خەلقئارا سىملىق لىنىيەسى مەخسۇس خەۋىرى، ئىراق «ئارسۇمالىيا» تېلېۋىزىيە ئىستانسىسىنىڭ 17 – سېنتەبىر خەۋەر قىلىشىچە، سەئۇدى ئەرەبىستان سەھىيە ۋەزىرى ئادىل فاگى 17 – چىسلا بايانات ئېلان قىلىپ مۇنداق دېگەن، پۈتكۈل مەككە مەدىنەدە ھەج تاۋاب پائالىيىتى، تازىلىق ئەھۋالى ياخشى، ئۇ «ھازىرغا قەدەر يۇقۇملۇق كېسەل بايقالمىغانلىقىنى» ئېيتتى. شۇنىڭ بىلەن بىر ۋاقىتتا يەنە مۇنداق دېدى، سەئۇدى ئەرەبىستان تۈرلۈك تەييارلىق خىزمەتلىرىنى ئىشلەپ بولدى، ھەج تاۋاب مەزگىلىدە يۇقۇم ئەھۋالىنىڭ يۈز بەرمەسلىكىگە كاپالەتلىك قىلىدۇ.
«ئارسۇمالىيە» تېلېۋىزىيە ئىستانسىسى ئەنگىلىيە ئاسمان ئاخبارات تورى خەۋىرىنى نەقىل كەلتۈرۈپ مۇنداق دېدى، سەئۇدى ئەرەبىستان سەھىيە مىنىسترلىكى تۈرلۈك تەدبىرلەرنى تۈزۈپ، ئەسلىھەلەرنى تەييارلاپ، ھەج تاۋاب قىلغۇچىلارنى داۋالاش، كېسەللىكتىن ساقلىنىش قاتارلىق مۇلازىمەتلەر بىلەن تەمىنلەشكە تەييارلىق كۆرۈپ قويدى، بۇنىڭ ئىچىدە مۇكەممەل دوختۇرخانا سىستېمىسى ۋە مەككە مەدىنەنىڭ ھەرقايسى جايلىرىغا تارقالغان ئاساسىي قاتلام سەھىيە ساقلىقنى ساقلاش مەركەزلىرىمۇ بار.
بۇ خەۋەردە يەنە مۇنداق دەپ كۆرسىتىلدى، سەئۇدى ئەرەبىستان سەھىيە مىنىسترلىكى چەتئەللىك ھەج تاۋابچىلار تەۋە بولغان دۆلەتنى كۆزدە تۇتۇپ، بارلىق ئادەم كۈچى، ماددىي كۈچ ۋە تۈرلۈك كەسپىي داۋالاش ئەسلىھەلىرىنى مەركەزلەشتۈرۈپ، ھەج تاۋاب پائالىيىتىنى زور كۈچى بىلەن قوللىدى
