«بۈگۈنكى خەۋەرلەر تورى» نىڭ خەۋىرىگە قارىغاندا، ئوقۇغۇچىلار سىنىپتا سېغىز چاينىسا ئوقۇتقۇچىلار تەرىپىدىن جازالىنىدىكەن، لىكىن گىرمانىيەنىڭ جەنۇبىدىكى بىر باشلانغۇچ مەكتەپتە دەل ئەكسىچە بولۇپ، ئوقۇغۇچىلارنىڭ دەرس ۋاقتىدا سېغىز چاينىشى تەشەببۇس قىلىنىدىكەن. چۈشەندۈرۈشلەرگە قارىغاندا، بۇنداق قىلغاندا دېققىتىنى مەركەزلەشتۈرگىلى بولۇپلا قالماستىن يەنە ئوقۇغۇچىلارنىڭ چۈشىنىش ئىقتىدارىنى ئۆستۈرگىلى بولىدىكەن، يەنە بەدەن سالامەتلىكىگىمۇ پايدىلىق ئىكەن.
خەۋەرلەرگە قارىغاندا، ئوقۇغۇچىلارنىڭ نەتىجىسىنى يوقىرى كۆتۈرۈش ئۈچۈن، بېرلىندىكى Volkenschwand دەپ ئاتىلىدىغان بىر مەكتەپ «دەرس ۋاقتىدا سېغىز چايناش» تۈزۈمىنى رەسمى يولغا قويغان. مەكتەپ مۇدىرى Hans Dasch نىڭ كۆرسىتىشىچە، بۇ ئوقۇغۇچىلارنىڭ دېققىتىنى مەركەزلەشتۈرۈشىگە پايدىلىق بولۇپلا قالماي، ئىمتىھان ۋاقتىدىمۇ بېسىمنى تۆۋەنلەتكىلى بولىدىكەن. مەكتەپ مۇدىرىنىڭ قارىشىچە، ئوقۇغۇچىلارنىڭ خۇشال-خورام دەرس ئاڭلىشىنىڭ ئالدىنقى شەرتى «ئۇلارنى قورقۇنچ ھېس قىلدۇرماسلىق» ئىكەن، ئۇلارنى ئامالنىڭ بارىچە خوشال، ئەركىن-ئازادە قىلىش كېرەك ئىكەن.
لىكىن مەكتەپ تۈزۈمىدە، سېغىز چاينىغان ۋاقىتتا شار چىقىرىشقا بولمايدۇ دەپ بەلگىلىگەن بولۇپ، بۇنداق قىلىشتىكى مەقسەت، باشقىلارنىڭ دېققىتىنى چېچىشنىڭ ئالدىنى ئېلىش ئۈچۈن ئىكەن. مەكتەپ مۇدىرىنىڭ دىيىشىچە، ھازىر ئوقۇغۇچىلار بۇ تۈزۈمگە ناھايىتى ئاڭلىق رىئايە قىلغان بولۇپ، دەرس ۋاقتىدا شار چىقىرىدىغان، سېغىزنى پارتىغا چاپلاپ قويدىغان ئەھۋاللار كۆرۈلمىگەن، نۆۋەتتە ئوقۇتقۇچىلارمۇ بەس-بەستە سېغىز چايناشقا باشلىغان.