تەيۋەن بۈگۈنكى خەۋەرلەر تورىنىڭ خەۋەر قىلىشىچە، ئەنگىلىيە دۆلەتلىك ئاخبارات مۇزېيخانىسى ساقلاۋاتقان بىر قىسىم سۆرەتلەر بۈگۈنگە قەدەر كىشىلەرنى چوڭقۇر ئويلاندۇرماقتا. تەتقىقاتچى خادىملار يىغىپ ساقلىغان ئالدىنقى ئەسىردىكى بۇ سۆرەتلەرنى «چۈشەندۈرگىلى بولمايدىغان» بولۇپ، «روھ» نىڭ پەيدا بولىشى، سۆرەتلەرنى كۆرگەن كىشىنى ئىختىيارسىز سەسكەندۈرۋىتىدۇ.
ئاندىلۇ ئىسىملىك بىر ئايال قىزىنىڭ قەبرىسىنى يوقلىغىلى بارغاندا، قىزىنى سېغىنغانلىقتىن قەبرىنى سۆرەتكە تارتىۋالغان. ئويلىمىغان يەردىن سۆرەت يۇيۇلۇپ چىققاندىن كېيىن قەبرىدە بىر كىچىك قىزنىڭ غۇۋا سۆرىتى پەيدا بولغان. كىچىك قىز سۆرەتتە ئاپپاراتقا قاراپ تۇرغان.

بۇنىڭدىن باشقا يەنە بىر پارچە سۆرەتمۇ كىشىنى ۋەھىمىگە سالىدىغان بولۇپ، سۆرەتتە ئۆيدىكى قەۋەتتىن ئۇزۇن ئاق كىيىم كەيگەن ئايالنىڭ چۈشۈۋتقان ھالىتى كۆرۈنگەن. خەۋەردە ئېيتىلىشىچە،  18-ئەسىردىكى ئەنگىلىيەدىكى بىر داڭلىق شەخىسنىڭ ئايالى يولدىشى تەرىپىدىن باشقا يۇقىرى ئەمەلدارلار بىلەن «ئالاقىسى» بار دەپ گۇمان قىلىنىپ، ئايال ئۆلگەندىن كېيىن يولدىشى ئۇنىڭغا يالغان دەپنە مۇراسىمى ئۆتكۈزۈپ بېرىپ، ئايالىنىڭ جەسىتىنى ئۆينىڭ مەلۇم جايىغا كۆمۈپ قويغان ئىكەن.
ئىگىلىنىشچە، بۇ سۆرەتلەرنىڭ ھېچقانداق ساختىلىق ئىشلىتىلمىگەنلىكى، سۆرەتكە تارتقۇچىنىڭ ۋە سۆرەتنى يۇغۇچىنىڭمۇ ھېچقانداق ساختىلىق ئىشلەتمىگەنلىكى ئىسپاتلانغان بولۇپ، بىراق مۇتەخەسىسلەرمۇ بۇ سۆرەتلەر توغرىسىدا ھېچقانداق جاۋاب بەرمىگەن.