ئىدىيە – سىياسىي دەرسىنىڭ ئەخلاقىي تەربىيە ئېلىپ بېرىشتىكى

salkin11

ئىدىيە – سىياسىي دەرسىنىڭ ئەخلاقىي تەربىيە ئېلىپ بېرىشتىكى رولى توغرىسىدا

ئىدىيە_ سىياسىي دەرسى ئوتتۇرا مەكتەپلەردە ئوقۇلىدىغان ، ئوقۇغۇچىلارغا ماركىسزم ، لېنىنىزم ، ماۋزېدۇڭ ئىدىيسى ھەققىدە ئاساسىي ساۋات ، سوتسىيالىزم ۋە سىياسىي ، ئىدىيە ، ئەخلاق تەربىيسى ئېلىپ بارىدىغان مۇھىم دەرس . ئۇ ئوقۇغۇچىلارنىڭ توغرا سىياسىي يۆنىلىش تىكلىشىگە يارىدەم بېرىدۇ . ئوقۇغۇچىلاردا سوتسىيالىستىك ئىدىيە- ئەخلاق يېتىلدۈرۈشتە ئۇل سېلىش رولىنى ئوينايدۇ . شۇڭا ، ئۇ ئوتتۇرا مەكتەپلەردە ئەخلاقىي تەربىيە ئېلىپ بېرىشنىڭ ئاساسىي يوللىرىدىن بىرى .
ئوتتۇرا مەكتەپ ئوقۇغۇچىلىرىنىڭ ئەخلاقىي پەزىلىتىنى توغرا يۆنىلىشكە سېلىشتا تۆۋەندىكى بىرقانچە تەرەپكە ئەھمىيەت بېرىش ئىنتايىن مۇھىم .
1 . ئوقۇغۇچىلارغا بىلىم بىرىش بىلەن ئۇلارنىڭ ئەمەلىي ھەركەت ئىقتىدارىنى تەڭ يېتىلدۈرۈشكە ئەھمىيەت بېرىش كېرەك .  بۇ ئىدىيۋى پەزىلەت تەربىيسىدە ھەم سېستىمىلىق ئەخلاق بىلملىرى بېرىشكە ھەم ياشلار ، ئۆسمۈرلەرنى ئەخلاق ھەركىتىگە تەشكىللەشكە ئەھمىيەت بېرىپ ، نەزەرىيە بىلەن ئەمەلىيەتنى ، ئىدىيە بىلەن ھەركەتنى بىرلەشتۈرۈپ ،قائىدىنىمۇ چۈشەندۈرۈش ، ھەركەتكىمۇ يېتەكچىلىك قىلىشنى كۆرسىتىدۇ . شۇنداق قىلغاندىلا ئوقۇغۇچىلارنى بىلىم بىلەن ھەركەتنى بىرلەشتۈرگەن ، سۆزى بىلەن ھەركىتى بىردەك بولغان بىر ئەۋلاد يېڭى كىشلەردىن قىلىپ يېتىشتۈرگىلى بولىدۇ .
2 . ئۈلگە ئارقىلىق يېتەكلەشكە ئەھمىيەت بېرىش كېرەك . بۇ باشقىلارنىڭ ئېسىل ئەخلاقى پەزىلىتى ۋە ئۈلگىلىك سۆز- ھەركىتى ئارقىلىق تەربىيلەنگۈچىلەرگە تەسىر كۆرسىتىش ئۇسۇلى . بۇ ئۇسۇلنىڭ ئالاھىيدىلىكى شۇكى ، ئۇ ئەخلاقى ئۈلگىسىنىڭ سۆز- ھەركىتى ، ئىدىيۋى- پەزىلىتى ، پائالىيىتى ۋە ئۆسۈپ يېتىلىش جەريانى ئارقىلىق مۇئەييەن جەمئىيەت ، سىنىپنىڭ ياش- ئەۋلادلارغا قويغان تەلىپى ۋە ئوقۇغۇچىلارنىڭ ئۆسۈپ يېتىلىش ئۆلچىمىنى ئىلگىرى سۈرىدۇ ۋە رېئاللاشتۇرىدۇ . ئۈلگە ئارقىلىق تەربىيلەشنىڭ مۇھىملىقى ئاساسەن ئوقۇغۇچىلارنىڭ سۆز- ھەركىتى ۋە ئەمەلىي ھەركەت پائالىيىتىنى كۆرسىتىپ بېرىپ ، ئۇلارنىڭ توغرا ئەخلاق ھەركىتىنى شەكىللەندۈرۈشكە ئىلھامدۇرۇشتىن ئىبارەت .
3 .  ئوقۇتقۇچى دەرس سۆزلەش جەريانىدا ئوقۇغۇچىلاردا مۇئەييەن بىلىم ئىگەللەش ئۆلچىمى ۋە مۇئەييەن ئەخلاقىي پەزىلەت يېتىلدۈرۈش نىشانى تۇرغۇزۇشقا ئەھمىيەت بېرىشى كېرەك . شۇنداق نىشاننىڭ توغرا ، يۈنىلىشىنىڭ تۈزبولۇشىغا دىققەت قىلىشى زۆرۈر .
4 . تەقدىرلەش بىلەن تەقدىرلەشنى بىرلەشتۈرۈپ مەشىق نەتىجىسىنى مۇستەھكەملەش كېرەك . ئوقۇتقۇچى ئىدىيە- سىياسىي دەرسىنى سۆزلەش جەريانىدا نوقۇل ھالدا بىلىم يەتكۈزۈپ بىرىشكە ، يەتكۈزۈلگەن بىلىملەردىن نەزەرىيىۋى قايىتما ئىنكاس ئېلىشقا ئەھمىيەت بېرىش بىلەنلا بولۇپ كېتىشتەك بىر تەرەپلىمە تەربىيە ئۇسۇلىدىن ساقلىنىپ ، ئوقۇغۇچىلارنىڭ ئەخلاقىي ئىرادىسى ، ئەخلاقىي ھەركىتى ئەخلاقىي ھېسسىياتى ، ئەخلاقىي بىلىشى قاتارلىقلارنىڭ تەرەققىيات ئۆزگىرشىگىمۇ يېقىندىن دىققەت قىلىپ ، ھەربىر دەرس مەزمۇنىنىڭ قايسى خىل پەزىلەت يېتىلدۈرۈشكە پايدىلىق ئىكەنلىكىنى سەزگۈرلۈك بىلەن بايقاپ ۋە چۈشەندۈرۈپ ، نىشانسىز ئوق ئېتىپ ، ھېچنىمىگە ئېرىشەلمەسلىكتەك قويۇپ قويۇش شەكلىدىكى ئوقۇتۇش ئېلىپ بېرىشتىن ساقلىنىش ھەمدە بۇ جەرياندا بارلىققا كەلگەن ياخشى ھەركەت ، ياخشى تىپ ، ياخشى نەتىجىلەرنى ئالدىن كۈرەرلىك بىلەن بايقاپ ۋاقتى- ۋاقتىدا تەقدىرلەپ ، ئۈلگە تىكلەشكە ئەھمىيەت بېرىشى كېرەك .