| ئىسسىق سۇمۇ ئۈنۈملۈك دورا بولالايدۇ
زۇكام بولۇپ باش ئاغرىغاندا، لۆڭگىنى قايناق سۇغا چىلاپ، بوشراق سىقىپ تەكشى قاتلاپ، ئاغرىقنىڭ كۆز، بۇرۇن، باش ۋە بويۇنلىرىغا يەڭگىل بېسىپ بەرگەندە، باش ئاغرىقىنى يېنىكلەتكىلى بولىدۇ.
ھېق تۇتۇپ قالغاندا بىر يۇرتۇم قايناق سۇنى يەتتىگە بۆلۈپ يۇتۇپ بەرسە، ھېقنى توختاتقىلى بولىدۇ.
باشنىڭ يېرىمى ئاغرىسا، بىر داس ئىسسىق سۇغا ئىككى قولنى تەخمىنەن يېرىم سائەت ئەتراپىدا چىلاپ بەرسە، باش ئاغرىقى ئاستا-ئاستا يېنىكلەيدۇ.
مۈرە تالغاندا، ئىسسىق سۇغا ئازراق تۇز بىلەن ئاچچىقسۇ قوشۇپ، ئاندىن لۆڭگىنى چىلاپ سىقىۋەتكەندىن كېيىن، مۈرىگە بېسىپ بەرسە، مۇسكۇللار بوشىشىپ، مۈرە تېلىش يېنىكلەيدۇ.
شامالدارىش، سوغۇق تېگىش، ئۇزاق مۇددەت نەم، سوغۇق مۇھىتتا ياشاشتىن كېلىپ چىققان رېماتىزملىق بەل ئاغرىقىنى ھوردىنىش ئارقىلىق يېنىكلەتكىلى بولىدۇ. ئاغرىقنى ئۈستەلگە تۈز ياتقۇزۇپ توكلۇق ئىستاكانغا قايناق سۇ قۇيۇپ توكقا ئۇلاپ بەلگە ئۇدۇللاپ قويۇلسا، ئىسسىق ھور ئۈزلۈكسىز بەلگە تېگىدۇ. بۇ ئۇسۇل بىر مەزگىل داۋاملاشتۇرۇلسا، سوغۇقتىن بولغان ئاغرىققا داۋا بولىدۇ.
دورا ئىچىشنى ياخشى كۆرمەيدىغان كىشىلەر زۇكامداپ قالغاندا ئىسسىق سۇغا پۇتنى چىلاپ بەدەندىن تەر چىققۇچە تۇرۇپ بەرسە، بولسا سۇغا تۇز بىلەن ئاچچىقسۇ قۇيۇۋەتسە، يېنىك زۇكام ساقىيىپ كېتىدۇ.
ئازراق يېشىل چاينى ئىستاكانغا سېلىپ قايناق سۇ قۇيۇپ، ھورىدا كۆزنى بىر قانچە قېتىم ھورداپ بەرسە، يىڭنەئاسقۇغا داۋا بولىدۇ.
ئەگەر بەدەنگە ئۇششاق چىقان چىقسا، لۆڭگىنى ئىسسىق سۇغا چىلاپ چىقان ئۈستىگە بېسىپ بەرسە، چوقۇم ئۈنۈمى بولىدۇ.
قان بېسىم ئۆرلەپ كەتسە، ئىسسىق سۇغا پۇتنى چىلاپ بەرسە، تۆۋەنلەيدۇ.
(ساغلاملىق ۋاقتى گېزىتىدىن. ئۈرۈمچى كەچلىك گېزىتىدىن ئېلىندى)
|
|
شۆھرەت
تۆھپە
تىللا
قىزغىنلىق
ۋاقتى: 2014-9-13 21:25:25
