ئاياللار دۇنياسى يانبىلوگى

ئايال سىرتقا قاراپ قاپتۇ، بىر كۈنى ئۇ ئېرىدىن سوراپتۇ

1. ئۇ سىرتتا باشقا بىر ئەرنى تېپىۋاپتۇ، ئۇ ھەتتا ئېرى بىلەن بىر كارىۋاتتا ئۇخلىغىسىمۇ كەلمەيدىغان بولۇپ قاپتۇ. ئۇ ئىشكاپتىن بىر يوتقاننى ئېلىپ، ئېرى بىلەن ئىككى يوتقاندا ياتماقچى بولۇپتۇ. ئۇ سوغۇق يوتقاندا تىترەپ كېتىپتۇ، ئېرى ئۇنى بىرلا تارتىپ ئۆزىنىڭ يوتقىنىغا ئەكىرىپتۇ.
ئېرى، ئەخمەق، مەن بالدۇر يوتقانغا كىرىشىم ساڭايوتقاننى ئىسسىتىپ تۇرۇش ئۈچۈن، خاتىرجەم بولۇڭ، مەن يوتقاننى تېپىۋەتمەيمەن. ئۇنىڭ قەلبى شۇررىدە ئېرىپ كېتىپتۇ. ئاشنىسى بىلەن يەنە كۆرۈشكەندە، ئۇ سوراپتۇ، مېنى سۆيەمسىز؟ئاشنىسى: سۆيىمەن. ئۇ، ئۇنداقتا ماڭا يوتقاننى ئىسسىتىپ بېرەمسىز؟ ئاشىنىسى تۇرۇپ قاپتۇ: نېمە؟ ئۇ بۇرۇلۇپ مېڭىپتۇ: خەيىر-خوش!
مۇھەببەت دېگەن تېنىمدىن چىققان ئىسسىقلىق.

2. ئۇ داۋاملىق ئۆزى يالغۇز ماشىنا ھەيدەپ سىرتقا كوماندىروپكىغا چىقىدىكەن، يولدا ھەمىشە شۇنچىلىك زېرىكىدىكەن. ئۇ بەزىدە ئېرىگە تېلفۇن ئۇرسا، ئېرى ھەمىشە بىرلا ئېغىز گەپ قىلىدىكەن: ھىم. كېيىن ئۇ خوجايىنى بىلەن تېپىشىپ قاپتۇ، ھېلىقى داۋاملىق تېلفۇندا ئۇنىڭغا قىزىق گەپلەرنى ئېيتىپ كۈلدۈرىدىغان جەلپكارئەر بىلەن. ئۇ يۇۋاش ئېرى بىلەن ئۆي تۇتالمايدىغاندەك ھېس قىلىشقا باشلاپتۇ.
بىر كۈنى ئۇ سەپەردە خوجايىنى بىلەن پاراڭلىشىپ كىرىشىپ كېتىپ، ماشىنا ۋەقەسىگە يولۇقۇپتۇ. ئۇنىڭ يۇۋاش يولدىشى دوختۇرخانىدا كېچە-كۈندۈزھەمرا بولۇپتۇ. يولدىشى ئۇنىڭ قولىنى تۇتۇپ تۇرۇپ، نېمىشقا بۇنداق بىخەستىلىك قىلىسىز؟ ھەر قېتىم مەن سىز بىلەن تېلفۇن پاراڭلاشقاندا بىر ئېغىر سۆزنىمۇ ئارتۇق قىلىشقا جۈرئەت قىلالمايمەن، سىزنىڭ ماشىنا ھەيدىشىڭىزگە دەخلى قىلىپ قويارمەنمىكىن دەپ...
ئۇ كۆزىنى چىڭ يۇمۇپتۇ، كۆز ياشلىرى مەڭزىنى بويلاپ ئېقىپتۇ...
مۇھەببەت. بىر ئېغىز گەپنىمۇ ئارتۇق قىلىشقا قىيماسلىق.

3. كەچتە ئۇخلاشنىڭ ئالدىدا ئۇ ئېرىدىن سوراپتۇ:« ئەگەرمەن ساقايماس كېسەلگە گىرىپتار بولسام، سىز مېنى داۋالىتامسىز؟»
ئېرى ئۇخلاپ قالاي دېگەن بولۇپ، كۆزلىرى يۇمۇق ھالدا:« ساراڭدەك سۆزلىمەڭ..ئۆينى سېتىپمۇ بولسا چوقۇم داۋالىتىمەن»
ئۇ:«ئەگەر سىز كېسەل بولۇپ قالسىڭىزچۇ؟»
ئېرى:«داۋالاتمايمىز»
ئۇ:«نېمىشقا؟»
ئېرى:«ئۆزىڭىز يالغۇز قالسىڭىز، پۇل تېپىش ئۇنچە ئاسان ئەمەس.»
سىز مەڭگۈ بىلمەيسىز، سىز خەتەرگە يولۇققاندا ئۇ سىزگە قانچىلىك كۆڭۈل بۆلىدۇ.

4. ئۇ كومپىيوتېرنىڭ ئالدىدا ئولتۇرغاندا ئالما يېيىشنى ياخشى كۆرىدۇ، ئېرى كۈندە ئىككى ئالمىنى ئاقلاپ ئۇنىڭغا بىرنى بېرىدۇ، ئۇ بۇ خىل ھېسسىياتنى بەك ياخشى كۆرىدۇ. پەقەت ئۇ ئېرىنىڭ داۋاملىق ئىككى ئالمىنى بىر چىشلەپ قويۇپ ئاندىن ئۇنىڭغا بىرنى سۇنىدىغانلىقىنى بايقايدۇ، بۇنىڭ ئۈچۈن، ئۇ خېلى ئۇزۇن ئىچى پۇشىدۇ. ئاخىرى بىر كۈنى، ئېرىنىڭ سىرتقا تېلفۇن ئالغىلى چىقىپ كەتكەن ۋاقتىدىن پايدىلىنىپ، ئېرىنىڭ ئالمىسىنى چىشلەپ باقىدۇ، شۇندىلا بۇ ئالمىنىڭ ئۆزىنىڭكىدەك تاتلىق ئەمەسلىكىنى بىلىدۇ. ئۇنىڭ كۆزلىرى ياشقا تولىدۇ....
ھەمىشە ئەڭ ياخشىسىنى ساڭا بەرسەم دەيمەن.
مەنبە: ئەلدىيار سالونى