كۆپلىگەن ئوقۇغۇچىلار ئوقۇش پۈتكۈزۈش ئىمتىھانىنىڭ نەتىجىسىنى ئائىلىسىگە ئەۋەتىپ بەرگەندە، نەتىجىسىنىڭ يۇقىرىلىقىغا قاراپ ئۆزىدىن ئىنتايىن پەخىرلىنىدۇ، ئۆزىنى ئەڭ زور تىرىشچانلىق كۆرسەتتىم، دەپ قارايدۇ، ئەمما شۇنى بىلىش كېرەككى، ئىمتىھان نەتىجىلىرى شۇ ئوقۇغۇچىنىڭ باشقىلارغا ئوخشىمايدىغان، ئالاھىدە ئىكەنلىكىنى بىلدۈرمەيدۇ.
ئىمتىھان نەتىجىسى ئوقۇغۇچىلارنىڭ باشلانغۇچ مەكتەپنى پۈتكۈزسىلا ئىككى -ئۈچ خىل تىلدا سۆزلىيەلەيدىغانلىقىدىن دېرەك بەرمەيدۇ. ئىمتىھان نەتىجىسى شۇ ئوقۇغۇچىنىڭ مۇزىكا چېلىش، ناخشا ئېيتىپ، ئۇسسۇل ئويناشتا كامالەتكە يەتكەنلىكىنى بىلدۈرمەيدۇ. ئىمتىھان نەتىجىسى شۇ ئوقۇغۇچىنىڭ كىچىك ھەمراھلىرىغا كۈلكە ئېلىپ كېلەلەيدىغانلىقىنى، ئۇلارنىڭ ئىشەنچىسىگە ئېرىشەلەيدىغانلىقىنى بىلدۈرمەيدۇ. ئىمتىھان نەتىجىسىگە قاراپ ئۇ ئوقۇغۇچىنىڭ شېئىر يازالايدىغانلىقىنى، ھەتتا پۇتبولنى ياخشى ئوينايدىغانلىقىنى بىلگىلى بولمايدۇ. ئىمتىھان نەتىجىسى شۇ ئوقۇغۇچىنىڭ ئائىلىسىدە ئىنى-سىڭىللىرىنىڭ ھالىدىن ئەتراپلىق خەۋەر ئالايدىغانلىقىنى بىلدۈرمەيدۇ. ئىمتىھان نەتىجىسىگە قاراپ ئۇنىڭ قانچىلىك ئەق كۆڭۈل، ساداقەتمەن، ئىشەنچلىك بالا ئىكەنلىكىنى بىلگىلى بولمايدۇ. ئىمتىھان نەتىجىسى سىزگە ھەر بىر كۈندە ئۆزىنى تېخىمۇ تاكامۇللاشتۇرۇشنى ئېيتىپ بېرەلمەيدۇ. ئىمتىھان نەتىجىسى پەقەت نەتىجە، بىز نەتىجىمىزدىن پەخىرلەنسەكلا بولىدۇ، بىراق مەڭگۈ ئېسىمىزدە تۇتۇشىمىز كېرەككى، ئادەملەردە نۇرغۇن ئولۇغۋار تەرەپ بولىدۇ، ئىمتىھان پەقەت بۇلارنىڭ ئىچىدىكى بىرلا تۈر، خالاس.
مەنبەسى: شىنجاڭ قانۇنچىلىق گېزىتى.