جۇڭگو كوممونىستىك پارتىيىسى مەركىزىي كومىتېتى سىياسىي بيۇروسى دائىمىي كومىتېتىنىڭ ئەزاسى، گوۋۇيۈەننىڭ مۇئاۋىن زۇڭلىسى لى كېچياڭ تۈنۈگۈن  خەلق سارىيىدا، كورىيە سىئول ئالاھىدە شەھىرىنىڭ باشلىقى ۋۇ شىشۈن ۋە ئۇنىڭ ھەمراھلىرى بىلەن كۆرۈشتى. لى كېچياڭ مېھمانلارغا ئېلىمىزنىڭ نۆۋەتتىكى ئىقتىسادىي ۋەزىيىتى ۋە ئېلىمىز ھۆكۈمىتىنىڭ  خەلقئارا پۇل- مۇئامىلە كىرىزىسىگە تاقابىل تۇرۇش ئۈچۈن قوللانغان تەدبىرلىرىنى تونۇشتۇردى. ئۇ مۇنداق دېدى: جۇڭگو بىلەن كورىيىنىڭ دوستانە ئالاقىسى ئەبەدىل ئەبەد داۋاملاشقۇسى. جۇڭگو - كورىيە دېپلوماتىك مۇناسىۋەت ئورناتقان 17 يىلدىن بۇيان، ئىككى دۆلەت مۇناسىۋىتى تېزلىك بىلەن تەرەققىي قىلىپ، ئىقتىساد- سودا ھەمكارلىقى سىجىل كېڭىيىپ، ئىنسانىيەت مەدەنىيەت ئالاقىسى كۈنسىرى جانلىنىپ، خەلقئارا ۋە رايون ئىشلىرىدا، ئىككى تەرەپ زىچ ئالاقىدە بولدى ۋە ماسلاشتى. جۇڭگو بىلەن كورىيىنىڭ دوستلۇق ھەمكارلىق مۇناسىۋىتىنىڭ تەرەققىياتى ئىككى دۆلەت خەلقىگە نەپ يەتكۈزۈپلا قالماستىن، يەنە شەرقىي شىمالىي ئاسىيا رايونىنىڭ تىنچلىقى، مۇقىملىقى ۋە گۈللىنىشىگە پايدىلىق.