ۋاڭيى تەنتەربىيىسى 12-سىنتەبېر خەۋىرى لاپورتا بارسېلونا كۇلۇبىنىڭ رەئىسلىك ۋەزىپىسىدىن قالغاندىن كېيىن يەنىلا پۇتبول ساھەسىدىكى ئەھۋاللارغا كۆڭۈل بۆلدى.
 يېقىندا ئۇ كرىستىيانو رونالدونىڭ خان مادرىد كوماندىسىدىن نارازى بولغانلىقى توغرىسىدا توختىلىپ، كىشىلەرنىڭ كرىستىيانو رونالدوغا كەڭ قورساقلىق بىلەن مۇئامىلە قىلىشىنى تەلەپ قىلدى.
 بارسېلونا كۇلۇبىنىڭ سابىق رەئىسى لاپورتا مۇنداق دېدى: خان مادرىد كۇلۇبى بىر ياخشى كۇلۇب، مەن كرىستىيانو رونالدونىڭ نېمە ئۈچۈن نارازى بولغانلىقىنى بىلمىدىم، مەن شۇنى بىلىمەنكى، خان مادرىد كوماندىسىدىكى ماھىرلارنىڭ ھەممىسى زور بېسىمغا دۇچ كېلىدۇ، كرىستىيانو رونالدومۇ بۇنىڭ ئىچىدە.
 بارسېلونا كۇلۇبىنىڭ سابىق رەئىسى لاپورتا يەنە مۇنداق دېدى: مېنىڭچە كرىستىيانو رونالدونىڭ مائاشىنى ئۆستۈرۈپ بېرىش كېرەك، ئەگەر كرىستىيانو رونالدو قالتىس ئىپادىسىنى جارى قىلدۇرمىغان بولسا، خان مادرىد كوماندىسى بارسېلونا كوماندىسىنىڭ ھۆكۈمرانلىقىنى ئاغدۇرالمىغان بولاتتى. كرىستىيانو رونالدو ھەقىقەتەن بىر ئۇلۇغ كەسپىي توپچى، لېكىن روشەنكى، ئۇ ھازىر زور بېسىمغا ئۇچرىماقتا، بۇ ئاسان ئەمەس، ئۇ داۋاملىق تىرىشماقتا، ئۇ ئېرىشىشقا تېگىشلىك ھەقكە ئېرىشىشى كېرەك.
 كرىستىيانو رونالدو توغرىسىدا سۆزلەپ بولغاندىن كېيىن، بارسېلونا كۇلۇبىنىڭ سابىق رەئىسى لاپورتا مەشقاۋۇل مۇرىنىئو توغرىسىدا توختىلىپ مۇنداق دېدى: مۇرىنىئو بولسا بىر ئۇلۇغ كەسپىي مەشقاۋۇل، مەن ئۇنى بەك ياخشى كۆرىمەن. شۇنىڭ بىلەن بىللە بارسېلونا كۇلۇبىنىڭ سابىق رەئىسى لاپورتا بۇندىن كېيىن بارسېلونا كۇلۇبىنىڭ رەئىسلىكىگە قايتا تەيىنلىنىشنى ئۈمىد قىلدى.