ئاياللار دۇنياسى يانبىلوگى

تېببىي تەتقىقات نەتىجىلىرىدىن مەلۇم بولۇشىچە، ئادەم ئاچچىقلانغاندا ئاجرىلىپ چىققان توكسىن سالامەتلىككە زىيان يەتكۈزىدىكەن. ئامېرىكىلىق فىزىئولوگ ئارمانىڭ تەتقىقات نەتىجىسدىن بايقىلىشىچە، ئادەم 10 مىنۇت ئاچچىقلانغاندا سەرپ بولغان زېھىن-كۈچ 3000 مېتىرلىق يۈگۈرۈش مۇسابىقىسىگە قاتناشقاندا سەرپ بولغان زېھىن-كۈچتىن قېلىشمايدىكەن. ئادەم ئاچچىقلانغاندا پەيدا بولغان فىزىئولوگىيەلىك ئىنكاس ئىنتايىن كۈچلۈك بولدىكەن، ئاجرالمىلارمۇ باشقا چاغدىكى ئاجرالمىلاردىن مۇرەككەپ، ئۇنىڭ ئۈستىگە زەھەرلىك بولىدىكەن.

شۇڭا ئاسان ئاچچىقلانغانلارنىڭ سالامەتلىكى تاز ياخشى بولۇپ كەتمەيدىكەن، ئۇزۇن ئۆمۈر كۆرەلمەيدىكەن.
ھېسسىياتى تەڭپۇڭ بولمىغانلارنىڭ كېسەلگە گىرىپتار بولۇش خەۋپى باشقىلارنىڭكىدىن ئىككى ھەسسە ئاشدىكەن. شۇڭا پېروفېسسور ئارما دوكلاتىدا: ئاچچىقلىنىش ئۆزىنى ئۆلتۈرىۋالغانغا باراۋەر بولىدۇ، دەپ ئاگاھلاندۇردى. ئۇ، ئاچچىقلىنىش بىلەن ئۇزۇنغا يۈگۈرۈش ئوخشاشلا قان بېسىمنى ئۆرلىتىپ، يۈرەك سېلىشنى تېزلىتىۋەتسىمۇ، لىكىن ئۇزۇنغا يۈگۈرگەندە قان بېسمى ۋە يۈرەك سېلىش رىتىمى ئاستا ئۆرلەيدۇ، ئاچچىقلانغاندا تېز ئۆرلەيدۇ، شۇڭا سالامەتلىكى ياخشى بولمىغانلار ۋە ياشانغانلاردا ئاسانلا مېڭىگە قان چۈشۈش، يۈرەك كېسلى، يۈرەك مۇسكۇل تىقلمىسى پەيدا بولىدۇ، دەيدۇ.
مەنبە: شىنجاڭ ياشانغانلار گېزىتى