ياز پەسىلىدە ئارامسىزلىنىشنىڭ پەيدا بولۇشى كالىي كەملىك

salkin11

ياز پەسىلىدە ئارامسىزلىنىشنىڭ پەيدا بولۇشى كالىي كەملىك بىلەن مۇناسىۋەتلىك
ياز پەسىلىدە بىر قىسىم كىشىلەرنىڭ پۇت- قوللىرى ماغدۇرسىلىنىپ ، ئىشتىھاسى تۇتۇلۇپ ، ئىسسىققا بەرداشلىق بىرىش كۈچى ئاجىزلاپ ئاسانلا ئىسسىق ئۆتۈپ كېتىش ئەھۋاللىرى كۆرۈلىدۇ . بۇ ، ياز پەسىلىدە ئارامسىزلىنىش دەپ ئاتىلىدۇ . ياز پەسلىدە ئارامسىزلىنىشنىڭ پەيدا بولۇشى كالىي كەملىك بىلەن مۇناسىۋەتلىك .
كالىي ئاساسلىقى ھۈجەيرىلەرنىڭ ئىچكى قىسمىدا مەۋجۈت بولۇپ ، ئۇ ھۈجەيرە سىرتىدىكى ناتىرىي بىلەن ھۈجەيرە ئىچى- سىرتىنىڭ نورمال بېسىمى ۋە كىسلاتا - ئىشقارلىق دەرىجىسىنى تەڭشەش رولىنى ئۆتەيدۇ . يازدا ھاۋا ئىسسىق بولغاچقا ئادەمدىن تەر كۆپ چىقىپ ، بىر قىسىم كالىي ئېلمېتى ئاسانلا خۇراپ كېتىدۇ ھەم كالىي كەملىك پەيدا قىلىدۇ . شۇڭا ، يازدا كۈندىلىك يېمەك- ئىچمەكتە پۇرچاق تۈرىدىكىلەر ۋە ئۇنىڭدىن ياسالغان يېمەكلىكلەر ، تاتلىق بەرەڭگە ، بانان ، تاۋۇز قاتارلىق تەركىبىدە كالىي مول بولغان يېمەكلىكلەرنى كۆپ ئىستېمال قىلىش ئارقىلىق كالىي تولۇقلاپ تۇرۇشى لازىم . ئۇنىڭدىن باشقا ، ھەر كۈنى ئاز مىقداردا كۆپ قېتىم چاي ئىچىپ بېرىش ئارقىلىقمۇ كالىينى تولۇقلاش مەقسىتىگە يەتكىلى بولىدۇ .