سىنا تەنتەربىيە خەۋىرى: بېيجىڭ ۋاقتى 9-ئاينىڭ 25-كۈنىدىكى خەۋەرلەرگە قارىغاندا، بىرازىلىيە ئاخبارات ۋاستىلىرىنىڭ خەۋەر قىلىشىچە بۇرۇن بىرازىلىيە 17 ياشلىقلار كوماندىسى ۋە بىرازىلىيە 20 ياشلىقلار كوماندىسىغا تېرىنىر بولغان مارسىيو جۇڭگو بىرلەشمىسىدىكى شاڭخەي شېنشىن كۇلۇبى بىلەن تۇنجى قەدەمدە بىرلىككە كەلگەن. بىرازىلىيەلىك تېرىنىر بەلكىم بۇ يىل 12-ئايدا شاڭخەي شېنشىن كوماندىسىنىڭ باش تېرىنىرى بولىشى مۇمكىن ئىكەن.

بىرازىلىيە ئاخبارات ۋاستىلىرىنىڭ خەۋىرىدە كۆرسىتىلىشىچە، ھازىر ئۆيىدە دەم ئېلىۋاتقان تېرنىر مارسىيو باشقا دۆلەتلەردىكى نۇرغۇنلىغان كۇلۇبلارنىڭ تەكلىپىنى تاپشۇرىۋالغان بولۇپ، ئەمما ئەتراپلىق ئويلانغاندىن كېيىن ئۇ جۇڭگو بىرلەشمىسى كۇلۇبى شاڭخەي شېنشىن كۇلۇبىنىڭ تەكلىپىنى قوبۇل قىلىشنى قارار قىلغان. بىراق ئىككى تەرەپنىڭ توختام ئىشى بۇ يىل ئاخىرىدا يەنى جۇڭگو بىرلەشمىسىنىڭ 2012-يىللىق مۇسابىقە پەسلى ئاخىرلاشقاندا ئېلىپ بېرىلىدىكەن.
بىرازىلىيەلىك تېرىنىر مارسىيو 1962-يىلى توغۇلغان بولۇپ، 1992-1993-يىللىرى بىرازىلىيە 17 ياشلىقلار كوماندىسى ۋە بىرازىلىيە 20 ياشلىقلار كوماندىسىنىڭ تېرىنىرلار گۇرۇپىسىنىڭ ئەزاسى بولغان، بۇ ئىككى كوماندىدىن كېيىن رونالدو ۋە رونالدىنىئودەك دۇنيا پۇتبول ئەپەندىلىرى يېتىشىپ چىققان. 1994-يىلىدىن كېيىن ئۇ باشقا دۆلەتلەردىكى كۇلۇبلار ۋە بەزى دۆلەت كوماندىلىرىنىڭ باش تېرىنىرلىق ۋەزىپىسىنى ئۆتىگەن. ئۇ يېقىندا ئاخبارات ۋاستىلىرىنىڭ زىيارىتىنى قوبۇل قىلغاندا ئۆزىنىڭ مول بولغان تېرىنىرلىق تەجرىبىسىنىڭ نۇرغۇنلىغان كۇلۇبلارنى ئۆزىگە تارتقانلىقىنى ئېيتقان. مارسىيو بۇ ھەقتە :«مېنىڭ چەتئەللەردىمۇ تەسىرىم خېلى كۈچلۈك، چۈنكى مېنىڭ خىزمىتىم مەن تېرىنىرلىق قىلغان كۇلۇبلارغا روشەن تەسىر قىلغان. مېنىڭ بىلىشىمچە شاڭخەي شېنشىننىڭ كوماندا قۇرۇلمىسى خېلى ياخشى، ھازىرقى ئەھۋالىمۇ ياخشى، ئۇلار مېنىڭ يەنە بىر ئىككى نەپەر بىرازىلىيەلىك توپچىنى بىللە ئېلىپ كوماندىغا قوشۇلۇشۇمغا رۇخسەت قىلدى» دېگەن.

ئەلۋەتتە مارسىيونىڭ بىرازىلىيە بىرلەشمىسىدە قېلىپ تېرىنىرلىق قىلىش ئارزۇسى تېخىمۇ چوڭ بولۇپ، ئۇ بۇ ھەقتە :«مەن باشقا نۇرغۇن تېرىنىرلارغا ئوخشىمايمەن، چۈنكى مېنىڭ بىرازىلىيەدە قېلىپ تېرىنىر بولۇشنى تېخىمۇ ئازۇ قىلىمەن» دېگەن. مارسىيو ھازىر بىرازىلىيە دۆلەت ئىچىدىكى كۇلۇبلارنىڭ تەكلىپىنى ساقلاۋاتقان بولۇپ، ئەگەر 12-ئايغىچە بىرازىلىيەدىكى ھېچقانداق كۇلۇب ئۇنى تەكلىپ قىلمىسا، ئۇنىڭ شاڭخەي شېنشىن كۇلۇبىنى تاللىشى مۇمكىن ئىكەن. ئەلۋەتتە شاڭخەي شېنشىن كوماندىسىنىڭ ھازىرقى باش تېرىنىرىنىڭ كوماندىدىكى تەسىرى خېلى چوڭ بولۇپ، مارسىيونىڭ ئۇنىڭ ئورنىنى ئېگەللىشىمۇ ئانچە ئاسان ئەمەس ئىكەن.