ئوبامانىڭ روھانى بىلەن كۆرۈشۈش ئويى بارلىقىنى بىلدۈردى

 جۇڭگو ئاخبارات تورىنىڭ 25- سېنتەبىردىكى تېلېگراممىسى : " مەركەز ئاگېنتلىقى ' نىڭ خەۋىرىگە ئاساسلانغاندا، ئامېرىكا ھۆكۈمىتى يۇقىرى دەرىجىلىك ئەمەلدارىنىڭ 24- سېنتەبىر بىلدۈرۈشىچە، ئامېرىكا بىرلەشكەن دۆلەتلەر تەشكىلاتىنىڭ قۇرۇلتىيى مەزگىلىدە زۇڭتۇڭ ئوباما بىلەن ئىران زۇڭتۇڭى روھانىنى ئۇچراشتۇرۇش پىلانى بارلىقىنى بىلدۈرگەن، ئەمما ئىران تەرەپ بۇ پىلانغان ئاكىتىپ پوزىتسىيە تۇتمىغان .
خەۋەرگە ئاساسلانغاندا، ئىسمىنى ئاشكارىلاشنى خالىمىغان بىر ئەمەلدارنىڭ مۇخبىرغا ئاشكارلىشىچە، ئوباما بىرلەشكەن دۆلەتلەر تەشكىلاتىنىڭ قۇرۇلتىيى مەزگىلىدە ئىران زۇڭتۇڭى روھانى بىلەن ئۇچرىشىش ئويى بارلىقىنى بىلدۈرگەن، ئەمما ئىران تەرەپنىڭ زۇڭتۇڭلار ئۇچرىشىشىغا تەييارلىقى بولمىغاچقا، ئوبامانىڭ بۇ ئويى ئەمەلگە ئاشماي قالدى ؛

خەۋەردە مۇنداق دېيىلدى: بەزى ئالامەتلەردىن كۆرسىتىلىشچە، ئىككى دۆلەت پرېزىدېنتىنىڭ ئىراننىڭ 1979- يىلىدىكى ئىنقىلابتىن بۇيانقى ئەڭ يۇقىرى قاتلاملار ئۇچرىشىش مۇمكىنچىلىكى بار، ئەمما ئەمەلدارنىڭ تەكىتلىشىچە، ئىككى تەرەپنىڭ ئۇچرىشىشىدا ئىراننىڭ يادرو پىلانىغا چېتىشلىق سۆھبەت بولمايدىكەن.
ئامېرىكا ئەمەلدارى مۇنداق بىلدۈردى: ھازىر ئامېرىكا- ئىران ئىككى دۆلەتنىڭ دېپلوماتىك ئىشلىرىنى ئامېرىكىنىڭ دۆلەت ئىشلىرى كاتىپى كېررى (John Kerry ) بىلەن ئىراننىڭ دېپلوماتىيە مىنىستىرى مۇھەممەد جاۋاد زارىف ( Mohammad Javad Zarif ) ئىلگىرى سۈرمەكتە.
ئاقساراينىڭ باياناتچىسى جاي كارنېر ئىلگىرى مۇنداق بىلدۈرگەنىدى: ئوباما ئامېرىكا ۋە ئۇنىڭ ئىتتىپاقداشلىرىنىڭ ئىران مەسىلىسىنى بىر تەرەپ قىلىشتا، دېپلوماتىك ۋاسىتە قوللىنىش پۇرسىتى بارلىقىغا ئىشىنىدۇ، ئامېرىكا تەرەپ ئىران دائىرىلىرىنىڭ پۇرسەتنى چىڭ تۇتۇشىنى ئۈمىد قىلىدۇ.