ھازىر سەزگۈرلۈكى ئېشىپ كېتىش مەنبەلىك كېسەللىكلەرگە، بولۇپمۇ زىققا كېسىلىگە گىرىپتار بولغان بالىلار كۆپىيىپ كەتتى، ناۋادا بۇ خىل بالىلار ۋاقتىدا داۋالانمىسا، زىققا كېسىلى بارغانسېرى ئېغىرلاپ، ھاياتىغا خەۋپ يېتىدۇ، شۇڭا بالىلاردىكى مۇنداق ئالامەتلەرگە دىققەت قىلماي بولمايدۇ.

   يۆتەلگەندە ھاسىرايدىغان، نەپەس ئالغاندا نەپەسلىنىش ئەزالىرىدىن ئاۋاز چىقىدىغان، بولۇپمۇ بەدىنىگە ھۆل تەمرەتكە چىققان، سەزگۈرلۈكى ئېشىپ كېتىش مەنبەلىك بۇرۇن ياللۇغى، بىرىكتۈرگۈچى پەردە ياللۇغى ۋە يەلتاشما كېسىلىگە گىرىپتار بولغان، دورا ۋە يېمەكلىككە سەزگۈر بالىلار بۇ خىل كېسەلگە گىرىپتار بولىدۇ.

   ئۇدا يۆتىلىۋاتقىنىغا بىر ئايدىن ئاشقان ، ئانتىبىئوتىك دورىلار پايدا قىلمىغان بالىلارمۇ دىققەت قىلىشى كېرەك.

   تەكرار يۆتىلىدىغان، ئاسان ساقىيالمايدىغان، ھەرىكەتتىن كېيىن ياكى ھاۋا ئۆزگەرگەندە كېچىسى يۆتىلىپ ھاسىرايدىغان بالىلارمۇ ۋاقتىدا داۋالىنىشى كېرەك.

  دائىم زۇكام بولۇپ بۇرنى ئاقىدىغان ھەمدە توختىماي چۈشكۈرىدىغان، بۇرنى ۋە كۆزى قىچىشىدىغان بالىلارمۇ بۇ خىل كېسەلگە يېقىن بولىدۇ.