مۇتەخەسسىسلەرنىڭ كۆرسىتىشىچە، بالىلاردىكى خورەك تارتىش ئىممۇنىتېت كۈچىنىڭ تۆۋەنلەپ كېتىشىدىن كېلىپ چىقىدىكەن. بەزى بالىلاردا ھەرىكەت ئاز بولۇشتىن ئىممۇنىتېت كۈچى تۆۋەنلەپ، ئاسانلا كېسەل بولۇپ قالىدىكەن، ئۇنىڭدىن باشقا تەكرار ياللۇغلىنىش، سەمىرىپ كېتىش سەۋەبىدىن خورەق تارتىش قاتارلىق ئالامەتلەر كۆرۈلىدىكەن.

    مۇتەخەسسىسلەرنىڭ تونۇشتۇرىشىچە، خورەك تارتقاندا، قۇرغاق ھاۋا بىۋاستە كېكىردەكنى غىدىقلاپ كېكىردەك ياللۇغى، كاناي ياللۇغى قاتارلىقلارنى پەيدا قىلىپلا قالماستىن، بالىلارنىڭ يۈزىنىڭ يېتىلىشىگە تەسىر كۆرسىتىپ، غەيرىي يېتىلىپ قېلىشنى كەلتۈرۈپ چىقىرىدىكەن ھەم بالىلارنىڭ پىسخىكىلىق ۋە فىزىئولوگىيەلىك يېتىلىشىگە تەسىر كۆرسىتىدىكەن، شۇڭا بالىلاردا بۇنداق ئالامەتلەر كۆرۈلگەن ھامان دوختۇرخانىغا ئاپىرىپ تەكشۈرتۈشى كېرەككەن.