بالىلار قانداق قىلغاندا قىشتىن ساغلام چىقىدۇ

قىشتا بالىلاردا بىر قىسىم جىددىي خاراكتېرلىك نەپەس يولى ياللۇغى، زىيادە سېزىمچان بۇرۇن ياللۇغى، ئىچ سۈرۈش قاتارلىق يۇقۇملۇق كېسەللىكلەر دائىم كۆرۈلىدۇ، شۇڭا قىشتا بالىلارنىڭ كۈتۈنۈشىگە ئالاھىدە دىققەت قىلىش كېرەك.

   كەچ كۈزدە يوپۇرماقلار تۆكۈلۈپ، ھاۋادىكى بۇلغانما ماددىلار ئەڭ كۆپ بولىدۇ. شۇڭا بالىلاردا زىيادە سېزىمچان بولۇش ئەھۋاللىرى كۆرۈلسە، ئاممىۋى سورۇنلارغا ئاپارماسلىق كېرەك. ئۇنىڭدىن باشقا، قىشقا بالىلاردا ھەزىم قىلىش ياخشى بولماسلىق، ئىممۇنىتېت كۈچى ئاجىزلاش قاتارلىق ئالامەتلەر كۆپ كۆرۈلىدۇ. ناۋادا يېمەكلىك ۋاقتىدا ھەمدە مۇۋاپىق بولمىسا، ئاشقازان كېسەللىكلىرى كۆرۈلىدۇ. شۇڭا بالىلارغا تاماقنى مۇۋاپىق مىقداردا ، ۋاقىت بەلگىلەپ يېگۈزۈشكە ئادەتلىنىش، يېمەكلىكنىڭ ھەمدە بالىلار بۇيۇملىرىنىڭ تازىلىقىغا دىققەت قىلىش بىللە، ئۆپكىنى ياشارتىدىغان يېمەكلىكلەرنى كۆپرەك يېگۈزۈش كېرەك. قايناق سۇنى كۆپ ئىچۈرۈش، سوغۇق يېمەكلىكنى بەرمەسلىك كېرەك .