مائارىپ ئەسلىھەلىرىدە زور بىخەتەرلىك ھادىسىسى پەيدا قىلىش جىنايىتى.
بۇ - مەكتەپ بىناسى ياكى مائارىپ - ئوقۇتۇش ئەسلىھەلىرىنىڭ خەتەرلىك ئىكەنلىكىنى بىلىپ تۇرۇپ، تەدبىر قوللانماي ياكى ئۇنى ۋاقتىدا مەلۇم قىلماي، زور تالاپەت پەيدا قىلغان قىلمىشنى كۆرسىتىدۇ. 1. ئوبيېكتى - مەكتەپ، مائارىپ ئورگانلىرىنىڭ نورمال پائالىيىتى ۋە ئوقۇتقۇچى، ئوقۇغۇچى ھەمدە ئىشچى - خىزمەتچىلەرنىڭ جىسمانىي بىخەتەرلىكى بولىدۇ. 2. ئوبيېكتىپ جەھەتتە قىلمىش سادىر قىلغۇچى مەكتەپ بىناسى ياكى مائارىپ ئوقۇتۇش ئەسلىھەلىرىنىڭ خەتەرلىك ئىكەنلىكىنى بىلىپ تۇرۇپ تەدبىر قوللانمىغان ياكى ئۇنى ۋاقتىدا مەلۇم قىلمىغان قىلمىش بولۇپ ئىپادىلىنىدۇ. 3. سۇبيېكتى - ھۆكۈمەت، مائارىپنى ئاساسلىق باشقۇرغۇچى تارماق، مەكتەپلەرنىڭ بىۋاستە مەسئۇل خادىملىرى بولىدۇ. 4. سۇبيېكتىپ جەھەتتە سەۋەنلىكتىن شەكىللىنىدۇ. 138 - ماددا مەكتەپ بىناسى ياكى مائارىپ ئوقۇتۇش ئەسلىھەلىرىنىڭ خەتەرلىك ئىكەنلىكىنى بىلىپ تۇرۇپ، تەدبىر قوللانماي ياكى ئۇنى ۋاقتىدا مەلۇم قىلماي زور تالاپەت پەيدا قىلسا، بىۋاستە جاۋابكارلارغا ئۈچ يىلدىن تۆۋەن مۇددەتلىك قاماق جازاسى ياكى تۇتۇپ تۇرۇپ ئەمگەككە سېلىش جازاسى بېرىلىدۇ؛ پەۋقۇلئاددە ئېغىر ئاقىۋەت پەيدا قىلسا، ئۈچ يىلدىن يۇقىرى، يەتتە يىلدىن تۆۋەن مۇددەتلىك قاماق جازاسى بېرىلىدۇ.
|
