مائارىپ تەرەققىياتىدىكى ھەقىقىي توسالغۇ قايسى ؟

salkin11

مائارىپ تەرەققىياتىدىكى ھەقىقىي جىنايەتچى كىم؟

نۆۋەتتىكى يېڭى دەرىسلىك ئىسلاھاتىنىڭ دەۋر تەرەققىياتىنىڭ تەرەققىيات قەدىمىگە ماسلىشىش ئۈچۈن باسقان ھەربىر قەدەملىرىدە ئىلگىركى يىللارغا سېلىشتۇرغاندا كىشىنى تولىمۇ خۇشال قىلىدىغان بەزىي ياخشى بۆسۈشلەر بارلىققا كەلگەن بولسىمۇ ، ئەمما يەنە بەزىي نوقسانلىقلار كىشىنى تولىمۇ ئەجەپلەندۈرىدۇ ... مەسلىنىڭ زادى كىمدە ئىكەنلىكىنى ئىزدەيدىغان قىزىزىق نوقتا ئوبزورچىلىرىمىز كۈچنى بىر نوقتىغا يىغىپ شۇ بىچچارە ئۇرسىمۇ ، ھەتتاكى جاندىن ئۆتكۈدەك ھاقارەت قىلسىمۇ ئۈندىمەي شۇ ئەۋلاتلار ئۈچۈن بىر ئىزدىنىش ئىستىكى پۈككەنلەرگە قارىتىشى مۇمكىن ...
مەسىلە زادى نەدە ...
بۇ نوقتىغا قارىتا مەن ئوتتۇرغا قويمىساممۇ كۆپ ساندىكى مائارىپىتا ئىشلەيدىغان ، ھاياتىنى مائارىپ ئۈچۈن ئاتىۋەتكەن ئوت يۈرەكلىرىمىز دەرھاللا يەرلىك مائارىپ ئىدارىسى ھەقىقىي بۇنىڭ جاۋابكارى دەپ ئېنىق ئوتتۇرغا قويىشى مۇمكىن ...
مائارىپ ئەۋلات تەربىيلەيدىغان ، ياراملىق ئىزباسارلارنى جەمئىيەت ئۈچۈن تېخىمۇ كۆپلەپ تەربىيلەپ چىقىرىپ بېرىدىغان ئورۇن ... يەرلىك مائارىپ ئىدارىسى پەقەت نازارەتچى ۋە باشقۇرغۇچى ئەمەس ، بەلكى بۇنىڭغا قارىتا ئۆزى يېڭىلىق يارتىش ئۈچۈن ھەرقايسى جەھەتلەردىن ئىزدىنىش بۇرچىنى ئادا قىلىپ ، شۇ مەكتەپلەر ئۈچۈن باشلامچىلىق رولىنى ئويناپ بىرىدىغان ، ساغلام قەدەملىرى ئارقىلىق باشقىلارغا قارىتا ئۈلگە تىكلەشنىڭ دەسلەپكى ئاۋانگارتى بولۇشى ، ھەرگىزمۇ خىيانەتچى ، باشقىلارنىڭ چاپىنىدا تەرلەيدىغان مەجرۇغ ، باشقىلاردىن ئۆسۈمگە پۇل ئۈندۈرىۋالىدىغان جازانىخور كاپىتالغا ئايلىنىپ قالماسلىقى كېرەك ئىدى ... بىزنىڭ يۇرتىمىزنىڭ مىللىي مائارىپى مۇشۇنداق ئىستىداتلارنىڭ كۈچ چىقىرىشى بىلەن نۇرغۇن ئىلىم سۈيەر باغۋەنلەرنى ، ئەۋلاتلار ئۈچۈن بىر كىشلىك جاپالىق قان- تەرىنى ئاققۇزۇشقا تەييارلىق قىلىۋاتقان ، ئىزدىنىۋاتقان شۇ جاپاكەشلەرنى خورتىدىغان گۈزەل ئىلىم ماكان مارالبېشى ...
1 . ئويلاپ بېقىڭلار مائارىپ ئىدارىسى مەكتەپلەرنى باشقۇرىدىغان ، رەھبەرلىك قىلىدىغان ئورگان دەيمىز ، چوقۇم باشقۇرغۇچىلاردا باشقۇرۇش سەنئىتى بولۇش كېرەك ... ئىلمنىي توغرا باشقۇرۇش كېرەك ... يېقىنقى يىللاردىن بۇيان ئۈنۈم ئىش ھەققى دىگەن بىر « ئۆزىنىڭ يېغىدا ئۆز گۈشىنى قورۇپ بېرىدىغان » بىر تۈر قوشۇلغاندىن بۇيان يەنى ( ئومۇمىي مۇئاشىمىزدىن %20~%30) ھەر ئايدا تۇتىۋېلىپ يىل ئاخىرىدا بىرىدىغان شۇ پۇلنىمۇ ھەق يولىدا بىرىشكە قادىر بولمىسا ، ئىشلىمىگەنلەرمۇ ئوخشاش يۇقىرى نومۇردا ، بىچچارە ئەتىگىنى سەھەر كېلىپ كەچ ئوقۇغۇچىلىرىنى قويىۋېلىپ كۆز باغلانغاندا ئائىلىسىگە بىكار بولۇپ قايتىدىغانلارمۇ ئوخشاش ياكى ئۇنىڭدىن تۆەن نومۇر بىلەن باھالىنىپ ، ئەرزىم بارتى دىيىلسە ھېچقانداق ئەرىز – تەكلىپنى ئاڭلىمايدىغان بۇنداق مۇئاش ئوقۇتقۇچىلارنى قانداقمۇ ئويغۇتالىسۇن ... تېخىمۇ ئاز كەپ قالغاندەك شۇ شىلىۋالغان پۇلدىن يەنە كانتىلىۋېلىپ شۇ جاپاكەشلەر پۇلىنى خەجلەشنى بىلمەيدىغاندەك ... پۇلدىن كانتىلاپ ماڭسا ، بۇنىڭلىق بىلەن توختىسىغۇ بوپتۇ دىسەك ، ۋاقتىدا بېرىشتىمۇ يەنىلىكىم ئەزۋەيلەپ قانداق قاپقانلارنى قۇرۇپ ياۋاشلارنى يەنە ئىزدەپ تاپساق دەيدىغان ... ۋاقتىدا بىرەلمەيدىغان ...
2 . بىر مەكتەپ ئۆزلىرىنىڭ تەرەققىيات پىلانىنى تۈزۈپ چىقسا ئۇنى قوللاش ئەمەس ، بەلكى بۇنىڭغا قارىتا شەكىلۋازلىق قىلىپ يەنىلىكىم تۇسالغۇ پەيدا قىلىدىغان ...
3 . ئوقۇتۇش سۈپىتىنى ئۆستۈرىمىز دەيدۇ ، ئەمەلىيەتتە شۇ مەزگىللىك باھالانغان ئوقۇتۇش سۈپىتىنى راس شۇنداقمۇ ياكى بۇ بىر ساختا شەكىلمۇ ... بۇنىڭلىق بىلەن قىلچە ھېسابلىشىپ ئولتۇرمايدىغان پەقەت يۇقىرىنىڭ تىللىرىدىن ساقلانسا ، ئۆزلىرىنىڭ تىنىچ ئۇيقۇسى بۇزۇلۇپ كەتمىسە دەپ ئويلايدىغان ، يوچۇق تاپسىلا پۇل تېپىشنىڭ ، شۇ بىچچارە ئوقۇتقۇچىلارنى شىلىشنىڭ قەستىدە بولۇپ يۈرىۋاتقان شۇ بىكار تەلەپلەرگە ، ئىش بۇزارلارغا ئاپېرىن ئېيىتماي تۇرالمايمىز ...
بۇ نوقتىلارغا قارىتا ئېنىق ئىپادە بىلدۈرىدىغان قېرىنداش كەسىپداشلىرىم بەلكلىم ئاز بولۇشى مۇمكىن ... ھەتتاكى قىزىل پاچاقلىق قىلىپ مىنى سۆكۈپ شۇ بىچچارە بىكار تەلەپلەرنى ھەق ئىش قىلدى دەپ ئويلىشى مۇمكىن ... مەن زەربىگە ئۇچۇرغۇچى ئەمەس ... پەقەتلا كۆز ئالدىمكى بولىۋاتقان ، ئادىللىق يۈزسىدىن شۇ ئەۋلاتلار ئۈچۈن كۈچ قوشىۋاتقان بارچە ئوقۇتقۇچىلارنىڭ يۈرەك سۆزلىرىنى يىغىپلا قويدۇم خالاس ...
شۇ مائارىپ ئىدارىسىدىكىلەرگە شۇنداق دىگۈم كېلىدۇ ، ئەگەر ئىش ئۈنۈمدارلىقىنى ئاشۇرىمەن دىسە ، « ئۆز يېغىڭدا گۈشۇڭنى قورۇپ بېرىمەن » دەيدىغان شۇ پۇلنى جايىغا قايتۇرۇپ بېرىپ ، يېنىدىن مۇكاپات ئىش ئۈنۈم مۇئاشىنى تەسىس قىلىپ بەرسە ،
يەنە بىرگە شۇ ئىدارە تارماقلىرى ئۆز چۆنتىكىگە سېلىۋاتقان ئارقا ئىشىك قىلىپ ئارام ئالسام بۇلاتتى دەپ مەكتەپكە چىققىلى ئۇنماي يۈكىنى جاپاكەش ئوقۇتقۇچىلارغا ئارتىپ قويىۋاتقارنىڭ ئەكىرىپ بەرگەن پۇلىنى يانچۇققا سالماي شۇنداق كەسىپنى قەدىرلەپ مائارىپ ئۈچۈن يۈرەك تەرىنى سەرپ قىلىۋاتقان شۇ جاپاكەشلەرگە بەرسە نېمە بولار ... ھېلىمۇ بۇ مائارىپ ئىدارىسى دىگەن بۇ ھاڭنى تويدۇرۇپ بۇلالمىدۇق ، ئېلمىيلىككە باشلاپ ئەكىرىپ بۇلالمىدۇق ... يالغانچىلىقتىن ساقلانسۇن دەپ جار سېلىپمۇ ئوڭشىيالمىدۇق ... بىز ئەۋلاتلارغا سەمىمىيەت تەربىيسىنى بىرىمىز ، ئۆزىمىز چىن يۈرىكىمىزدىن يالىغانچى بولۇپ كەتسەك باشقىلارنىڭ مەسخىرىسىگە قالماسمىزمۇ ... بۇ تېمىنى قايسى قېرىندىشىمىز ئوقۇپ چىقار ... قانداق ئىنكاسلارنى بىرەر ... ياكى مېنى ئەيىپلەرسىلەر ...
ئىمكان بار ئۆزىمىزنى ئالدىمايلى ... بۇخىل ئەھۋالنى جەمئىيەت ئوقسۇن ... چۈشەنسۇن ... ئەۋلاتلار بىزدىن نەپرەتلەنمىسۇن كېيىنچە ... شۇ نوتىلىرىمىز جەمئىيەتكە چىققاندا ساغلام چىقسۇن ...
ئەپسۇس ساڭا مائارىپ ئىدارىسى ... شۇ قاتمال ، ئىشلىمەس كاللاڭ ، ئېچىلمىغان نېرىپلىرىڭ قاچانمۇ نورماللىشار ...

ئوغلانى

بۇ سۆز ئىنتايىن توغرا دەل جايىدا ئېيتىلغان . رەھمەت سىزگە قېرىندىشىم. سىز يۇقاردا سۆزلىگەن ئىشلار مائارىپ ساھاسىدە ھەقىقەتەن مەۋجۇت ئىشلار.  بۇ ئىشلار ھۆكۈمەتنىڭ كۆڭۈل بۆلىشى بىلەن ھامىنى ئەسلىگە كىلىپ قالىدۇ. ھەممە ئىشنى پۇلغا باغلىۋالىدىغان بىرقىسىم سەۋيەسى تۈۋەن مەكتەپ مەسئۇللىرىنىڭ سەۋەبىدىن بولۇپ قالغان ئىشلار لېكىن كۆپ ساندىكى مەكتەپلەردە بۇنداق ئىشلار يوق دەپ قارايمەن.

salkin11

ئوغلانى يوللىغان ۋاقتى  2014-1-30 13:56
بۇ سۆز ئىنتايىن توغرا دەل جايىدا ئېيتىلغان . رەھمەت سىز ...

بۇمۇ نۆۋەتتىكى باشقۇرغۇچىلىرىنىڭ باشقۇرۇش سەۋىيەسىنىڭ تۆۋەن بولۇش سەۋەبىدىن مۇشۇنداق خۇنۇك ئىشلار كېلىپ چىقىدۇ ... ھەتتاكى بەزىي باشقۇرغۇچىلىرىمىزنىڭ ئېڭىدا تېخى ئويغۇنۇش يوق ، مەسئۇلىيەتتىن قېچىپ يۈگەن ئارقىلىق باشقۇرۇش ، بۇ كونا دەۋرنىڭ شۇلارنىڭ كاللىسىنىڭ ساقلىنىپ قالغان قاتماللىق ... راسىت دىگەن مەن بەزىي ناھىيەلەردىكى باشقۇرغۇچىلىرىمىزنىڭ باشقۇرۇش سەنئىتىگە تولىمۇ قايىل ، ئۇلاردا سەۋىيە بار ، كاللا ئېچىلغان ، ھەرگىز روھىيەتنىڭ قوللىرى ئەمەس ... شۇنداق ئەركىن تەپەككۈر قىلىدۇ ، ھەتتاكى شۇ ئورۇندىكى جاپاكەش ئەزىزلىرىمىزنىڭ ئەۋلات تەربىيلەش تەتقىقاتىدا كىشىنى ھاياجانغا سالىدىغان يېڭى نەتىجىلەرنى كۈرۈپ ئۆتەلەيمىز ... ئەمما ، مەن بۇ يەردە ئۆز يۇرتۇم مارالبېشىنى سۆككۈم يوق ... سۇنىڭ بېشى لاي بولسا ئاخىرىمۇ لاي دىگەندەك قابىلىيەتسىز باشقۇرغۇچىلىرىمىز قابىلىيەتسىز ئەمەس ، روھىيىيىتىدىكى قولچىلىق ئىدىيسىنىڭ يۈگەنلىرىنىڭ شۇلارنىڭ ئىدىيسىنى بوغۇلۇپ قېلىشىدىكى تۈپكى سەۋەب ... ئۇنىڭ ئۈستىگە ئاپتونۇم رايون بويىچە ئەڭ پارخور ئەمەلپەرەس ئورۇن دىگەن ئاتىغىنى كىشىنى تولىمۇ تەئەججۇپ قىلىپ قويىدۇ ...

تەلۋە

مانا بۇ دەل جوڭگۇچە ئالاھىدىلىككە ئىگە زامانىۋىي مائارپ.
تېما ئىگىسىگە رەھمەت.

akpar12307

ئىنتايىن چوڭقۇر ئەھمىيەتلىك بىر تېما بوپتۇ ،رەھمەت سىزگە ، دېمىسىمۇ ھازىر مائارىپ ساھەسىدە بۇنداق ئىشلار بەك ئەۋىج ئېلىپ كەتتى ، ھېچقانداق خىزمەت قىلمايدىغانلار يىللىق سىناپ تەكشۈرۈشتە ئەڭ يوقىرى نومۇرنى ئالغان ، كىچىسى بىر ۋاقىتلارغىچە تاپشۇرۇق تەكشۈرەپ ، ئەتىسى تاڭ سەھەر بىلەن ئىشقا بېرىپ، گۇگۇم چۈشكەندە ئىشتىن چۈشىۋاتقان ئوقۇتقۇچىلار بولسا يىللىق سىناپ تەكشۈرۈشتە بىر يەردىن پۇتاق چىقىرىلىپ ناھەق ئەيىپلىنىپ ، ئاشۇ ئۈنۈم مۇئاشىنى قولىغا تولۇق ئالالمايۋاتىدۇ .. سىزنىڭ بۇ تېمىڭىزنى ئاشۇ رەھبىرى كادىرلار بىر كۆرسىدى بەلكىن تۈزۈلۈپ قالار بولغىيتى .. رەھمەت سىزگە جاپا چېكىپسىز ...

زەپەر

بۇ ئىنتايىن توغىرا . مەن ئويلايمەن :مائارىپ سېپىدىكى ھەقىيقى جىنايەتچى بولسا . شۇ مائارىپ ئىدارىسىدىكى ئۇقۇ- ئۇقۇتۇشتىن پەقەتلا خەۋرى يوق .ئىدارە باشلىقى ۋە شۈجىيلەردە دەپ ئويلايمەن . بۇلۇپمۇ بىزنىڭ خۇتەن ۋىلايىتىنىڭ قاراقاش ناھيىسىدە 2013- يىلى يىل بېشىدىن باشلاپ مائارىپنى ، مائارىپ ئىدارىسى تۇتماي . پەقەتلا يېزا - بازارلارغا چۈشۈرۈپ بەردى 2013- يىلى 6- ئايدىن باشلاپ گۇما ناھيىسىمۇ مائارىپنى شۇ يېزا بازارلارغا ئۆتكۈزۈپ بەردى .  ئاڭلاشلارغا  قارىغاندا پات ئارىدا  نىيە ، كېرىيە ،چىرا ،  خۇتەن ناھيىسى . لوپ ناھيىللىرىدىمۇ  مائارىپنى شۇ ئۇرۇندا تۇرۇشلىق يېزا بازارلارغا ئۆزكۈزۈپ بىردىكەن ، مائارىپ ئىدارىسى پەقەتلا ئۇقۇ- ئۇقۇتۇشنى تەكشۈرۈپ يىتەكچىلىك قىلىش خىزمىتىنى ئىشلەيدىكەن . قاراقاش ناھيىسىدىمۇ شۇنداق بۇلىۋاتىدۇ . مائارىپ ئىدارىسىنىڭ ئاساسەن رۇلى يوق دىيەرلىك ، پۈتۈن ھۇقۇق يېزا بازارلاردا بۇلۇپ كەلدى  بىز ئۇقۇتقۇچىلارغا ، مائارىپ ئىدارىسى ئىگە بۇلالماي ، كادىرلار خىزمىتىنى ، مالىيە خىزمىتىنى يېزا بازارلار باشقۇرۇپ كىلىۋاتىدۇ ، مائارىپ دىگەن ئادەم تەربىيلەيدىغان كەسپىي ئۇرۇن ئىدى ، ئەپسۇس بىزنى مائارىپ باشقۇرماي يېزا بازارلار باشقۇرۇپ پۈتۈن ھۇقۇقنىڭ 90% شۇ يېزا بازارلاردا بۇلىۋاتىدۇ .يېزا بازارلارنىڭ ئۇقۇ- ئۇقۇتۇش ئىشلىرى بىلەن پەقەتلا كارى يوق ، ئۇلار ھە دىسىلا تۇلا يېغن ئاچماق . مەكتەپلەرنىڭ تازىلىق مۇقۇملۇق خىزمەتلىرىنى چىڭ تۇتۇش ئىشلىرى بىلەن بۇلىۋاتىدۇ .
تېخى بىزنىڭ خۇتەن ۋىلايىتىدە بەزى ناھيىنىڭ ئۇيغۇر ھاكىمىنى شۈجىي قىلىپ سايلاش ، شۈجىيسىنى ھاكىم قىلىپ سايلاپ  ئىشلەتتى  .بىزنىڭ قاراقاش ناھيىمىزدىمۇ  بەزى يېزىلارنىڭ شۈجىيسى ئۇيغۇر ، شاڭجىڭى بولسا خەنزۇلاردىن بىكىتىلدى  . پات - ئارىدا ھەممىسى شۇنداق بۇلىدىكەن  . ئۇيغۇرلار سىياسىي خىزمەتنى تۇتىدىغان ،خەنزۇ كادىرلار بولسا ئىختىزاتنى تۇتىدىغان ئىشلانىڭ بۇلىشى  مۇقەرەر گەپ  چۈنكى ئىككى باشلىقنىڭ ئۆرنى ئالماشتىدە . مەن ئويلايمەن بۇ خىل ئەھۋال بولسا مىللىي تىروتىيلىك ئاپتۇنۇممىيە قانۇنىغا تۈپتىن خىلاپ ، قانۇننى تۈزۈپ قۇيۇپ ، ئۇنى ئىجىرا قىلمايدىغان ئەھۋاللارنىڭ ھەممىسى پۈتكۈل ئۇرۇندا بۇلىشى مۇمكىن  . شۇڭا قانۇننى تۈزگەن ئىكەن ئۇنى ئىجىرا قىلىدىغان ئۇرۇنلارمۇ بولسىدى، بىز ئۇقۇتقۇچىلارنىڭ ئۇقۇتقۇچىلار قانۇنىمىز بار ناھايتى مۇكەممەل . بىراق ئۇنى ئىجىرا قىلىدىغان ئۇرۇن يوق . ھەر بىر قانۇننى تۇلۇق ئىجىرا قىلىدىغان ئۇرۇنلار بارلىققا كەلگەندە چۇقۇم بۇ ئىشلار ئۆڭشىلىدۇ .
شۇنداق مائارىپنى تۈتىدىغانلار تۇتماي يېزا بازارلارغا ئۆتكۈزۈپ بەرگەچكە  مائارىپتىكى ھەقىيقى جىنايەتچى . شۇ يۇقىرى دەرىجىلىك ئۇرۇنلار دىكى رەھبىرى كادىرلار دەپ قارايمەن ، ئۇقۇتقۇچىلاردا پەقەتلا مەسىلە يوق . تېخى بەزى ئۇقۇتقۇچىلارنى يېزا بازارلارغا ئارىيەت ئەپ چىكىتىپ يېزىلاردا خىزمەتكە سالىدىغان ،يېزىلاردىكى كادىرلارنى قۇياپ بىرىدىغان ناچار ئەھۋاللار ساقلىنىۋاتىدۇ . بۇ توغىرلىق خۇتەن    ۋىلايەتلىك پارتىكوم ، ئىنتىزام تەكشۈرۈش ، مالىيە ئىدارىسى ، رىۋىززىيە قاتارلىق ئۇرۇنلار بىرلىشىپ ئۇلارنى قايتىپ ئۆز خىزمەت ئورنىغا چۈشۈش توغىرسىدا مۇناسىۋەتلىك ھۆججەتلەرنى تارقاتقان بولسىمۇ  يەنىلا ئۇلار ئۆز خىزمەت ئورنىغا قايتىپ كەلمىدى . ۋىلايەت تەكشۈرگەن بولسىمۇ يېزا بازارلار ئىشقىلىپ - ئەپلەپ -سەپلەپ تۇلۇق قاتتى. دەپ، ئۆتكۈزىدىكەن . ئۇ تەكشۈرگىلى كەلگەنلەر ئۇقۇتقۇچىلار بىلەن بىرۋاستە ئەھۋاللاشماي ، يېزىلارغا كىرىپ  يېزا باشلىقى ۋە شۇ يېزىدىكى ئوتتۇرا - باشلانغۇچ  مەكتەپ مۇدىرنىڭ گىپى ئارقىلىق باھا بىرىدىكەن . يېزا - بازارلارنىڭ شۈجىي ۋە شوجاڭلىرى بولسا جان ساقلاشنىڭ كۇيىدە خىزمەت قىلىۋاتىدۇ ، ئۇلارمۇ ئىككى تاشنىڭ ئوتتۇرسىدا قېلىپ خىزمەت  ئىشلەۋاتىدۇ . يۇقىرى دەرجىىلىك ئۇرۇنلاردىن كەلگەن  تەكشۈرگۈچىلەر بولسا خەۋەر قىلىپ قويماي يېزا بازارلارغا بېرىپ تەكشۈرسە ئاندىن ھەقىيقى ئەھۋالنى بىلەتتى . ئۇلار تەكشۈرۈشنى ئالدى بىلەن ناھيىگە خەۋەرلەندۈرۈپ قۇيدىكەن ، ناھيە يېزا - بازارلارغا خەۋەرلەندۈردىكەن . ھەممەن يېزىلارنى تۇلۇق تەكشۈرۈپ كەلمىگەنلەرنى ئىنىقلىمايدىكەن شۇنداق بولغاچقا ئۇقۇتقۇچىلار مائارىپتا ئىشلىمەي ، باشقا ئۇرۇنلاردا ئىشلەيدىغان ئەھۋاللار ئىنتايىن ئېغىر . شۇنداق بولغاچقا مائارىپتىكى ھەقىيقى جىنايەتچى بولسا شۇ يۇقىرى دەرىجىلىك  ئۇرۇنلاردىكى بىر قىسىم ئىختىدارسىز كىشىلەردە دەپ قارايمەن . تۈمۈرچى تۈمۈرچىلىكىنى قىلىش كىرەك ،ئۇقۇتقۇچى - ئۇقۇتقۇچىلىقىنى قىلىپ ئادەم تەربيلەش كىرەك . يېزا بازارلار دىھقانلارنى باشقۇرشى ، مەكتەپلەرنىڭ كادىرلار خىزمىتىگە  ،مالىيە خىزمىتىگە ئارلاشماسلىقى كىرەك ئىدى . قىسقىسى مائارىپنى چۇقۇم مائارىپ ئىدارىللىرى بىرۋاستە باشقۇرغاندا ئاندىن ئۇقۇ- ئۇقۇتۇش خىزمىتىدىن ئېغىز ئاچقىلى بۇلىدۇ . بۇنى چۇقۇم  ھەر قايسى ۋىلايەت ، ناھيىلەردىكى مەن مائارىپچى دىگەن يولداشلار تۇلۇق چۈشۈنۈپ يىتىشى كىرەك بولغان مۇھىم مەسىلە . بولدىلا گەپنى مۇشۇ يەردە توختىتاي.......
قىسقىسى :مائارىپنى مائارىپ ئىدارىللىرى بىرۋاستە تۇتقاندا بۇ خىل ئەھۋاللار ئوڭشىلىشى مۇمكىن ، ئۇقۇتقۇچىلارنىڭ پۈتۈن ئارزۇ -تەلەپلىرىمۇ مائارىپ ئىدارىللىرى تۇتقان بولسا دەيدىغان ئارزۇ ئۈمۈدلىرى بار . بىز ئۇقۇتقۇچىلارنى ھال ئەھۋالىغا يىتىدىغان ئۇرۇنلارمۇ چىقارمۇ ؟!      

تېلماچ

مائارېپ ئېدارىسى جىنايەتچى بولسا،جەميەتتە ئوقۇتقۇچىلار ئورنىنىڭ تۆۋەنلىگى مائارىپ تەرەقىياتىدىكى يەنە بىر توقال

گۈلزار

بۇ مەسىلىنى ئويلاپ كەلسەك   جىنايەتچى مۇشۇ  يەردىكى   ئۆزىنى ئوقۇتقۇچى دەپ ئاتايدىغان  ئۇستازلارنىڭ  ھەممىسى بولىدۇ . بىزدە دائىم مەسۇليەتنى باشقىلارغا ئارتىپ قويىدىغان يامان ئىللەت بار . مەن ئويلايمەن يوقۇرى دەرىجىلىك مائارىپ تارماقلىرى بىزگە بۇيرۇق بەرگەن بىلەن ھەر ۋاقىت بىز بىلەن بىرگە ئەمەس . ئۇلار پەقەت بۇيرۇقلا چۈشۇرىدۇ خالاس . بىز بولساق ئەمىلى خىزمەت ئىشلەيمىز  شۇڭا بىز  ھەر بىرىمىز ئۆزىمىز    ئۈستىدە ئويلانساق ھەم ئۆز خىزمىتىمىزنىڭ ھۆددىسىدىن تولۇق چىقساق . مەسئۇليىتىمىزنى تولۇق ئادا قىلساق . ئوقۇغۇچىلارغا ئەستايىدىل بولساق ، ئوقۇغۇچىلارغا ئۆزىمىزنىڭ ئۆرۈپ - ئادىتى ۋە  تارىخى توغرىسىدا تەربىيە بەرسەك ،  ۋاقىت ئۆتكۈزۈش ئۈچۈن ئەمەس بەلكى پەرزەتلىرىمىزگە بىلىم بېرىش ئۈچۈن خىزمەت قىلساق ئىشىنىمەنكى  مائارىپىمىزنىڭ كەلگۈسى پارلاق بولغۇسى .
مۇنداق دىسەم بۇ باشلىق ئوخشايدۇ دەپ قالماڭ . مۇنداق دىيىشىمدىكى سەۋەپ   « ئىتلار قاۋاۋېرىدۇ ، كارۋان يولىغا مېڭىۋېرىدۇ » دىگەندەك  سىز قانچىلا قاقشىغان بىلەن بەرىبىر . شۇڭا ھەممىمىز ئۆز خىزمىتىمىزگە پۇختا بولۇپ مەسئۇليىتىمىزنى ئادا قىلىشىمىز كېرەك .

YUEYUE459

رەھمەت   دوستۇم  ، سىزدەل  مىنىڭ   ئويلىغانلىرىمنى    ھەقىقى   شەرىلەپسىز  ،  دىمىسىمۇ    ئاشۇ  ناچار  قىلىقلارغا   ئادەمنىڭ   ئىچى   كۈپىدۇ  .

salkin11

گۈلزار يوللىغان ۋاقتى  2014-1-30 20:58
بۇ مەسىلىنى ئويلاپ كەلسەك   جىنايەتچى مۇشۇ  يەردىكى   ئۆ ...

سىزنىڭ دىمەكچى بولغىنىڭىزدەك سەۋەنلىكنى ئوقۇتقۇچىلاردا قويۇشقا بولمايدۇ ... ئەگەر ئوقۇتقۇچىلاردا قويۇپ قويۇشقا توغرا كەلگىنىدە مائارىپ ئىدارىسى پەقەتلا بۇيرۇق چۈشۈرىدىغان قۇرۇق جازىغا ئايلىنىپ قالمامدۇ ... مەكتەپ تارماقلىرى ئەمدى بىر يېڭى ئوقۇتۇش تەرتىۋىدىن بىرنى ئوتنىتىپ ئوخشىمنىغان شەكىللەر ئارقىلىق مەكتەپ ئەھۋالىغا ئاساسەن ئوقۇتۇش سۈپىتىنى يۇقىرى كۆتىرەيلى دىگەن ئوي ئوتتۇرغا چىقار- چىقمايلا مەكتەپتە ئايرىم جىسەكچىلىرى بار مائارىپ ئىدارىسىنىڭ شۇ ھاماندا مىنۇت- سېكونىت ئۆتمەي ئىدارىدىن تېلىفون كېلىپ بولىدۇ ... بىزنىڭ ئورۇنلاشتۇرغىنىمىزدىن باشقا يول تۇتۇپ ئىش قىلىشىڭلارغا بولمايدۇ ... بىزنىڭ ئورۇنلاشتۇرغىنىمىز مەيلى توغرا بولسۇن ، ياخشى خاتا بولسۇن شۇنى قىلىسىلەر دېگەن بىر بۇيرۇق كېلىدۇ ... بىز شەكىلگە ئىش قىلامدۇق ... شەكىل ئارقىلىق ئوقۇتۇش ئېلىپ بېرىش بىر قول چىلىقنىڭ بىشارىتى ئەمەسمۇ ... نىمە دېگەن بىچچارىلىق ... بىزدە دادىل ، مۇستەقىللىق يوقمۇ ... ئىدارە مۇشۇنداق قىلىپ بەرگەنسېرى ئارىدىكى يېڭىلىق يارتىش ئىقتىدارى بولغان مەكتەپ باشقۇرغۇچى ئوقۇتقۇچىلار ھېچ ئىش قىلالمايدىغان قۇرۇق بىر جازىغا ئايلىنىپ قېلىۋاتقان ... مائارىپ ئىدارىسىنىڭ يىۈراقنى كۈرەرلىكى مۇشۇ بولسا كېرەك ...
ئەڭ قىززىق يىرى ... ئالدىنقى يېلى يۇقىرى دەرىجىلىك ئورۇنلارنىڭ قىزىل باشلىق ئورۇنلاشتۇرۇش چۈشۈرشى بىلەن سىنىپ مۇدىرلىق پۇلى ئەمەلدىن قالدى ، يۇقىرىدىن پۇل چۈشمىگىچە بېرىشكە بولمايدۇ دىگەن بىر بۇيرۇق چۈشسە ... مائارىپ ئىدارىسى بۇنىڭغا مۇخالىپ ھالدا بېرىۋېرىمىز دېگەن ئۆز قارشى بويىچە بىر يىل گەپسىز بېرىپ كېلىۋاتقان ... بۇنداق قىلىشىمۇ مەكتەپلەردىكى ھەرقايسى سىنىپلارنىڭ شۇ سىنىپ مۇدىرلىرى ئارقىلىق باشقۇرۇپ مەكتەپ ئوقۇ- ئوقۇتۇش ئىشلىرى ئۈچۈن كەم بولسا بولمايدىغان ئالدىنقى شەرتنى ئورۇنداپ ماڭالايدۇ ... ئەمما ، ئاقىۋەت قانداق بولدى ... يىل ئاخىرىدىكى « ئۆز يېغىڭدا گۆشىڭنى قورىيمەن » دېگەن ھەر بىر ئوقۇتقۇچىنىڭ شۇ بىچچارە پۇلىدىن 570 يۈەندىن تۇتۇپ قېلىپ بۇنىڭ ئ.ورنىنى تولۇقلاپتۇ ... دەسلەپ قانداق قىلىمىز دەپ يۇقىرىغا يوللاپتىكەن يۇقىرى دەرىجىلىك ئورۇنلار ناھىيەلىك مائارىپ ئىدارىسىنى ئەيىپلەپتۇ ...
سىز ئەستايىدىل ئويلىنىڭكى ، مۇشۇ ئ.اددىي بىر ئىشتىنمۇ كۈرىۋېلىشقا بولىدۇكى ، مەسىلە مائارىپ ئىدارىسىدا ...
ئويلاپ باقمامسىز ... يېقىنقى مەزگىللەردە ئوقۇتۇش سۈپىتىنى ئاشۇرىمىز دەپ ئاپتونۇم رايونلۇق تەجىرىبە ئوتتۇرا مەكتەپنىڭ ئىمتاھان سوئالىنى ئەكەلدۈرۈپ ئوقۇغۇچىلاردىن مەۋسۇملۇق ئىمتاھان ئېلىشنى مەكتەپ ئويلاشقان ، ئەمما مائارىپ ئىدارىسى ئوقۇتۇش- تەتقىقات ئىشخانىسى ئۆزىمىز سوئال ئامبىرى قۇرۇپ چىقىمىز دەپ پۈتۈن مەكتەپتىكى بارلىق ئوقۇتقۇچىلاردىن سوئال چىقىرىپ بېرىش تەلىۋىنى ئوتتۇرغا قويدى ... بىر تەتقىقات ئىشخانىسى بولغاندىكىن ئاۋۋال ھەرقايسى مەكتەپلەرنى بىر قېتىم ئارلىۋېتىپ ئوبىكتىپ تەكشۈرۈش ئېلىپ بېرىپ بولغاندىن كېيىن ئاندىن ئۆزىمۇ ئايرىم كۈچ تەشكىللىيەلەيدۇ ... شۇ چىقارماقچى بولغان سوئالنى ئەستايىل چىقىرىپ مەكتەپلەرگە قارىتا تەمىن ئىتىپ بەرمەمدۇ ... ئەمەلىيەتتە سوئال مەكتەپكە كەلدى ... چىقىرىش تەرتىۋى شۇنداق رەتسىز ... قالايمىقان ... قانداق ھەجىم ، قانداق شەكىلدە چىقىرىلغاندىلىكىگە قارىماي چىقىرىۋېرىپتۇ ... بىر مەۋسۇملۇق ئىمتاھان سوئالى چىقىرىپ دىسە يىللىق پۈتۈن دەرىستىن ئىمتاھان سوئال چىقىرىپ سېلىققا بىزگە يوللاپ بەرسە ... شۇ قاملاشمىغان سوئالىنى تېخى مەكتەپلەرگە ساتىدۇ ... مۇشۇنداق كېتىۋەرسە قانداق مەكتەپلەرنىڭ ئوقۇتۇش سۈپىتى ئاشىدۇ ... مەكتەپلەردە ھېچقانداق ئىتىيارلىق يوق ... سىز دىگەندەك مەكتەپلەردىمۇ شۇنداق بىكار تەلەپلەر باردۇ ... قبۇ بىكار تەلەپلەر ئاخىرى قانداق بولدى شۇ بىچچارە مائارىپ ئىدارىسىنىڭ جاسۇسىغا ۋە بىچچارە قوللىرىغا ئايلىنىپ كەتتى خالاس ... ئەمما ئوقۇتقۇچىلار دىگەندەك مەسىلە يوق ... ئۇلاردىكى مەسلىنى ئوڭشاپ كەتكىلى بولىدۇ ... ئەگەر يوچۇقنى دىسەك ئىدارىنىڭ شۇ مەكتەپلەر ئالدىدىكى جاۋابكارلىقى بەكلا كۆپ ، سۆزلەپ تۈگۈتۈپ بولمايدۇ ... ئوقۇتقۇچىلارنى شۇنداق قىلىپ قويغان مائارىپ ئىدارىسىدىكى شۇ بىكار تەلەپلەر ...