جۇڭگو ئۇيغۇرچە رادىيو تورى 12-ئاۋغۇست بېيجىڭ خەۋىرى:
ياپونىيەنىڭ تاشقى ئىشلار ۋازارىتى 10-ئاۋغۇست مۇنۇلارنى جاكارلىدى: 9-ئايدىن باشلاپ جۇڭگودىكى شەخسلەرگە ساياھەت ۋىزىسى بېرىش شەرتى يەنىمۇ بوشىتىلىدۇ. ئىلگىرىكى ماددىلاردىكى «بەلگىلىك كەسىپىي ئورنى ۋە ئىقتىساد ئىقتىدارىغا ئىگە بولۇش» تەلىپى ئەمەلدىن قالدۇرۇلىدۇ . ھەمدە تۇرۇش ۋاقتى ھازىرقى 15 كۈندىن 30 كۈنگە ئۇزارتىلىدۇ. بۇ تەدبىر 9-ئاينىڭ 1-كۈنىدىن باشلاپ ۋاقتىنچە بىر يىل يولغا قويىلىدۇ. بۇ قېتىمقى ۋىزا بېرىش شەرتىنى بوشىتىش ئاساسلىقى : پېنسىيەگە چىققاندىن كىيىن كەسپىي ئورنى يوق بايلار قاتلىمى ۋە ئوتتۇرا ھال كىرىملىكلەرنىڭ ياپونىيەنى زىيارەت قىلىش ۋە تۇرۇش ۋاقتىنى ئۇزارتىشنى ئىلگىرى سۈرۈش مەقسەت قىلىندى.　تىز سۈرەتتە كۆپىيىۋاتقان ياپونىيەنى زىيارەت قىلىدىغان جۇڭگولۇقلار ياپونىيەنىڭ شەرقىدە يەر تەۋرىگەندىن كىيىن ئازىيىشقا باشلىدى. ياپونىيە ساياھەت نازارىتى بۇندىن ئىلگىرى 2013-يىلىغىچە چەتئەللىك ساياھەتچىلەرنى 15 مىليونغا يەتكۈزۈش نىشانىنى ئوتتۇرىغا قويغانىدى. شۇڭا ۋىزا بېرىش شەرتىنى بوشىتىش ئارقىلىق ساياھەتچىلەرنىڭ سانىنى تىز سۈرەتتە ئەسلىگە كەلتۈرۈش ئىستىكىدە بولدى.