بوۋاقلار ئۆسۈپ يېتىلىشىدىكى ئالاھىدىلىكى بېشى چوڭ ، ئېغىر ، سۆڭەك بىر قەدەر بوش ، مۇسكۇللىرى تەرەققىي قىلىپ بولالمىغان بولۇپ ، بىر قەدەر كۈچسىز ئاجىز كېلىدۇ . شۇڭلاشقا 1 ئايلىق بولغان بوۋاقلار بېشىنى پەقەت بىردەملا كۆتۈرەلەيدۇ  ، 3 ئايلىق  بولغاندا ئاندىن سەل-پەل تۈزرەك قىلىپ بېشىنىڭ ئېغىرلىقىغا بەرداشلىق قىلىپ كۆتۈرەلەيدۇ . شۇڭلاشقا 1~3 ئايلىق بولغان بوۋاق بالىنى قۇچاقلاپ كۆتۈرگەندە كۆتۈرۈش ئۇسۇلغا دىققەت قىلىش كېرەك . بۇ جايدا دىققەت قىلىدىغان مەسىلە ، بالنىڭ بېشىنى ياخشى تىرەپ تۇرۇش كېرەك .
    1~2 ئايلىق بولغان بوۋاق بالىنى ئاساسلىق تەكشى ياتقۇزۇپ قۇچاقلاپ كۆتۈرۈش كېرەك ، ياكى سەل يانتۇراق قىلىپ كۆتۈرسىمۇ بولىدۇ . تەكشى ياتقۇزۇپ كۆتۈرگەندە بالىنى تەكشى ھالدا كۆتۈرگۈچىنىڭ قۇچىقىغا ئورۇنلاشتۇرۇش كېرەك . مەيلى تەكشى ھالدا كۆتۈرسۇن ياكى يانتۇراق كۆتۈرسۇن ، كۆتۈرگۈچىنىڭ بىر ئالدى بېلىكى چوقۇم بالىنىڭ باش قىسمىنى تىرەپ تۇرۇشى ، يەنە بىر بېلىكى بالىنىڭ كاسىسى ھەم بېلىنى تىرەپ تۇرۇشى كېرەك . سۈتنى ئاسان ياندۇرىۋېتىدىغان بالىلارنى ئامال بار يانتۇ كۆتۈرۈش كېرەك ، بۇنداق قىلغاندا بالىنىڭ سۈت ياندۇرۇشنىڭ ئالدىنى ئالغىلى ياكى يېنىكلەتكىلى بولىدۇ .  

     بۇنىڭدىن سىرت بالىنى كۆتۈرگەندە بالىنى قوغداش بىلەن بىرگە بالىنىڭ راھەت بولۇش بولماسلىقىغا دىققەت قىلىش ھەم بالىغا بىخەتەرلىك تۇيغۇسى بېرىش كېرەك . بالىنى كۆتۈرۈپ ئالغاندا ھەم يەرگە قويغاندا ھەرىكەت چوقۇم ئاستا سىلىق بولۇشىغا دىققەت قىلىش كېرەك .