◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

ئايەم خاسىيتى 
كەلدى ئايەم شاتلاندى دىل ھەمدەم كائىنات ،
ساما - مەشرەپ قۇچىقىدا بىھۇش ھەمىمىز .
چوڭغا ھۆرمەت ياشقا ئىززەت قىلىپ ھۆرمەتتە ،
ئۇرۇق-تۇققان  ھەمداستىخان تۇتاش قەلبىمىز .

تاڭ نامازدا تۇپراق بىشى ئويغۇنۇپ چۈشتىن ،
بولار مۇڭداش ئەۋلادلارنىڭ ئوتلۇق مۇڭىغا .
ئەجداد روھى مەڭگۈ ھايات ئۇلۇغ ئايەمدە ،
كۆز مونچاقتۇر يىلتىزىمىز ھەر كىم يولىغا .

پەتىلەشتىن ئىزتىراپلار تارقاپ ھەر قايان ،
خىجىلققا تۇتقۇن ھامان تەشۋىشلىك خىيال .
ئەسسالامغا ۋەئەليكۇم غەرەزسىز بىقىپ ،
قاپاق تۈرۈش باتناشلارغا قالمايدۇ سۇئال .

يول –يوللاردا شوخ كىيكتەك تاقلاپ بالىلار ،
ھۆسىن قوشار مەرھەممەتلىك ئايام ھۆسىنىگە .
ئايەملىكى ئۇلار ئۈچۈن ئالەم شادلىقى ،
چىن كۈلكىسى شەربەت ئاڭا ئاتا قەلبىگە .

ئۆي-ئۆيلەردە شىرداق –گىلەم رەتلىنىپ قايتا ،
 نەزەر چۈشمەس بۇلۇڭلارمۇ پەردازغا چۈشەر .
ساڭزا –قۇيماق بوغۇرساقلار ئۈستەل يۈزىدە ،
ئەل-جامائەت دۇئا بىرىپ يىيىشنى كۈتەر .

نى-نى ئىشلار پىلانلانغان ئايەم ئىچىگە ،
ئاشىق –مەشۇق ۋىسال تاپار ئۇلۇغ كۈنلەردە .
يىراق- يىقىن تۇمۇرداشلار مىھرى ئۇلىنار  ،
بوۋاي -مۇماي ئۈگۈتلىرى چاقناپ تۈنلەردە .

زەردار بايلار ساخاۋىتى قايناپ دىلىدىن ،
سىخى قولى پەپىلەيدۇ يوقسۇل گاداينى .
ئاجىز –يىتىم دۇئاسىدۇر ئۇلارغا قانات ،
ئۈلگە قىلغاچ بايۋەتچىلەر ھاجىم نۇرتاينى .

ھەر كىمگە ئۆزىگىچە خۇشاللىق بىرىپ ،
شاد قىلار ھەممىنى بۇ ئۇلۇغ ئايەم .
ئىناقلىق ئۆملۈكنىڭ مەنبە بۆشۈكى ،
شۆھرىتى يىگانە  خىسلەتلىك ئايەم .