سىنا تەنتەربىيە خەۋىرى: بارسېلونا كۇلۇبى كوماندىدىكى داڭلىق چولپان شاۋىنىڭ بارسېلونادا كۇلۇبىدا كەسپىي ھاياتىنى ئاخىرلاشتۇرۇشنى ئۈمىد قىلىدىكەن. بارسېلونا كوماندىسى ئوتتۇرا مەيدانىدىكى بۇ چولپان ھازىر كەسپىي ھاياتىنىڭ ئەڭ شانلىق ۋاقىتلىرىدا تۇرىۋاتقان بولۇپ، كۇلۇب ئۇنىڭ بىلەن توختامنى ئۇزارتىشنى يەنە ئۇنىڭ بىلەن كەسپىي ھاياتىنى ئاخىرلاشتۇرغىچە توختام تۈزۈشنى ئۈمىد قىلىدىكەن. بۇ مەسىلە ئۈستىدە بارسېلونا كۇلۇبى ئالدىنقى ھەپتە ئاخىرىدا ئۇنىڭغا ئىپادىسىنى بىلدۈرگەن.
شاۋى بىلەن بارسېلونا كۇلۇبىنىڭ توختامى 2014-يىلى 6-ئايدا ئاخىرلىشىدىغان بولۇپ، «كۈندىلىك تەنتەربىيە گېزىتى»نىڭ خەۋىرىچە بارسېلونا كۇلۇبى يېقىندا شاۋىغا توختامنى ئۇزارتىش توغرىسىدا ئۇقتۇرۇش قىلغان. شاۋى بۇ يىل 32 ياشقا كىرگەن بولۇپ، يەنىلا كەسپىي ھاياتىدىكى ئەڭ شانلىق ۋاقىتلاردا تۇرىۋاتىدۇ. بارسېلونا كۇلۇبىنىڭ ئويىمۇ ناھايىتى ئىنىق بولۇپ، ئۇلار شاۋىنىڭ بارسېلونادا كەسپىي ھاياتىنى ئاخىرلاشتۇرىشىنى ئۈمىد قىلىدىكەن. نۆۋەتتە بارسېلونا كۇلۇبى يەنە پۇيولغىمۇ بارسېلونا كوماندىسىدا كەسپىي ھاياتىنى ئاخىرلاشتۇرىسدىغانغا توختامنى ئۇزارتىش تەكلىپىنى بەرگەن بولۇپ، شۇنىڭ بىلەن بىر ۋاقىتتا يەنە مېسسى بىلەن ئۆمۈرۋايەتلىك توختام ئېمزالىماقچى بولغانلىقىنىمۇ بىلدۈرگەن.
كۇلۇب بىلەن كوماندا ئەزالىرى ئوتتۇرىسىدىكى مۇناسىۋەت ئىنتايىن ياخشى بولۇپ شاۋى بىلەن توختام ئۇزارتىش مەسىلىسىمۇ ئانچە قىيىنغا چۈشمەيدىكەن. شاۋىنىڭ ۋاستىچىسىمۇ بۇنى مۇئەييەنلەشتۈرگەن، ئۇ مۇخبىرلارنىڭ زىيارىتىنى قوبۇل قىلغاندا :«بارسېلونا كۇلۇبى ئالدىنقى ھەپتىدە ئۆزىنىڭ ئىپادىسىنى بىلدۈردى، ئۇلار شاۋىنىڭ داۋاملىق كوماندىدا قېلىشىنى ئۈمىد قىلىدۇ. شاۋىنىڭ بارسېلونا كۇلۇبى بىلەن بولغان توختامى 2014-يىلى توشىدۇ. داۋاملىق توختام تۈزۈش توغرىسىدىكى سۆھبەتنىڭ ھازىر باشلانغىنى ناھايىتى ياخشى بولدى. شاۋى ھازىرمۇ يەنىلا ياۋروپادىكى نۇرغۇن داڭلىق كۇلۇبلار كۆز تىكىۋاتقان چولپان، ئۇنىڭ ھازىرقى بەدەن سۈپىتى ۋە ئىپادىسىدىن قارىغاندا ئۇنىڭ يېشىنىڭ چوڭ ئىكەنلىكىدىن ئەنسىرەشنىڭ ھاجىتى يوق» دېگەن.