ۋاڭيى تەنتەربىيىسى 12-سىنتەبېر خەۋىرى  ئالدىنقى مۇسابىقە پەسلى باشلانغاندىن تارتىپ ھازىرغىچە، توپچى ئاربېلوئا خان مادرىد كوماندىسىدا ئاساسلىق ماھىر بولدى، شۇنىڭ بىلەن بىرگە ئۇ ئىسپانىيە دۆلەتلىك كوماندىسىدىمۇ ئاساسلىق ماھىرغا ئايلاندى، بۇ يىل يازدا ئىسپانىيە دۆلەتلىك كوماندىسىنىڭ ياۋروپا لوڭقىسى پۇتبول مۇسابىقىسىنىڭ چېمپىيونلۇقىغا ئېرىشىشىگە كۈچ چىقاردى، بۇلارنىڭ ھەممىسى مەشقاۋۇل مۇرىنىئونىڭ تۆھپىسىدىن بولدى، ئەگەر مەشقاۋۇل مۇرىنىئو توپچى ئاربېلوئاغا ئىشەنمىگەن بولسا، توپچى ئاربېلوئا ھازىرقىدەك نەتىجىلەرگە ئېرىشەلمەيتتى.
 يېقىندا توپچى ئاربېلوئا زىيارەت قوبۇل قىلغاندا مەشقاۋۇل مۇرىنىئونى ماختاپ مۇنداق دېدى: مەشقاۋۇل مۇرىنىئو تارىختىن بۇيانقى ئەڭ مۇنەۋۋەر مەشقاۋۇل ھېسابلىنىدۇ، ئۇ خان مادرىد كوماندىسىغا يېتەكچىلىك قىلىپ بۇ مۇسابىقە پەسلىدە تۆت چېمپىيونلۇققا ئېرىشەلەيدۇ.
 توپچى ئاربېلوئا زىيارەت قوبۇل قىلغاندا مەشقاۋۇل مۇرىنىئونى ماختاپ يەنە مۇنداق دېدى: مەشقاۋۇل مۇرىنىئونىڭ ئەڭ چوڭ ئارتۇقچىلىقى ئۆزىگە قەتئىي ئىشىنىدۇ، ئۇ ھەمىشە تىرىشىپ خىزمەت قىلىدۇ، خان مادرىد كوماندىسىنىڭ مەشقاۋۇلى بولۇش سۈپىتى بىلەن، ئۇ مۇسابىقە جەريانىدا ماھىرلارنى ناھايىتى مۇۋاپىق ئالماشتۇرىدۇ، خاتالىقنى ناھايىتى ئاز سادىر قىلىدۇ، ئۇ خان مادرىد كوماندىسىنىڭ ياخشى نەتىجىگە ئېرىشىشى ئۈچۈن بارلىق كۈچى بىلەن تىرىشىدۇ، مېنىڭچە مەشقاۋۇل مۇرىنىئو تارىختىن بۇيانقى ئەڭ مۇنەۋۋەر مەشقاۋۇل ھېسابلىنىدۇ.