىنى ئاشكارىلىمىغان.