جۇڭگو خەۋەر تورىنىڭ 20-ئاپرېل خەۋىرى: چەتئەل مېدىيەلىرىنىڭ 20-ئاپرېلدىكى خەۋىرىگە ئاساسلانغاندا، پاكىستان ساقچىلىرى دېيىشىچە، پاكىستانىڭ سىندىھ ئۆلكىسىدە يولۇچىلار ئاپتوبۇسى بىلەن يۈك ماشىنىسى سوقۇلۇپ كېتىپ، نۆۋەتتە ئۆلگەن ئادەم سانى 42 گە يەتكەن، باشقا يەنە 17 ئادەم يارىدار بولغان.
خەۋەرلەرگە ئاساسلانغاندا، ئۆلگەنلەرنىڭ ئىچىدە 14 بالا ۋە 13 ئايال بار ئىكەن.
ۋەقە سىندھ ئۆلكىسىنىڭ سىككۇر بازىرىدا يۈز بەرگەن، سىككۇر بازىرى كاراچىنىڭ شىمالىغا 425 كىلومېتىر كېلىدۇ.
يەرلىك ساقچىلارنىڭ بىلدۈرۈشىچە، ۋەقەنىڭ سەۋەبى ئاساسلىقى يولۇچىلار ئاپتوبۇسىنىڭ شوپۇرى نامۇۋاپىق ھەيدىگەنلىكتىن كېلىپ چىققان. ئەينى چاغدا شوپۇر يولنىڭ ئىچكى يېقىدىن ئالدىدىكى ماشىنىدىن ئۆتۈپ كەتمەكچى بولغان، شۇنىڭ بىلەن ئۇدۇلدىن كەلگەن يۈك ماشىنىسى بىلەن سوقۇلۇپ كەتكەن ھەمدە كۆپلىگەن كىشىلەرنىڭ ئۆلۈشى ۋە يارىدار بولۇشىنى كەلتۈرۈپ چىقارغان.