تولۇقسىز ئوتتۇرا مەكتەپ خىمىيە دەرسلىكىنى تەكرار قىلىشتىكى ئۈنۈملۈك ئۇسۇللار دەپ قارىغانلىرىم

ئالمىرە ئەخمەت

   تەكرار قىلىش ئۇنتۇلۇپ قالغان مەزمۇنلارنى قايتا ئەسكە ئېلىشتىكى جەريان بولۇپ، تەكرار قىلىشتا ئىلمىي بولغان ئۆگىنىش ئۇسۇلىنى قوللانغاندا تەكرار ئوڭۇشلۇق بولىدۇ. تۆۋەندە مەن تەكرار قىلىشنىڭ ئۇنۇملۇك ئۇسۇللىرى دەپ قارىغانلىرىمنى كەسىپداشلىرىم بىلەن ئورتاقلىشىشنى لايىق كۆردۈم:

   1.بۇرۇن ئۆگىنىپ بولغان مەزمۇنلارنى قايتا ئەسلەش. خىمىيە دەرسلىكىنى تەكرار قىلىش ئۇسۇلى كۆپ خىل بولۇپ، بۇنىڭ ئىچىدە دەرسلىك ماتېرىيالى بىلەن دەرسخانىدا قالدۇرغان كونسىپىك دەپتەردىكى مەزمۇنلارنى بىرلەشتۈرۈپ ئۆگىنىشنى مەقسەت قىلىدۇ. چۈنكى، دەرسلىك ماتېرىيالىدىكى مەشىقلەرنىڭ كۆپىنچىسى تولۇقسىز ئوتتۇرا مەكتەپنى پۈتكۈزۈپ يۇقىرى ئۆرلەش ئىمتىھان سوئاللىرىدا كۆپ ئۇچرايدىغان مەزمۇنلار بولغاچقا، بۇ مەزمۇنلارنى چوقۇم قايتا كۆرۈپ ئۆگىنىشنى مەقسەت قىلىش كېرەك. شۇنداق قىلغاندا، ئۆزىنىڭ ئۆگىنىش ئۇسۇلىغا ھەقىقىي دىياگنوز قويغىلى بولىدۇ. مەسىلەن: ئوكسىگېن گازى ھىدروگېن گازى، قاتارلىق گازلارنىڭ تەجرىبىخانىدا ئېلىنىشى تولۇقسىز ئوتتۇرا مەكتەپ خىمىيە دەرسلىكىدىكى مۇھىم نۇقتىلارنىڭ بىرى ھېسابلىنىدۇ. شۇڭا، تەكرار قىلىشتا بۇ نۇقتىلارغا دىققەت قىلىش كېرەك.

   2.يىغىنچاقلاپ ئەسكە ئېلىش ئۇسۇلى. ئۆگىنىپ بولغان بىلىملەرنى بەلگىلىك دائىرىدە يىغىنچاقلاش ئۇسۇلى بولسا، ھەر بىر بابتىن كېيىنكى ئومۇمىي تەكرارلاشتا قوللىنىلىدىغان ئۇسۇللار بولۇپ، بۇ ئۇسۇلنىڭ ئۇنىۋېرساللىقى بىر قەدەر يۇقىرى بولىدۇ. شۇڭا، تەكرار قىلىشتا يىغىنچاقلاپ تەكرار قىلىش ئۇسۇلىنى قوللىنىش كېرەك.

   3.رەتلەش ئۇسۇلى. رەتلەش ئۇسۇلى تۆۋەندىكىدەك بىر قانچە تەرەپتىن يىغىنچاقلانسا سىستېمىلىق بولىدۇ، دەپ قارايمەن.

(1) سېلىشتۇرۇش ئۇسۇلى. سېلىشتۇرۇش ئۇسۇلى ئەستە ساقلاشنىڭ ئەڭ ياخشى ئۇسۇلى بولۇپ، ئوقۇغۇچىلار تەكرار قىلىشتا بۇ خىل ئۇسۇلنى قوللانسا ماددىلارنىڭ پەرقىنى، باغلىنىشلىرىنى ئاسانلا پەرق ئېتەلەيدۇ.

(2) زەنجىرسىمان باغلاش ئۇسۇلى. زەنجىرسىمان باغلاش ئۇسۇلى مەلۇم بىر بىلىم نۇقتىسى ياكى مەلۇم بىر تېمىنى ئاساس قىلغان بولۇپ، مەلۇم چۈشەنچە ياكى پىرىنسىپلارنى يىغىپ چىقىش دېگەنلىكتۇر. مەسىلەن: يادرو سىرتىدىكى ئېلېكتىرونلارنىڭ جايلىشىشىنى مەركەز قىلىپ ئېلېمىنتلارنىڭ ۋالېنتى، ئېلېمىنتلارنىڭ تۈرى، ئېيونلار ئىگە بولغان زەرەت قاتارلىق بىلىملەرنى يىغىپ بىر بىلىم بۆلىكى قىلىپ چىقىشقا بولىدۇ. بۇنداق سوئاللارنى ئىشلەشتە مەسىلىلەرنى ناھايىتى تېزلىكتە بىرلەشتۈرۈپ تەھلىل قىلىشقا قولايلىق بولۇپ، چۈشىنىش ئاسان بولىدۇ.

   4.ھەر خىل تىپتىكى سوئال شەكىللىرى ئاساسىدا تونۇشۇشقا ماھىر بولۇش. تەكرار قىلىشتا چوقۇم سوئال شەكىللىرىگە يەنى تاللاش، بوش ئورۇننى تولدۇرۇش، قىسقىچە جاۋاب بېرىش، ھېسابلاش، تەجرىبە ئىشلەش قاتارلىقلارنى ئۆز ئىچىگە ئالىدۇ. تەتقىقات خاراكتېرىدىكى سوئال شەكىللىرى تولۇقسىز ئوتتۇرا مەكتەپنى پۈتكۈزۈش ئىمتىھان سوئاللىرىدىكى ئوقۇغۇچىلار نومۇر ئالالمايۋاتقان نۇقتىلار بولۇپ، بۇ خىل تۇردىكى سوئاللارغا جاۋاب بەرگەندە ئالدى بىلەن سوئالنىڭ بېرىلىشىنى، تەلىپىنى ئېنىق چۈشىنىش، قارىغۇلارچە ئىشلەشتىن ساقلىنىپ تەھلىل قىلىشقا ماھىر بولۇش كېرەك.

(ئاپتور: مايتاغ 1 – ئوتتۇرا مەكتەپتىن)

(تەھرىر : ئىزدەن)

• ئوقۇغۇچىلارنى تارىخ دەرسىگە قىزىقتۇرۇش
• گۈزەل-سەنئەت ئوقۇتۇشى توغرىسىدا ئويلىغ
• تولۇق ئوتتۇرا مەكتەپ مائارىپىنى زامانى
• دەرىسخانىنى چۈشىنەمسىز ؟
• ئۇيغۇر ئويما خەت سەنئىتى توغرىسىدا
• 中学信息技术教学优点
• يىڭى ئەسىر ۋە يىڭى دەرىسلىك موھىتى ئوقۇ
• گۈزەل -سەنئەت نەزىرىيەسى پايدىلىنىش مات
• سىز قايسى ئۇسۇلنى مۇۋاپىق كۆردىڭىز ؟
• ئوقۇتقۇچىلارنىڭ مائارىپ قارىشىنى يېڭىل
• يېڭى دەرسلىك ئىسلاھاتىدا ئوقۇتقۇچىلار
• ‹‹قوش تىل›› ئوقۇتقۇچىلىرى دىققەت قىل
• ئېلېكتىرونلۇق ئويۇن دەرسىنىڭ رولىغا سە
• ئوقۇغۇچىلارنىڭ تاپشۇرقىغا باھا بەرگەند
• ئارقىدا قالغان ئوقۇغۇچىلارنى يېتەكلەش
• دەرسخانا ئوقۇتۇشىدا دىققەت