جۇڭگو كوممونىستىك پارتىيىسى مەركىزىي كومىتېتى سىياسىي بيۇروسى دائىمىي كومىتېتىنىڭ ئەزاسى لى چاڭچۈن شۇ جاي ۋاقتى تۈنۈگۈن  چۈشتىن بۇرۇن سىدنىيدا، ئاۋسترالىيە ئەركىن دېموكراتلار پارتىيىسىنىڭ داھىيسى تۇرىنبول بىلەن كۆرۈشتى. لى چاڭچۈن ئەركىن دېموكراتلار پارتىيىسىنىڭ ھاكىمىيەت يۈرگۈزگەن مەزگىلدە، ئىككى دۆلەت مۇناسىۋىتىنىڭ تەرەققىياتىنى ئىلگىرى سۈرۈش ئۈچۈن مۇھىم تۆھپە قوشقانلىقىغا يۈكسەك باھا بەردى ھەمدە مۇنداق دەپ تەكىتلىدى: سىياسىي پارتىيىلەر ئوتتۇرىسىدىكى ئالاقە جۇڭگو - ئاۋسترالىيە مۇناسىۋىتىنىڭ مۇھىم تەركىبى قىسمى. جۇڭگو كوممونىستىك پارتىيىسى ئىككى پارتىيە ئوتتۇرىسىدىكى دوستانە مۇناسىۋەتكە يۈكسەك ئەھمىيەت بېرىدۇ. ئىككى پارتىيىنىڭ يېڭى ۋەزىيەتتە ئالاقە، ھەمكارلىقىنىڭ يېڭى ۋەزىيىتى ۋە يېڭى مەزمۇنلىرى ئۈستىدە ئىزدىنىپ، ياش سىياسىيۇنلار ئوتتۇرىسىدىكى ئۆز ئارا زىيارەت قىلىش ۋە ئالاقىنى كۈچەيتىپ، جۇڭگو - ئاۋسترالىيە دوستلۇقىغا يېڭى كۈچ قوشۇشىنى ئۈمىد قىلىمىز .