◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

ئىرادىسىز بالىلاردا بولىدىغان ئىپادىلەر : قورقۇنچاقلىق ، مۇستەقىل ئىش قىلالماسلىق ، باشقىلارغا زىيادە يۆلۈنۈۋېلىش .
ئىرادىسىزلىق بالىلارنىڭ  كېيىنكى تۇرمۇشى ۋە ئىشلىرىنىڭ ئىلگىرى بېسىشىغا ئېغىر تەسىر كۆرسىتىدۇ .شۇڭا ،ئاتا-ئانىلار بالىلىرىدا ئىرادىسىز ئەھۋالنى بايقىسا ، ئۇلارغا ۋاقتىدا ياردەم بېرىشى ۋە توغرا يېتەكچىلىك قىلىشى كېرەك .

1. بالىدا مۇستەقىللىقنى يېتىلدۈرش .  ئاتا-ئانىنىڭ بالىنىڭ ھەممە ئىشىنى ئۈستىگە ئېلىۋېلىشى بالىدا ئىرادىسىز خاراكتېرنىڭ شەكىللىنىشىدىكى مۇھىم  ئامىللارنىڭ بىرى .بۇنداق قىلىش بالىنىڭ ئۆزىنى سىناپ بېقىش پۇرسىتىنى تارتىۋالغانلىق بولۇپ ، ئۇنىڭ مۇستەقىل ياشاش ئىقتىدارىنى ئاجىزلاشتۇرۇۋېتىدۇ .

2. بالىنى تەڭتۇشلىرى بىلەن كۆپرەك ئويناشقا رىغبەتلەندۈرۈش .  پىسخىلوگنىك كۆرسىتىشىچە ، بالىلارنىڭ خاراكتېرى ئويۇن ۋە كۈندىلىك تۇرمۇشتا ئەڭ گەۋدىلىك ئىپادىلىنىدىغان بولۇپ ، بۇمۇ ناچار ئادەتلەرنى ئۆزگەرتىشتىكى ئەڭ ياخشى چارە ئىكەن .
ئاتا-ئانىلار بالىلارنىڭ دوراش ئىقتىدارى كۈچلۈك بولۇشتەك ئارتۇقچىلىقىدىن تولۇق پايدىلىنىپ ، بالىلىرىنى تەڭتۇشلىرى بىلەن ئويناشقا رىغبەتلەندۈرۈش كېرەك . بۇنداق قىلغاندا ، بالا باشقا بالىلارغا ئەگىشىپ  ئادەتتە قىلىشقا جۈرئەت قىلالمىغان ئىشلارنى قىلىدۇ ، بالىنىڭ خاراكتىرى چېنىقىپ ياخشىلىنىدۇ .

3. بالىنى ھۆرمەتلەش .  ئىرادىسىز بالىلار ئادەتتە جىمغۇر بولۇپ ، ھېسسىياتىنى ئىپادىلەشتە بىر قەدەر ئاجىز كېلىدۇ .شۇڭا ئاتا-ئانىلار بالىلارنىڭ غورورىنى قوغداشقا دىققەت قىلىش كېرەك .

4. بالىنى يۈرەكلىك سۆزلەشكە رىغبەتلەندۈرۈش .
ئاتا -ئانىلار تەمكىن بولۇشى، بالىلىرىنى كەلسە -كەلمەس ئۇرماسلىقى ، تىللىماسلىقى ، گەپ قىلىشقا زورلىماسلىقى كېرەك .
ئاتا-ئانىلار تەڭتۇش بالىلارنى بالىسى بىلەن بىرلىكتە كوللىكتىپ پائالىيەتكە قاتنىشىشقا تەكلىپ قىلىپ ، ئۆزى بىر چەتتە يېتەكچىلىك قىلىپ ياكى ئۆزىنى چەتكە ئېلىپ ، بالىلارغا ئەركىن پائالىيەت قىلىش شارائىتىنى يارىتىپ بېرىشى كېرەك . ئەگەر شارائىت يار بەرسە ، ئاتا -ئانىلار بالىلىرىنى كەڭ دالىلارغا ئاپىرىپ ، بالىلىرىنى ئىچىنى بوشىتىۋېلىشقا رىغبەتلەندۈرسە بولىدۇ .

مەنبە : ماتىريالدىن