تېپشماقلار دۇنياسى

1-
ئۆزى كىچىك تۈگمەنگە،
ئىش قىلشنى ئۆگەتكەن.
تاغار-تاغار بۇغداينى،
تالقان قىلىپ تۈگەتكەن.

سۇئاقىدۇ ئاستىدىن،
جۈپ ئوغلى بار تاشتىن.
ئۇ بولغاچقا ئەجداتلار،
غەم يىمەگەن ئاشتىن.

پىرقىرايدۇ بىر ئۆيدە،
ئېشەك كۆزى باغلىنىپ،
ئەشۇ ئۆيدىن خەلقىمىز،
كەلگەن دائىم ياغ ئېلىپ.

پۈتكەن چىۋىق ۋە تالدىن،
بىر پۇتى بىر بېشى بار.
ئۇبولغاچقا ئاناڭنىڭ،
سۈزۈپ ئالغان ئېشى بار.

2-

غەلىتە بىر پەلەي بار،
سوغۇقتا ھەرگىز كىيمەيسەن.
ئۇبولغاچقا ھەر كۈنى،
يۇمشاق-يۇمشاق نان يەيسەن.

پۈتكەن جىسمى قەلەيدىن.
شالاسى ھەم پۇتى بار.
ئوچاق ئەمەس ئوچاقتەك،
تەپتى كۈچلۈك ئوتى بار.

ئوتتۇرىسى ئوتخانا،
ئەسلى ئۆزى چايخانا.
كۆرۈنىدۇ كۆزۈڭگە،
بولۇپ گويا مىس لوڭقا.