ئىلى دىيارى بلوگى

ھېيىت بۈگۈن

 (تورداشلارنىڭ قۇربان ھېيتىگە بېغىشلايمەن)

داۋام قىلىپ كەلگەن ئاتا-بوۋامدىن ،

ئۇيغۇرۇمنىڭ ئەنئەنىسى ،تارىخى.

ۋارس بولساڭ سەنمۇ ئاڭا دىلىڭدىن،

ئەۋلادىڭغاقالار سەندىن ئادىتى.

جەم بولۇشۇپ ئۆتەر ھەممە ئايەمدە،

ئاتا-ئانا، قېرىنداشلار شادلىنار.

ئەل-جامائەت توپ-توپ ھېيتلاش ئادەتتۇر،

غېرىپ،ئاجىز، يېتىم ئوغول يادلىنار.

تۈنجى بولۇپ ئاتا-ئانا ئۆيىگە،

كەلدى ئوغۇل ،كىلىن، نەۋرە سالامغا.

خوشاللىقتىىن بولدى ئانا پايپىتەك،

يىگۈزەي دەپ ئاتىغاننى بالامغا.

ئاتا-ئوغۇل ماڭسا بىللە پەتىگە،

قىز-كىلىنلەر تاقار چازا چېچىغا.

ياساندۇرۇپ قويغان نەۋرە شوخلۇقتىن،

ساڭزا يىگەچ، ھارماس مىنىپ "ئېتىغا".

ئەنە ياڭراپ ناغرا-سۇناي ئاۋازى،

قېرى ھەم ياش ،بارچە چۈشتى ساماغا.

قىز-يىگىتلەرخوشاللىقتىن كۈلۈشۇپ،

جۇر بولۇشتى بەس-بەستە شوخ ناۋاغا...

ھېيىت بۈگۈن ،ئايەم بۈگۈن يۈرتۇمدا،

ئەل جامائەت چۆمدى مانا شادلىققا.

ئۆرپى-ئادەت ئۈگەن ھەر بىر ئايەمدە،

ئورۇن يوقتۇر ئەمدى بىلگىن شاشلىققا!

شۇنداق ھېيىت بۇ بارچە بىردەك شادلىنار ،

نەدە باردۇر مۇنداق ئادەت، ئۆزگىچە.

ئېسىل خىسلەت ئىجىل –ئىناق ئۆتمەكتۈر،

داۋام قىلسۇن نەۋرەڭ چەۋرە... كۆرگىچە.

2010-11-15