تېپشماقلار دۇنياسى

جاھالەتتىنىڭ ،ئادالەتنىڭ چىن گۇۋاھى،
سەلتەنەت ۋە مەئىشەتنىڭ يار-يۈلكى.
چىن رىئاللىق ،ساختىلىقنىڭ ھەم ئىزناسى،
ئلىم مەرىپەت ۋە تارىخنىڭ ساپ يۈرىكى.

مائارىپنىڭ ۋە ئەدىپنىڭ چىن ھەمراھى،
ئەخلاق ھەمدە گۈزەللىكنىڭ ئارامگاھى.
ئىلىم تولغان قامۇسلارنىڭ ئاساسچىسى،
ھەم شۇنداقلا نادانلارنىڭ گۆرىكارى.

مەدىنىيەت ھەم سەنئەتنىىڭ چىن ئىزچىسى،
ئىنسانىيەت ئالىمىنىڭ تۆھپىكارى.
قەغەز دىگەن نازىنىننىڭ چىن ھەمراھى،
ئەقىل ئىدراك ھەم ساپانىڭ غەمگۇزارى.

ئەقلى باركى ھەر ئىنسانغا كېرەكلىك،
بىر نەرسە باربىزدىن ھەرگىز ئايرىلماس،
نادانلىقنىڭ ئەڭ دەسلەپكى ئوستازى،
نادانلىقتا قالغان كىشى تاپالماس.

1-
ئۆزى كىچىك تۈگمەنگە،
ئىش قىلشنى ئۆگەتكەن.
تاغار-تاغار بۇغداينى،
تالقان قىلىپ تۈگەتكەن.

سۇئاقىدۇ ئاستىدىن،
جۈپ ئوغلى بار تاشتىن.
ئۇ بولغاچقا ئەجداتلار،
غەم يىمەگەن ئاشتىن.

پىرقىرايدۇ بىر ئۆيدە،
ئېشەك كۆزى باغلىنىپ،
ئەشۇ ئۆيدىن خەلقىمىز،
كەلگەن دائىم ياغ ئېلىپ.