ۋاڭيى تەنتەربىيىسى12-سېنتەبىر خەۋىرى: گەرچە يازلىق سودىلىشىش كۆزنىكى تاقالغان بولسىمۇ، لېكىن كوماندىلار ئوتتۇرسىدىكى توپچىلار بىلەن باغلىنىشلىق بولغان خەۋەرلەر ئۈزۈلۈپ قالغىنى يوق. بۈگۈن يېڭى نەشىردىن چىققان(يۇلتۇز گېزىتى)نىڭ ئاشكارلىشىچە، مانچىستېر شەھىرى كوماندىسى 12 مىليون فوندېستېرلىڭ باھا بىلەن فىلورېنتىنا كوماندىسىدىكى يۆۋىدىچنى قوشۇۋالماقچى بولغان.

   يۆۋىدىچ مۇشۇ نەچچە يىلدىن بېرى ئىتالىيە بىرلەشمىسىدە يېتىشىپ چىققان تالانىتلىق ھۇجۇمچىلارنىڭ بىرى، ئىلگىرىكى لېۋېرپول كوماندىسىنىڭ تېرېنېرى بېرنىتېز ئۆزىنىڭ كىتابىدا يۆۋىدىچ توغرىسىدا توختۇلۇپ مۇنداق دېگەن ئىدى: نەچچە يىل بۇرۇن مەن ئۇنى لېۋېرپولغا قوشۇۋېلىشنى ئېيىتقان بولساممۇ، لېكىن كۇلۇبتىكى يۇقىرى قىسىم ئەمەلدارلار بېخىللىق قىلىپ پۇل خەجلەشكە ئۇنىمىغان ئىدى، ئۇ چاغدا ئۇ تېخى 20 ياشقىمۇ توشمىغان، باھاسىمۇ ھازىرقىدەك قىممەت ئەمەستى، ئەگەر ئۇ لېۋېرپولغا قوشۇلغان بولسا، توررېس بىلەن بىللە پاس ئويناپ، كوماندىنىڭ نەتىجىسى تېخىمۇ يۇقىرى كۆتۈرۈلگەن بولاتتى، دېگەن.
   ئىگىلىنىشىچە، فىلورېنتىنا كۇلۇب رەئىسى يۆۋىدىچنىڭ مۇشۇ پەسىل ئاخىرلاشقاندىن كېيىن كوماندىدىن ئايرىلىشىغا رۇخسەت قىلغان بولۇپ، چېلسى باشچىلىقىدىكى زەردار كۇلۇبلار دەرھال ئۇنىڭغا بولغان قىززىقىشىنى بىلدۈرگەن، لېكىن ئۇنىڭ مانچىستېر شەھىرى كوماندىسىغا قوشۇلغۇسى بار ئىكەن، چۈنكى ئۇ مانچىستېر شەھىرىدە 60 مىڭ فوندېستېرلىڭ ھەپتىلىك مۇئاش تەمىناتىدىن بەھرىمان بولۇشى مۇمكىن ئىكەن. 2008- يىلى فىلورېنتىناغا قوشۇلغاندىن بۇيان، يۆۋىدىچ 89 مەيدان مۇسابىقىدە 28 توپ كىرگۈزگەن، شۇنداقلا مونتېنېگىرو دۆلەت كوماندىسى ئۈچۈن 21 مەيدان مۇسابىقىدە 10 توپ كىرگۈزگەن، بۇ پەسىللىك ئالدىنقى ئىككى مەيدان مۇسابىقىدە يەنە 3 توپ كىرگۈزگەن بولۇپ، مانچىستېر شەھىرى كۇلۇبى ئۇنى كوماندىدىن ئايرىلىش مۇمكىنچىلىكى يۇقىرى بولغان زېكونىڭ ئورنىغا سەپلىمەكچى بولغان.